ప్రస్తుతం రకుల్ ప్రీత్ సింగ్(Rakul preeth singh) చేతిలో తెలుగులో ఒక్క సినిమా కూడా లేదు. గతంలో ఎన్టీఆర్, చరణ్, బన్నీ లాంటి స్టార్ హీరోలతో రొమాన్స్ చేసిన ఈ ముద్దుగుమ్మ.. ఇక్కడ క్రేజ్ తగ్గిపోవడంతో బాలీవుడ్‌కి చెక్కేసింది. చివరగా క్రిష్‌ తెరకెక్కించిన కొండపొలం సినిమాలో నటించింది. ఈ సినిమా ఫ్లాప్ అయింది. అప్పటినుంచి రకుల్‌కు టాలీవుడ్‌లో ఆఫర్లు తగ్గిపోయాయి. అమ్మడు కూడా బాలీవుడ్ పై మోజు పెంచుకుంది. కానీ అనుకున్నంత రేంజ్‌లో అక్కడ రాణించలేకపోయింది. అందుకే ఓ రేంజ్‌లో గ్లామర్ ఒలకబోస్తోంది ఈ బోల్డ్ బ్యూటీ.
చదవండి: King Of Kotha: ‘కింగ్ ఆఫ్ కోటా’ టీజర్ రిలీజ్
అయినా అమ్మడిని పట్టించుకునే వారే లేకుండా పోయారు. కానీ ఫైనల్‌గా టాలీవుడ్‌లో బంపర్ ఆఫర్ అందుకున్నట్టు తెలుస్తోంది. ఏకంగా నందమూరి నటసింహంతో నటించే ఛాన్స్ కొట్టేసినట్టు సమాచారం. ప్రస్తుతం అనిల్ రావిపూడితో ‘భగవంత్ కేసరి’ అనే సినిమా చేస్తున్నాడు బాలయ్య. ఈ సినిమాలో కాజల్ అగర్వాల్‌ హీరోయిన్‌గా నటిస్తుండగా.. శ్రీలీల కీ రోల్ ప్లే చేస్తోంది. దసరాకు ఈ సినిమా రిలీజ్‌కు ప్లాన్ చేస్తున్నారు. ఇక ఈ సినిమా తర్వాత.. సంక్రాంతి బరిలో మెగాస్టార్ ‘వాల్తేరు వీరయ్య’ సినిమాతో తనకు పోటీగా నిలిచి సక్సెస్ అందుకున్న డైరెక్టర్ బాబీతో ఎన్బీకె 109 ప్రాజెక్ట్ కమిట్ అయ్యాడు బాలయ్య.
చదవండి: Actress Asin: భర్తతో అసిన్ విడాకులు తీసుకుందా..? అందుకే అలా చేసిందా?
ఇటీవలె ఈ సినిమాను గ్రాండ్‌గా లాంచ్ చేశారు. ఈ సినిమాలోనే హీరోయిన్‌గా రకుల్ పేరు పరిశీలిస్తున్నట్టు తెలుస్తోంది. అయితే ఈ సినిమాలో ఇద్దరు హీరోయిన్లకు స్కోప్ ఉందట. మెయిన్‌ లీడ్‌లో నయనతార ఫైనల్ అవగా.. సెకండ్ లీడ్‌లో రకుల్(Rakul preeth singh) ఓకె అయిందని అంటున్నారు. ఈ ఆఫర్‌తో ఎలాగైనా టాలీవుడ్‌లో సాలిడ్ కంబ్యాక్ అవాలని చూస్తోందట రకుల్. అయితే ఇందులో నిజమెంత అనేది.. అఫిషీయల్ అనౌన్స్మెంట్ వచ్చే వరకు వెయిట్ చేయాల్సిందే.
