భారత మాజీ కెప్టెన్, బీసీసీఐ మాజీ ప్రెసిడెంట్ సౌరవ్ గంగూలీ బయోపిక్ త్వరలోనే తెరపైకి రానుంది. ఈ విషయాన్ని ఇప్పటికే చిత్రయూనిట్ ప్రకటించింది. గంగూలీ బయోపిక్ స్క్రిప్ట్ ఫైనల్ స్టేజీకి వచ్చింది. భారత క్రికెట్ చరిత్రలో ఒక ప్రత్యేక పేజీ గుంగూలీకి ఉంది. తన అభిమానుల చేత బెంగాల్ టైగర్, దాదా, ప్రిన్స్ ఆఫ్ కలకత్తా, మహారాజ్ అని ముద్దుగా గంగూలీ పిలిపించుకుంటాడు. గత ఏడాది బెంగాలీ చిత్ర దర్శకుడు శ్రీజిత్ ముఖర్జీ బయోపిక్ తీయడం కోసం కాన్సెప్ట్‌తో తనను సంప్రదించినట్లు గంగూలీ ఒక ఇంటర్వ్యూలో తెలిపాడు.
అయితే తన బయోపిక్ స్క్రిప్ట్ ను తానే స్వయంగా రాస్తానని తెలిపాడు. ఆ స్క్రిప్ట్ దాదాపు పూర్తి కావొచ్చిందని, తాజాగా ఆ సినిమా స్క్రీన్ ప్లే అండ్ డైలాగ్స్ గురించి మాట్లాడేందుకు గంగూలీ ముంబై చేరుకున్నాడు. త్వరలోనే స్క్రిప్ట్ వర్క్ పూర్తి చేసి షూటింగ్ దశకు తీసుకెళ్తున్నట్లు తెలిపాడు. అయితే తన బయోపిక్ లో హీరో ఎవరన్నది మాత్రం గంగూలీ చెప్పలేకపోయాడు. బాలీవుడ్ సమాచారం మేరకు గంగూలీ పాత్రను రణ్ బీర్ కపూర్ చేయనున్నట్లు టాక్ వినిపిస్తోంది.
