Mega 157.. Young director final?
Mega 157: యంగ్ డైరెక్టర్ అనిల్ రావిపూడి టాలీవుడ్‌లో సక్సెస్ ఫుల్ డైరెక్టర్‌గా కొనసాగుతున్నాడు. ఎఫ్ 3 మాత్రం సో.. సో..గా నిలిచింది. కానీ.. ఇప్పటివరకు ఒక్క ఫ్లాప్ కూడా చూడలేదు అనిల్ రావిపూడి. రీసెంట్‌గా బాలకృష్ణ ‘భగవంత్ కేసరి’ సినిమాతో బ్లాక్ బస్టర్ అందుకున్నాడు. ఈ సినిమా తర్వాత అనిల్ రావిపూడి నెక్స్ట్ ప్రాజెక్ట్ విషయంలో ఇంకా క్లారిటీ రాలేదు. ఇండస్ట్రీ వర్గాల ప్రకారం.. అనిల్ రావిపూడి నెక్స్ట్ ప్రాజెక్ట్ మాస్ మహారాజా రవితేజతో చేసే ఛాన్స్ ఉందని వార్తలు వచ్చాయి. ఇప్పుడు మళ్లీ మెగాస్టార్ చిరంజీవితో ప్రాజెక్ట్ సెట్ చేస్తున్నట్టుగా సమాచారం.
చదవండి: Kantara 2.. ఫస్ట్ లుక్ ముహూర్తం ఫిక్స్!
కెరీర్ స్టార్టింగ్ నుంచి వినోదాత్మకమైన సినిమాలను తెరకెక్కిస్తున్న అనిల్ రావిపూడి.. మెగాస్టార్ చిరంజీవితో కూడా అదిరిపోయే ఎంటర్టైనర్ చేయబోతున్నట్టుగా వార్తలు వస్తున్నాయి. చాలా రోజులుగా చిరు, అనిల్ రావిపూడి కాంబో గురించి వినిపిస్తున్నప్పటికీ.. ఇప్పుడు దాదాపుగా ఫైనల్ అయినట్టుగా తెలుస్తోంది. ప్రస్తుతం కథకు సంబంధించిన చర్చలు జరుగుతున్నాయని… చిరుకు లైన్ నచ్చిందని.. ఓసారి ఫైనల్ వెర్షన్ విన్నాక స్క్రిప్టు లాక్ చేయనున్నారని తెలుస్తోంది. ఈ సినిమాను ప్రముఖ నిర్మాత దిల్ రాజు నిర్మించనున్నట్టుగా సమాచారం.
ఇక పోతే.. ‘భోళా శంకర్’ వంటి ఫ్లాప్ తర్వాత.. నెక్స్ట్ ప్రాజెక్ట్‌ను భారీగా ప్లాన్ చేస్తున్నారు మెగాస్టార్. ఇప్పటికే బింబిసార వంటి హిట్ ఇచ్చిన యంగ్ డైరెక్టర్ వశిష్టతో భారీ సోషియో ఫాంటసీ అనౌన్స్ చేసిన సంగతి తెలిసిందే. రీసెంట్‌గానే ఆ మూవీ షూటింగ్ స్టార్ట్ అయింది. త్వరలో మెగాస్టార్ 156 షూటింగ్‌లో జాయిన్ అవనున్నారు. ఈ సినిమాకు ‘విశ్వంభర’ అనే టైటిల్ వినిపిస్తోంది.
