సీఎం కేసీఆర్ (CM KCR) భూదందాలకు పాల్పడుతున్నారని బీజేపీ ఎమ్మెల్యే ఈటల రాజేందర్ ఆరోపించారు. కాంగ్రెస్ పార్టీ ఆరోపించినట్లుగా బీజేపీ, బీఆర్ఎస్ ఒక్కటే అయితే గజ్వేల్‌లో ముఖ్యమంత్రి కేసీఆర్ పై తాను ఎందుకు పోటీ చేస్తానని హుజూరాబాద్ ఈటల ప్రశ్నించారు. హైదరాబాద్‌(Hyderabad)లో నిర్వహించిన మీట్ ది ప్రెస్ కార్యక్రమంలో ఆయన మాట్లాడుతూ.. కేసీఆర్ పాలనలో బీఆర్ఎస్ పార్టీ కార్యకర్తలకే బీసీ బంధు దక్కిందన్నారు. కేసీఆర్ పాలనలో దళితులు, బీసీలు, రైతులతో పాటు ఎవరూ సంతోషంగా లేరని విమర్శించారు. అసైన్డ్, ప్రభుత్వ భూములను అమ్ముకుంటున్నారన్నారు.
చదవండి : CM KCR హెలికాప్టర్‌లో సాంకేతిక లోపం
ప్రభుత్వమే స్వయంగా రియల్ ఎస్టేట్ (Real estate) వ్యాపారం చేస్తోందన్నారు. మరోపక్క, లక్షల కోట్ల రూపాయల అప్పులు చేస్తున్నారని దుయ్యబట్టారు. బీఆర్ఎస్ పాలనలో ప్రజలు విసిగిపోయారన్నారు. కేసీఆర్ సర్కారుని గద్దె దించడమే బీజేపీ లక్ష్యమన్నారు. తెలంగాణలో అభివృద్ధి జరగాలంటే బీజేపీ(BJP)కి ఓటు వేసి అధికారంలోకి తీసుకు రావాలన్నారు. ప్రతిపక్ష పాత్ర పోషించాలని గతంలో కాంగ్రెస్ ఎమ్మెల్యేలను గెలిపిస్తే వారు బీఆర్ఎస్ (BRS)లో చేరారన్నారు. ఇతర రాష్ట్రాల్లో అసైన్డ్ భూములకు హక్కులు కల్పిస్తుంటే ఇక్కడ లాక్కుంటారని ఆయన అన్నారు. భూములను లాక్కొని దళితులను రోడ్డున పడేస్తున్నారని ఫైర్ అయ్యారు. ప్రభుత్వానికి ఎక్కడ భూములు అవసరమైనా అసైన్డ్ భూములను (Assigned lands) గుంజుకుంటున్నారన్నారు. రాష్ట్రంలో 40, 50 ఏళ్లుగా సాగు చేసుకుంటున్న భూములకు హక్కులు ఇవ్వట్లేదని ఆరోపించారు.
చదవండి : Kerala Blast: కేరళ పేలుళ్లలో నాలుగుకు చేరిన మృతుల సంఖ్య
