దసరా పర్వదినాన్ని పురస్కరించుకొని నేచురల్ స్టార్ నాని తన నెక్ట్స్ మూవీ పోస్టర్‌ను విడుదల చేశారు. ‘అంటే సుందరానికి’ లాంటి ఎంటర్‌టైనర్‌ని అందించిన టాలెంటెడ్ డైరెక్టర్ వివేక్ ఆత్రేయతో అతను తదుపరి జోడి కట్టబోతున్నాడు. ఆస్కార్ అవార్డు గెలుచుకున్న ఆర్‌ఆర్‌ఆర్ తర్వాత డివివి ఎంటర్‌టైన్‌మెంట్‌పై డివివి దానయ్య, కళ్యాణ్ దాసరి భారీ కాన్వాస్‌పై ఈ చిత్రాన్ని నిర్మించనున్నారు.
చదవండి: Prabhas: ప్రభాస్‌కి కన్నప్ప టీమ్ స్పెషల్ బర్త్ డే విషెస్..!
ఇటీవల ఒక చిన్న వీడియోతో ప్రాజెక్ట్‌ను ప్రకటించిన మేకర్స్ దాని టైటిల్‌ను అన్‌చెయిన్డ్ అనే మరో ఆసక్తికరమైన వీడియోతో వెల్లడించారు. యాక్షన్-ప్యాక్డ్ అన్‌చైన్డ్ ప్రతి వారంలో ఒక రోజు అదుపు చేయలేని కథానాయకుడి అరుదైన, అసాధారణమైన నాణ్యతను వివరిస్తూ సాయి కుమార్ వాయిస్‌ ఓవర్‌తో ప్రారంభమవుతుంది. ఎట్టకేలకు సరిపోదా శనివారం అనే టైటిల్‌ను ఖరారు చేశారు. మరోసారి మాస్ లుక్ లో నాని కనిపిస్తున్నారు.
చదవండి: Chandramukhi 2: నెల రోజుల్లోనే ఓటిటిలోకి ‘చంద్రముఖి2’!
డిఫరెంట్ సబ్జెక్ట్‌లను ఎటెంప్ట్ చేస్తూ, క్యారెక్టర్‌ల అవసరానికి తగ్గట్టుగా మేకోవర్స్ చేసుకుంటున్న నాని రగ్గడ్ లుక్‌తో ఆశ్చర్యపరిచాడు. ప్రియాంక అరుల్ మోహన్ కథానాయికగా నటిస్తుండగా, తమిళ స్టార్ నటుడు ఎస్జే సూర్య కీలక పాత్రలో నటిస్తున్నారు. సెన్సేషనల్ కంపోజర్ జేక్స్ బిజోయ్ సంగీతం అందించగా, మురళి జి సినిమాటోగ్రాఫర్. కార్తీక శ్రీనివాస్ ఎడిటర్ గా వ్యవహరించనున్నారు.
చదవండి: Prabhas: గ్లోబల్ స్టార్‌గా మారిన డార్లింగ్ ప్రభాస్‌కి హ్యాపీ బర్త్ డే..!
ఇక హాయ్ నాన్న మూవీ విషయానికి వస్తే, వైరా ఎంట‌ర్ టైన్‌మెంట్స్ బ్యాన‌ర్‌పై మోహన్ చెరుకూరి, విజ‌యేంద‌ర్‌రెడ్డి తీగ‌ల ఈ చిత్రాన్ని నిర్మిస్తున్నారు. సీతారామం బ్యూటీ మృణాల్ ఈ మూవీలో హీరోయిన్ గా నటిస్తోంది. ఈ సినిమా ద్వారా శౌర్యువ్ ద‌ర్శ‌కుడిగా ప‌రిచ‌యం అవుతున్నారు. తండ్రీ కూతుళ్ల ఎమోష‌న‌ల్ జ‌ర్నీ నేప‌థ్యంలో ఈ మూవీని తెర‌కెక్కిస్తున్నారు. పాన్ ఇండియా స్థాయిలో రూపొందుతున్న చిత్రం ఇది. ఇక ఈ సినిమా డిసెంబర్ 21వ తేదీన ప్రేక్షకుల ముందుకు రానుంది.
