Central Miniter Rajanth Singh Fires on CM KCR
Rajanth Singh: తెలంగాణ సీఎం కేసీఆర్‌పై కేంద్రమంత్రి రాజ్‌నాథ్ సింగ్ తీవ్రస్థాయిలో విరుచుకుపడ్డారు. ఇచ్చిన హామీలను ఎందుకు నెరవేర్చలేదని ప్రశ్నించారు. జమ్మికుంటలో జరిగిన బీజేపీ జనగర్జన సభలో పాల్గొన్నారు. హుజురాబాద్ బై పోల్‌లో ఈటల రాజేందర్ ఘన విజయం సాధించారని గుర్తుచేశారు. అతనిని ఓడించేందుకు సీఎం కేసీఆర్ చేయని ప్రయత్నం లేదన్నారు. రాష్ట్రంలో నిరుద్యోగులకు ఉద్యోగాలు ఎందుకు కల్పించలేదని ప్రశ్నించారు. ప్రభుత్వ తప్పిదాల వల్ల లీకేజీలు జరుగుతున్నాయని మండిపడ్డారు. జరిగిన లీకేజీలకు బాధ్యత వహించి సీఎం కేసీఆర్ క్షమాపణ చెప్పాలని డిమాండ్ చేశారు.
చదవండి: 27 KG బంగారం.. 15 కిలోల వెండి సీజ్.. ఎక్కడంటే..?
దళితులకు ఇస్తామని చెప్పిన 3 ఎకరాల భూమి సంగతి ఏమైందని ప్రశ్నించారు. ఎన్ని కుటుంబాలకు ఇప్పటివరకు భూమి ఇచ్చారని అడిగారు. దళిత బంధు ప్రయోజనం ఎంత మందికి కలిగిందో వివరించాలని ప్రశ్నించారు. బీజేపీ అలా కాదన్నారు. అయోధ్యలో రామ మందిరం నిర్మాణం జరగాలని చెప్పిందని.. చెప్పినట్టే వచ్చే ఏడాది అందుబాటులోకి రానుందని చెప్పారు. జమ్ము కశ్మీర్‌ళో 371 ఆర్టికల్ తొలగిస్తామని చెప్పి.. తీసివేశామని తెలిపారు. ఆ రాష్ట్రానికి రాష్ట్ర హోదా కల్పించామని వివరించారు.
తెలంగాణ రాష్ట్ర ఏర్పాటు ప్రక్రియలో బీజేపీ కృషి కూడా ఉందని రాజ్‌నాథ్ సింగ్ స్పష్టంచేశారు. వాజ్ పేయి హయాంలో 3 రాష్ట్రాలు ఏర్పడ్డాయని గుర్తుచేశారు. ఆ రాష్ట్రాలు డెవలప్ అవుతున్నాయని తెలిపారు. తెలంగాణ మాత్రం వెనకబడిందన్నారు. తెలంగాణ రాష్ట్రంలో హైదరాబాద్‌లో తప్ప ఇతర చోట్ల అభివృద్ధి జరగలేదని విమర్శించారు. ఈ రాష్ట్ర అభివృద్ధి బీజేపీతోనే జరుగుతోందని తెలిపారు. కేసీఆర్ హయాంలో అభివృద్ధిలో తెలంగాణ రాష్ట్రం 10 ఏళ్లు వెనకబడిందని ధ్వజమెత్తారు. దేశానికి గుజరాత్ అభివృద్ధి మోడల్ అవుతోందని చెప్పారు. విభజన సమస్యలు పరిష్కారం కాకపోవడానికి కారణం కాంగ్రెస్ పార్టీయేనని విమర్శించారు.
