నాని న‌టిస్తున్న 30వ ప్రాజెక్ట్ ‘హాయ్ నాన్న’ మూవీ. వైరా ఎంట‌ర్ టైన్‌మెంట్స్ బ్యాన‌ర్‌పై మోహ‌న్ చెరుకూరి, విజ‌యేంద‌ర్‌రెడ్డి తీగ‌ల ఈ చిత్రాన్ని నిర్మిస్తున్నారు. సీతారామం బ్యూటీ మృణాల్ ఈ మూవీలో హీరోయిన్ గా నటిస్తోంది. ఈ సినిమా ద్వారా శౌర్యువ్ ద‌ర్శ‌కుడిగా ప‌రిచ‌యం అవుతున్నారు. తండ్రీ కూతుళ్ల ఎమోష‌న‌ల్ జ‌ర్నీ నేప‌థ్యంలో ఈ మూవీని తెర‌కెక్కిస్తున్నారు. పాన్ ఇండియా స్థాయిలో రూపొందుతున్న ఈ చిత్రానికి `హాయ్ నాన్న` అనే టైటిల్‌ని ఫైన‌ల్ చేశారు. ఈ మూవీ త్వరలోనే ఫ్యాన్స్ కి మ్యూజిక్ ట్రీట్ ఇవ్వడానికి రెడీ అయ్యింది. ఈ మేరకు మూవీ టీమ్ ఓ వీడియోని షేర్ చేశారు. దాంట్లో నాని వైట్ అండ్ వైట్ డ్రెస్ లో కనిపించారు. ఆయన ఎదురుగా మృణాల్ బ్లాక్ కలర్ శారీ, వైట్ కలర్ స్లీవ్ లెస్ బ్లౌజ్ ధరించి ఉన్నారు. ఒకరినొకరు చూసుకుంటూ తల ఆడిస్తూ కనిపించారు. ఇక, ఈ సినిమా డిసెంబర్ 21వ తేదీన ప్రేక్షకుల ముందుకు రానుంది.
చదవండి: Pawan Kalyan: ఉన్నట్టుండి ట్రెండింగ్‌లో హరిహర వీరమల్లు.. ఎందుకంటే?
