ఆసియా కప్ (Asia Cup 2023 ) మొదటి మ్యాచ్‌లో పాక్ జట్టు విజృంభించింది. పసికూన నేపాల్ (Nepal)పై భారీ విజయాన్ని సాధించింది. వ‌ర‌ల్డ్ నంబ‌ర్ 1గా ఆసియా క‌ప్‌లో బరిలోకి దిగిన పాకిస్థాన్(Pakistan) జట్టు ఆరంభ మ్యాచ్‌లోనే అదరగొట్టింది. 343 పరుగుల భారీ టార్గెట్‌ను నేపాల్ కు అందించింది. బరిలోకి దిగిన నేపాల్(Nepal) జట్టును 238 పరుగుల తేడాతో పాక్ చిత్తు చేసింది.
చదవండి: PAK vs NEP: పాకిస్థాన్ మ్యాచ్‌పై అభిమానుల్లో కరువైన ఆసక్తి.. వెలవెలబోతున్న స్టేడియం
నేపాల్ జట్టు (Nepal) 104 పరుగుల వ‌ద్దే కుప్ప‌కూలింది. పాక్ ఆల్‌రౌండ‌ర్ షాదాబ్ ఖాన్(Shadab Khan) 4 వికెట్ల‌తో చుక్కులు చూపించాడు. పేస‌ర్లు షాహీన్ ఆఫ్రీదీ, హ్యారిస్ రౌఫ్ రెండేసి వికెట్లు తీశారు. మొదటగా టాస్ గెలిచిన పాక్ జట్టు (Pakistan) బ్యాటింగ్ ఎంచుకుంది. నేపాల్ బౌల‌ర్లను ఉతికారేసిన కెప్టెన్ బాబ‌ర్ ఆజం 151 పరుగులు చేశాడు. ఇఫ్తికార్ అహ్మ‌ద్ 109 పరుగులు చేశాడు. వీరిద్దరూ క‌లిసి 214 పరుగుల భాగ‌స్వామ్యాన్ని నెలకొల్పారు.
పాక్ జట్టు (Pakistan) 6 వికెట్ల న‌ష్టానికి 342 పరుగులు చేయగా ఆ త‌ర్వాత బ్యాటింగ్‌కు దిగిన నేపాల్ ఏ ద‌శ‌లోనూ ముందుకు సాగలేకపోయింది. నేపాల్ (Nepal) ఓపెన‌ర్లు కుశాల్ బ్రుటెల్ 8 పరుగులు, ఆసిఫ్ షేక్ 5 పరుగులకే కుప్పకూలారు. 100లోపే నేపాల్ 5 వికెట్లను పోగొట్టుకుంది. ఆఖరికి 104 పరుగులకే నేపాల్ ఆలౌట‌య్యింది. దీంతో పాక్ జట్టు విజయం సాధించింది.
