నిత్యావసరాల ధరల తగ్గించేందుకు కేంద్రం ప్రభుత్వం పటిష్ట చర్యలు చేపడుతోంది. ధరల నియంత్రణకు ప్రత్యేక ప్రణాళికలు రచిస్తోంది. ధరలకు చెక్ పెట్టేందుకు అక్టోబ‌ర్ నుంచి ప్రారంభ‌మ‌య్యే త‌దుప‌రి సీజ‌న్‌లో చక్కెర ఎగుమ‌తుల‌ను (sugar exports) భారత్ నిషేధించ‌నున్నట్లు తెలిపింది. వర్షపాతం త‌గినంత లేక‌పోవ‌డంతో ఈసారి చెరకు దిగుబడి తగ్గే అవకాశం ఉందని, దాని వల్ల ధరలకు రెక్క‌లు వ‌స్తాయ‌ని కేంద్రం అంచనా వేసింది.
చదవండి: Chandrayan-3: మొదటి మెస్సేజ్ పంపిన చంద్రయాన్-3..జీవితం ధన్యమైందన్న ప్రధాని మోదీ
ధరల నియంత్రణకు ఎగుమతులపై నిషేధం విధించనుంది. మ‌హారాష్ట్ర, క‌ర్నాట‌క స‌హా చెరకు సాగ‌య్యే ప్రాంతాల్లో స‌గ‌టు వర్షపాతం కంటే 50 శాతం త‌క్కువ వర్షపాతం న‌మోదైందని, ఏడేళ్ల త‌ర్వాత చక్కెర ఎగుమతులపై నిషేధం విధించనున్నట్లు గుర్తు చేసింది. జూలైలో రిటైల్ ద్ర‌వ్యోల్బ‌ణం 15 నెలల గ‌రిష్ట‌స్ధాయిలో 7.4 శాతానికి ఎగ‌బాక‌డం, ఆహార ద్ర‌వ్యోల్బ‌ణం 11.5 శాతానికి చేర‌డంతో చెరకు ఎగుమతులపై బ్యాన్ విధించే ప్ర‌తిపాద‌న‌ను భారత్ ప్రస్తుతం పరిశీలిస్తోంది.
చదవండి: Serena Williams : రెండోసారి పండంటి బిడ్డకు జన్మనిచ్చిన సెరెనా విలియమ్స్
మూడేళ్ల గ‌రిష్ట స్థాయిలో ద్ర‌వ్యోల్బ‌ణం పెర‌గ‌డంతో ఆహారోత్ప‌త్తుల ధరలకు చెక్ పెట్టేందుకు ఎగుమతులపై నిషేధం అనివార్య‌మ‌ని ప్రభుత్వం భావిస్తోంది. ఇక 2023-24 సీజ‌న్‌లో చెరకు దిగుబడి 3.3 శాతం త‌గ్గి 31.7 మిలియ‌న్ ట‌న్నుల‌కు ప‌డిపోతుంద‌ని అంచనా వేసింది. దీంతో ఎగుమతులపై నిషేధం విధించక తప్పదని పేర్కొంది.
