What is Chiru's next project?
Chiru: అవుట్ డేటెడ్ డైరెక్షన్, అవుడ్ డేటెడ్ స్టోరీతో ఫ్యాన్స్‌ను డిజప్పాయింట్ చేసింది భోళా శంకర్ మూవీ. సినిమాతో చిరుపై దారుణాతి దారుణమైన ట్రోలింగ్ జరిగింది. ఇక మెహర్ రమేష్‌ను ఓ ఆట ఆడుకున్నారు. ఆ మూవీ రిజల్ట్ మెగాస్టార్‌తోపాటు మెగాభిమానులను బాగా డిసప్పాయింట్ చేసింది. చిరు మాత్రం ఏకే ఎంటర్టైన్మెంట్స్ బ్యానర్‌లో ఇంకో సినిమా చేస్తానని.. అదికూడా తక్కువ రెమ్యునరేషన్ తీసుకోని, ప్రొడ్యూసర్ అండ్ బయ్యర్స్‌ హెల్ప్ అయ్యేలా ఒక సినిమా చేస్తానని మాటిచ్చాడట. ఆ విషయంలో త్వరలో క్లారిటీ రానుంది.
చదవండి: Krithi Shetty: రొమాన్స్ అంటేనే ఇష్టం..బేబమ్మ షాకింగ్ కామెంట్స్
మెగాస్టార్ నెక్స్ట్ ప్రాజెక్ట్ విషయంలో ఎటు తేల్చుకోలేకపోతున్నారు అభిమానులు. ఇప్పటికే బంగార్రాజు డైరెక్టర్ కళ్యాణ్ కృష్ణతో ఓ ప్రాజెక్ట్ కమిట్ అయినట్టుగా వార్తలు వస్తూనే ఉన్నాయి. ఆగష్టు 22వ తేదీన చిరు బర్త్ డే కానుకగా కొత్త సినిమా అనౌన్స్మెంట్ ఉంటుందని తెలుస్తోంది. ఇది ‘బ్రో డాడీ’ రీమేక్ అనే టాక్ ఉంది. భోళా శంకర్ రిజల్ట్ చూశాక కూడా చిరు ఈ రీమేక్‌ను చేస్తాడా? అనేదే అందరి సందేహం. చిరు కూడా ఇక పై రీమేక్ చేయకూడదని డిసైడ్ అయ్యాడట. దాంతో కళ్యాణ్ కృష్ణ ప్రాజెక్ట్‌ను పక్కకు పెట్టేసినట్టు తెలుస్తోంది.
మెగాస్టార్ మోకాలి ఆపరేషన్‌తో రెస్ట్ మోడ్‌లో ఉన్నట్టు తెలుస్తోంది. కొన్ని రోజుల రెస్ట్ తర్వాత చిరు కొత్త సినిమా అనౌన్స్మెంట్ వచ్చే ఛాన్స్ ఉందని అంటున్నారు. కళ్యాణ్ కృష్ణ సినిమా ఆగిపోతే.. బింబిసార డైరెక్టర్ మల్లిడి వశిష్టతో సినిమా ఉండే ఛాన్స్ ఉందని అంటున్నారు. లేదంటే తమిళ స్టార్ డైరెక్టర్ మురుగదాస్‌తో చిరు ఓ ప్రాజెక్ట్ చేసే అవకాశం ఉంది. ఏదేమైనా.. వెంకీ కుడుములకు హ్యాండ్ ఇచ్చినట్టే.. కళ్యాణ్ కృష్ణకు కూడా మెగాస్టార్ హ్యాండ్ ఇవ్వబోతున్నాడనే చెప్పాలి.
