Megastar chiranjeevi said That's why I am doing remake movies
మెగాస్టార్(megastar chiranjeevi) లేటెస్ట్ ఫిల్మ్ భోళా శంకర్ మేనియా ఇప్పటికే మొదలైపోయింది. ఈ వారంలో, అంటే ఆగస్టు 11న ఈ సినిమా థియేటర్లలోకి రాబోతోంది. మెహర్ రమేశ్ దర్శకత్వంతో తెరకెక్కిన ఈ సినిమా తమిళ మూవీ వేదాళంకు రీమేక్‍గా రూపొందింది. చిరంజీవి సరసన తమన్నా హీరోయిన్‍గా నటించింది. కీర్తి సురేశ్.. చిరు చెల్లెలిలో పాత్రలో నటించగా.. సుశాంత్ కీ రోల్ ప్లే చేశాడు. ఇటీవల రిలీజ్ అయిన భోళా శంకర్ ట్రైలర్ అదిరిపోవటంతో అంచనాలు మరింత భారీగా పెరిగాయి. దానికి తోడు మేకర్స్ ప్రమోషన్స్ కూడా మరింత బజ్ పెంచుతున్నాయి. ఇప్పటికే చాలా చోట్ల మెగాస్టార్ చిరంజీవి కటౌట్లు ఏర్పాట్లు చేస్తున్నారు. అందుకు సంబంధించిన ఫోటోలు సోషల్ మీడియాలో వైరల్ అవుతున్నాయి. ఇక నిన్న జరిగిన ప్రీ రిలీజ్ ఈవెంట్‌తో భోళా శంకర్(bhola shankar) పై మరింత హైప్ క్రియేట్ అయింది.
ఈ సందర్భంగా.. ఎప్పటి నుంచో మెగా ఫ్యాన్స్ మెదడును తొలిచేస్తున్న రీమేక్ సినిమాల(remake movies) గురించి మాట్లాడారు మెగాస్టార్. అసలు రీమేక్ సినిమాలు ఎందుకు చేస్తున్నారని అడుగుతున్నారు.. మంచి కథను ఇక్కడి ప్రేక్షకులకు చూపించాలనుకోవడం తప్పేమీ కాదు. ఓటీటీలో ఉంది కదా? ఎందుకు చేయడం అని అనొచ్చు కానీ. ఇప్పుడు ఈ వేదాళం సినిమా.. మంచి కంటెంట్ ఉన్న మూవీ. ఏ ఓటిటీలోను ఈ సినిమా లేదు. ఎవరూ ఈ చిత్రాన్ని చూసి ఉండరు కూడా. నాకు నచ్చింది, మీకు కూడా నచ్చుతుంది.. అదే ధైర్యంతో సినిమా చేశాను అని చెప్పుకొచ్చారు మెగాస్టార్. అయితే నెక్స్ట్ మెగాస్టార్ రీమేక్ చేస్తున్నారని ప్రచారంలో ఉన్న ‘బ్రో డాడీ’ మూవీ డైరెక్ట్‌గా ఓటిటిలోనే రిలీజ్ అయింది. మరి ఈ సినిమాను మెగాస్టార్ ఎందుకు రీమేక్ చేస్తున్నారనేదే ఇప్పుడు చర్చ. ఆగష్టు 22న ఈ విషయంలో క్లారిటీ రానుంది.
ఇది కూడా చూడండి: Hyper Aadi: మంచి చేసే మా హీరోల జోలికి రావొద్దు..వారికి గట్టిగా ఇచ్చేశాడు
