పెరిగిన టమాట ధరలను చూసి ప్రజలు లబోదిబోమంటున్నారు. అంతేకాకుండా టమాట చోరీలు కూడా ఎక్కువవుతున్నాయి. తాజాగా ఓ మార్కెట్లో కూరగాయల షాపు నుంచి 40 కిలోల టామాటలను దొంగిలించారు (tomatoes stolen). దుకాణదారులు పోలీసులకు ఫిర్యాదు చేశారు. దీనిపై దర్యాప్తు చేస్తున్నట్లు పోలీసులు తెలిపారు. ఝార్ఖండ్‌లోని గుమ్లా జిల్లాలో ఈ ఘటన చోటుచేసుకుంది.
చదవండి: Train Accident: ఘోర రైలు ప్రమాదం..25 మంది మృతి, 40 మందికి తీవ్ర గాయాలు
తంగ్రా కూరగాయల మార్కెట్లోని 66 షాపుల నుంచి సుమారు 40 కిలోల టమాటాలు, 10 కిలోల అల్లం, 2 లక్షల విలువైన తూకం యంత్రాలు, నగదు, వస్తువులు చోరీకి గురయ్యాయి. ఉదయం మార్కెట్‌కు వచ్చిన కూరగాయల వ్యాపారులు తమ షాపుల తాళాలు పగులగొట్టి ఉండటం చూసి షాక్ అయ్యారు.
చదవండి: Maharashtra : రక్తం తాగుతానంటూ ఫ్రెండ్ మెడ కొరికిన వ్యక్తి
తమ దుకాణంలో చోరీ జరిగిన విషయాన్ని స్థానిక పోలీస్ స్టేషన్‌లో ఫిర్యాదు చేశారు. ఆ చీరీలపై నిరసనగా కూరగాయల మార్కట్లోని వ్యాపారులంతా తమ షాపులను మూసి వేశారు. టమాటా దొంగతనంపై పోలీసులు కేసు నమోదు చేసి దర్యాప్తు చేస్తున్నట్లు తెలిపారు. నిందితులను త్వరలోనే పట్టుకుంటామని వెల్లడించారు. వారి కోసం గాలింపు చర్యలు చేపట్టారు.
