తరచూ వివాదాస్పద వార్తల్లో నిలుస్తుండే బాలీవుడ్(Bollywood) హీరోయిన్ షెర్లిన్ చోప్రా(Sherlyn chopra) మరోసారి ఇండస్ట్రీలోకి రీఎంట్రీ ఇస్తోంది. చాలా కాలం తర్వాత ఈ బ్యూటీ పౌరశ్‌పూర్ 2 (Paurashpur Season2) వెబ్‌సిరీస్‌లో నటిస్తోంది. ఈ సిరీస్‌లో ఆమె మహారాణి స్నేహలతగా నటించనుంది. జూలై 28వ తేదీన ఓటీటీ ప్లాట్‌ఫామ్ అయిన ఆల్ట్ ఆలాజీలో పౌరశ్‌పూర్ 2 వెబ్‌సిరీస్ స్ట్రీమింగ్ కానుంది.
చదవండి: Surya Fans: హీరో సూర్య ఫ్లెక్సీ కడుతుండగా కరెంట్ షాక్‌..ఏపీలో ఇద్దరు విద్యార్థుల మృతి
తాజాగా షెర్లిన్ చోప్రా(Sherlyn chopra) తన జీవితంలో జరిగిన ఆసక్తికర విషయాలను ఓ ఇంటర్వ్యూలో పంచుకుంది. 2021లో తన కిడ్నీ ఫెయిలైందని (Kidney Failure), తాను బతకడం కష్టమని, చచ్చిపోతానేమోనని అనుకున్నట్లు తెలిపింది. అయితే తాను చేయాల్సింది ఇంకా చాలా ఉందని, తానెంతో సాధించాలని గ్రహించినట్లు చెప్పింది. తనకు ఆ సమయంలో డాక్టర్ రెండు ఆప్షన్లు ఇచ్చాడని, డయాలసిస్ చేయించుకుంటావా? లేక కిడ్నీ ట్రాన్స్‌ప్లాంట్ చేయించుకుంటావా? అని అడిగినట్లు తెలిపింది.
చదవండి: Akanksha sharma: సంతూర్ యాడ్ నటిని చుశారా?
తనకు కిడ్నీ దానం చేసేందుకు తన కుటుంబ సభ్యలెవ్వరూ రాలేదని, ఆ సమయంలో ఎంతో బాధపడినట్లు చెప్పుకొచ్చింది. డయాలసిస్ అంటే వారంలో మూడు రోజులు ఆస్పత్రికి వెళ్తూ ఉండాలని, అలాంటి జీవితాన్ని తాను కోరుకోలేదని తెలిపింది. అయితే మూడు నెలల పాటు మందులు వాడిన తర్వాత ఆ వ్యాధి దానంతట అదే నయమైనట్లు వెల్లడించింది. తనకు పునర్జన్మ లభించిందని, ఇప్పుడు తన జీవితాన్ని ఆస్వాదిస్తున్నానని షెర్లిన్ చోప్రా (Sherlyn chopra) చెప్పుకొచ్చింది.
