రోజురోజుకు బలపడుతున్న మన మాతృభూమి ఇండియాని బలహీనం చేసేందుకు “డ్రేగన్ కంట్రీ” చైనా పన్నుతున్న దుష్ట పన్నాగాలను, ఆ దేశం చేస్తున్న దురాగతాలను బట్టబయలు చేస్తూ రూపొందిన ద్విభాషా చిత్రం “భారతీయన్స్(Bharateeyans)”. ఈ చిత్రాన్ని ప్రేమించుకుందాం రా, కలిసుందాం రా, ప్రేమంటే ఇదేరా” వంటి బ్లాక్ బస్టర్ లవ్ మూవీస్ కి కథలను అందించిన సంచలన రచయిత దీన్ రాజ్ ను దర్శకుడిగా పరిచయం చేశారు. భారత్ అమెరికన్ క్రియేషన్స్ పతాకంపై ప్రముఖ ప్రవాస భారతీయుడు డాక్టర్ శంకర్ నాయుడు అడుసుమిల్లి నిర్మించిన ఈ చిత్రం ఈనెల 14న హిందీ, తెలుగు భాషల్లో విడుదల కానుంది. ఈ సందర్భాన్ని పురస్కరించుకుని ప్రసాద్ ల్యాబ్ ప్రివ్యూ థియేటర్లో జరిగిన పత్రికా సమావేశంలో నిర్మాత డాక్టర్ శంకర్ నాయుడు అడుసుమిల్లి, దర్శకుడు దీన్ రాజ్, చిత్ర కథానాయకుడు నీరోజ్ పుచ్చా, నటి సమైరా సంధు, సంగీత దర్శకుడు సత్య కశ్యప్ పాల్గొన్నారు.
ఇది కూడా చూడండి: Samantha: ఇక గుడ్ బై..సమంత పోస్ట్ వైరల్!
గత 30 ఏళ్లుగా అమెరికాలో ఉన్నా కూడా మన దేశం మీద ప్రేమ, అభిమానంతో ఈ చిత్రాన్ని నిర్మించినట్లు నిర్మాత శంకర్ నాయుడు(Shankar Naidu) తెలిపారు. ఈ దేశభక్తి చిత్రానికి సెన్సార్ పరంగా ఎదురైన ఇబ్బందులు కొంచెం బాద కలిగించినట్లు గుర్తు చేశారు. ఈ సినిమా చూసిన వారందరూ ముక్త కంఠంతో అభినందిచడం మా కష్టాలు మర్చిపోయేలా చేసిందని వెల్లడించారు.
దేశభక్తి ప్రధానంగా రూపొందిన ఈ చిత్రంలో అన్ని రకాల భావోద్వేగాలను మేళవించామని దర్శకుడు దీన్ రాజ్(dena raj) అన్నారు. ఈ చిత్రం అన్ని వర్గాల ప్రేక్షకులను కచ్చితంగా ఆకట్టుకుంటుందని అభిప్రాయం వ్యక్తం చేశారు. భారతీయన్స్ చిత్రంతో హీరోగా పరిచయం అయ్యే అవకాశం రావడం పట్ల సంతోషాన్ని వ్యక్తం చేశారు నీరోజ్ పుచ్చా. ఈ చిత్రానికి సంగీతం అందించినందుకు గర్వంగా ఉందన్నారు సత్య కశ్యప్. దేశభక్తి చిత్రంలో నటించడం తమ అదృష్టంగా భావిస్తున్నట్లు నటి సమైరా సంధు పేర్కొన్నారు.
