టాలీవుడ్ స్టార్ హీరో నిఖిల్(Nikhil Siddharth) వరుసగా పాన్ ఇండియా సినిమాలను రెడీ చేస్తున్నాడు. తాజాగా ఆయన నటించిన స్పై అనే యాక్షన్ థ్రిల్లర్ మూవీ విడుదలకు సిద్ధమైంది. ఇప్పటికే ఈ మూవీ నుంచి టీజర్, పోస్టర్స్ రిలీజ్ అయ్యాయి. ఈ సినిమా కథ సుభాష్ చంద్రబోస్(Subhas Chandrabose) మరణం వెనుక ఉన్న రహస్యాల చుట్టూ తిరుగుతుందని మేకర్స్ ఇది వరకే తెలిపారు. దీంతో ఈ మూవీపై భారీ అంచనాలు నెలకొన్నాయి.
నిఖిల్ ‘స్పై’ మూవీ ట్రైలర్:
తాజాగా స్పై మూవీ ట్రైలర్(SPY Trailer) లాంచ్ ఈవెంట్ నిర్వహించారు. హైదరాబాద్ లోని ఎఎఎ సినిమాస్‌లో ఈ ఈవెంట్ జరిగింది. స్పై మూవీ ఓ యాక్షన్ ఎంటర్‌టైనర్‌గా తెరకెక్కింది. ట్రైలర్ చూస్తే ఇందులో విజువల్స్ ఎలా ఉన్నాయో అర్థం అవుతోంది. ఈ మూవీలో రానా దగ్గుబాటి గెస్ట్ రోల్ చేశారు. ట్రైలర్ లో అదిరిపోయే డైలాగ్స్ వదిలారు. స్వతంత్రం అంటే ఎవరో ఇచ్చేది కాదు లాక్కునేది. ఇది నేను చెప్పింది కాదు నేతాజీ చెప్పింది అని రానా చెప్పే డైలాగ్ హైలెట్ గా నిలిచింది.
చదవండి: Chiranjeevi : భోళా శంకర్ టీజర్ రిలీజ్‌కు సిద్ధం – విడుదల ఎప్పుడంటే?
క్షణం, గూఢచారి, ఎవరు, హిట్-1,2 వంటి సస్పెన్స్ సినిమాలకు ఎడిటర్‌గా, అసిస్టెంట్ డైరెక్టర్‌గా పని చేసిన ‘గర్రి బిహెచ్’ ఈ మూవీకి దర్శకత్వం వహిస్తున్నారు. నిఖిల్‌తో కలిసి తమిళ్ నటి ఐశ్వర్య మీనన్ (Iswarya Menon) అదిరిపోయే స్టంట్స్ చేసింది. శ్రీచరణ్ పాకల ఈ మూవీకి మ్యూజిక్ అందించారు.
