హైదరాబాద్(Hyderabad) – సికింద్రాబాద్ నగరాల మధ్య సేవలు అందించే 22 ఎంఎంటీస్ రైళ్లను నాలుగు రోజుల పాటు రద్దు చేస్తున్నట్లు దక్షిణ మధ్య రైల్వే (SCR) ఓ ప్రకటనలో తెలిపింది. నిర్వహణ పనుల కారణంగా ఈ నెల 14, 15 తేదీల్లో కొన్ని రైళ్లు, 14 నుండి 17 తేదీల మధ్య మరిన్ని రైళ్లు రద్దు చేసినట్లు వెల్లడించింది. 14, 15 తేదీల్లో లింగంపల్లి(Lingampally) – హైదరాబాద్ రైళ్లు, 14 వ తేదీ నుండి 17 వరకు ఉందానగర్ – లింగంపల్లి, లింగంపల్లి – ఫలక్ నుమా(Falak Numa), రామచంద్రాపురం – ఫలక్ నుమా మార్గాల్లో రైళ్లను రద్దు చేసినట్లు ప్రకటించింది.
చదవండి : AP EAMCET 2023: ఫలితాలు విడుదల..టాపర్స్ వీళ్లే
మరోవైపు అనకాపల్లి జిల్లాలో గూడ్స్‌ రైలు పట్టాలు తప్పడంతో పలు రైళ్ల రాకపోకలకు అంతరాయం ఏర్పడింది. దీంతో విశాఖ నుంచి బుధవారం 5.45గంటలకు బయల్దేరాల్సిన వందేభారత్‌ ఎక్స్‌ప్రెస్‌ రైలు (20833) ఉదయం 8.45 గంటలకు బయల్దేరింది. ఈ రోజు మధ్యాహ్నం 3 గంటలకు సికింద్రాబాద్ (Secunderabad) నుంచి బయల్దేరాల్సిన సికింద్రాబాద్ – విశాఖ వందేభారత్‌ రైలు (20834).. నాలుగు గంటలు ఆలస్యంగా రాత్రి 7 గంటలకు బయల్దేరుతుందని దక్షిణ మధ్య రైల్వే అధికారులు తెలిపారు.
చదవండి : Desh Pandey : చిన్నప్పటి స్నేహితురాలితో క్రికెటర్ తుషార్ దేశ్ పాండే ఎంగేజ్ మెంట్
