Clean AP: స్వచ్ఛ ఆంధ్రప్రదేశ్ దిశగా ఏపీ ప్రభుత్వం మరో ముందడుగు వేసింది. చెత్త సేకరణ కోసం ఈ-ఆటోలను (E-Autos) ప్రవేశపెట్టింది. చిన్న మున్సిపాలిటీల్లో చెత్త సేకరణ కోసం వీటిని వినియోగిస్తారు. ఇవీ ఎలక్ట్రిక్ ఆటోలు కావడంతో ఆ మున్సిపాలిటీకు నిర్వహణ భారం కూడా తగ్గనుంది.
తాడేపల్లిలో సీఎం క్యాంపు కార్యాలయం వద్ద జగన్ జెండా ఊపి ఈ-ఆటోలను (E-Autos) ప్రారంభించారు. ఒక్కో ఈ-ఆటోకు (E-Auto) రూ.4.10 లక్షలు ఖర్చు చేశారు. 21.18 కోట్ల వ్యయంతో 516 ఆటోలను కొనుగోలు చేశారు. 36 మున్సిపాలిటీలకు అందజేస్తారు. ఈ-ఆటో (E-Auto) సామర్థ్యం 500 కిలోలు. మహిళా సాధికారతకు పెద్దపీట వేస్తూ ఈ-ఆటోల డ్రైవర్లుగా మహిళలకు ప్రాధాన్యం ఇస్తారు.
చిన్న మునిసిపాలిటీల్లో చెత్త సేకరణ కోసం 516 ఈ-ఆటోలు జెండా ఊపి ప్రారంభించిన సీఎం జగన్. pic.twitter.com/iDk9EN6Dgy
జగనన్న స్వచ్చ సంకల్పంలో ఇప్పటికే రూ.72 కోట్లతో 123 మున్సిపాలిటీల్లో 40 లక్షల కుటుంబాలకు తడి, పొడి, వ్యర్థాల సేకరణకు నీలం, ఆకుపచ్చ, ఎరుపు రంగుల్లో 120 లక్షల చెత్త బుట్టలను ప్రభుత్వం పంపిణీ చేసింది. గ్రేడ్-1 ఆపై మున్సిపాలిటీల్లో చెత్త సేకరణ కోసం 2525 పెట్రోల్, డీజిల్, సీఎన్జీ గార్బేజ్ టిప్పర్లను వినియోగిస్తారు. గుంటూరు, విశాఖపట్టణంలో వేస్ట్ టు ఎనర్జీ ప్రాజెక్టులు ప్రారంభించారు.
రోజు 400 మెట్రిక్ టన్నుల సామర్థ్యంతో మరో ప్లాంట్ ఏర్పాటు చేస్తారు. రూ.157 కోట్లతో 81 మున్సిపాలిటీల్లో 135 గార్బేజ్ ట్రాన్స్ ఫర్ స్టేషన్లను నిర్మిస్తున్నారు. 71 సమీకృత ఘన వ్యర్థాల నిర్వహణ ప్రాజెక్టులు, తడి చెత్త నిర్వహణకు 29 వేస్ట్ టు కంపోస్ట్, 4 బయో మిథనేషన్ ప్రాజెక్ట్స్ నడుస్తున్నాయి. లక్ష లోపు జనాభా గల 66 మున్సిపాలిటీల్లో రూ.1445 కోట్లతో 206 టీపీఐఎస్, లక్షలోపు జనాభా గల 55 మున్సిపాలిటీల్లో ఫీకల్ స్లడ్జ్ ట్రీట్ మెంట్ ప్లాంట్లు ఏర్పాటు చేస్తారు.