Tamil Nadu CM Stalin Appreciates To Topper Nandini
Tamil Nadu CM Stalin:తమిళనాడు 12వ తరగతి ఫలితాల్లో నందిని (Nandini) అనే విద్యార్థిని ఉత్తమ ప్రతిభ చాటిన సంగతి తెలిసిందే. 600 మార్కులకు 600 సాధించి సత్తా చాటారు. విద్యార్థిని నందినిని తమిళనాడు సీఎం స్టాలిన్ ( CM Stalin) అభినందించారు. నందిని ఉన్నత విద్యకు అయ్యే ఖర్చును ప్రభుత్వం భరిస్తోందని తెలిపారు. పేరంట్స్‌తో (parents) కలిసి సీఎం కార్యాలయంలో స్టాలిన్‌ను నందిని (Nandini)కలిశారు.
నందిని స్వస్థలం దిండిగల్లు టౌన్‌. ఆమె అన్నామలైయ్‌లో గల బాలికల ఉన్నత పాఠశాలలో చదివారు. ఆడిటర్ కావాలనేది తన లక్ష్యం అని నందిని అంటున్నారు.
చదవండి: UNO: ప్రతి ఏడు సెకన్లలో ఒక మరణం..సంచలన నివేదిక
తమిళనాడులో (Tamil Nadu) 8 లక్షల మందికి పైగా విద్యార్థులు 12వ తరగతి పరీక్షలకు హాజరయ్యారు. వీరిలో 7,55,451 మంది అంటే 94.03 శాతం ఉత్తీర్ణులు అయ్యారు. అబ్బాయిల కన్నా అమ్మాయిలే ఎక్కువ పాస్ అయ్యారు. పరీక్షలకు హాజరైన అమ్మాయిల్లో 96.38 శాతం మంది పాస్ కాగా.. అబ్బాయిలు 91.45 శాతం పాస్ అయ్యారు. తమిళం, ఇంగ్లీష్, కెమెస్ట్రీ, మ్యాథ్స్, కంప్యూటర్ సైన్స్‌లో ఎక్కువ మంది విద్యార్థులు వందకు వంద మార్కులు సాధించారు. నందిని అయితే అన్నింటిలో బైకి బై మార్కులు సాధించి.. సత్తా చాటారు.
