MK Stalin : తమిళనాడు సీఎం స్టాలిన్(Tamilnadu CM Stalin) కు గడ్డుకాలం నడుస్తోంది. సీఎం స్టాలిన్ అల్లుడైన జీ-స్వైర్ రియల్ ఎస్టేట్ చైర్మన్ శబరిషన్(Sabarishan) పై ఐదు రోజులుగా ఐటీ దాడులు(IT Raids) కొనసాగుతున్నాయి. బీజేపీ రాష్ట్ర అధ్యక్షుడు అన్నామలై విషయం బయటపెట్టడంతో ఐటీ శాఖ రంగంలోకి దిగింది. 2021కి ముందు ఈ జీస్వైర్ క్యాపిటల్ కేవలం రూ. లక్షలోపే ఉండేది. డీఎంకే అధికారంలోకి వచ్చాక అనూహ్యంగా సంస్థ ఆదాయం రూ.2వేల కోట్లకు పెరిగింది. ఇది ఎలా సాధ్యమైందన్నదే అంతుచిక్కని ప్రశ్న. సీఎం స్టాలిన్ కూతురి భర్తే ఈ శబరీషన్.
శబరీషన్, స్టాలిన్ కూతురు సెంథామరై పెళ్లి తర్మాత వారికి చెన్నై(Chennai)లో ఒక స్కూల్ ఉండేది. శబరీషన్ మొదట్లో ఆ స్కూల్ చూసుకునేవాడు. తర్వాత మామకు దగ్గరయ్యాడు.. అనంతరం మామను తన మీద ఆధారపడే పరిస్థితి తీసుకొచ్చాడు.. అంతేకాదు వ్యక్తిగతంగా శబరీషన్ కలుపుగోలు వ్యక్తి. అన్నా డీఎంకే(Anna DMK), జనతా పార్టీ(Janata party), కాంగ్రెస్(Congress), వామపక్ష పార్టీలతో సత్సంబంధాలు కలిగి ఉన్నాడు. ఎన్నికల టైంలో కొడుకు ఉదయనిధి స్టాలిన్ అవసరం లేకుండానే స్టాలిన్ కు అన్ని తానే అయ్యాడు. స్టాలిన్ సీఎం సీటు ఎక్కేదాకా అన్ని తానే దగ్గరుండి చూస్కున్నాడు. స్టాలిన్ సీఎం అయిన తర్వాత త్యాగరాజన్ ఆర్థిక శాఖ మంత్రి అయ్యాడు.
చదవండి :Akhanda2: ‘అఖండ 2’ స్టోరీ ఇదే.. టార్గెట్ అదే!
త్యాగరాజన్ కూడా చాలా వెనకేశాడని టాక్. త్యాగరాజన్(Thyagarajan) ఒక సందర్భంలో స్టాలిన్ కొడుకు, అల్లుడు రూ.30 వేల కోట్ల దాకా కాజేశారని మాట తూలాడు.. అదే ఇప్పుడు స్టాలిన్ ను చిక్కుల్లో పడేసింది. తన పేరుతో వైరల్(Viral) అవుతున్న ఆడియో కల్పితం అని ట్వీట్ చేశాడు. అయితే ఆడియో క్లిప్(Audio Clip) నిజంగా.. ఫోరెన్సిక్ పరీక్ష ద్వారా నిగ్గు తేలిస్తే ముఖ్యమంత్రి, ఆర్థిక శాఖ మంత్రి వాటి గురించి వివరణ ఇచ్చుకోవాల్సి ఉంటుంది. ఆ క్లిప్ లో మాటలు ఆర్థిక శాఖ మంత్రి(Finance Minister)వే కాబట్టి దానిని తెలివిగా డైవర్ట్ చేసేందుకు ట్వీట్ చేశాడని బీజేపీ నాయకులు ఆరోపిస్తున్నారు. ఆర్థిక శాఖ మంత్రి వెనుకంజ వేశాడంటే ఆడియో క్లిప్లో మాటలు తనవేనని ఒప్పుకున్నట్లే అంటున్నాయి బీజేపీ వర్గాలు. ఈ ఆడియో క్లిప్ ను బిజెపి రాష్ట్ర అధ్యక్షుడు అన్నామలై సోషల్ మీడియాలో షేర్ చేశాడు. తను మామూలు వ్యక్తి కాదు. మాజీ ఐపీఎస్. ఫేక్ ఆడియో షేర్ చేస్తే ఎలాంటి శిక్షలు పడతాయో అతడికి తెలుసు. ఈ ఆడియో క్లిప్ షేర్ చేయడంపై డీఎంకే పార్టీ నేతలు సైలెంట్ అయిపోయారు.
చదవండి :Gandhi’s grandson: గాంధీ మనవడు అరుణ్ గాంధీ కన్నుమూత..!
ఇది ఇలా ఉంటే.. సీఎం ఎంకే స్టాలిన్ బీజేపీ(BJP)పై మంగళవారం మీడియా సమావేశంలో నిప్పులు చెరిగారు. త‌మ ఆస్తుల‌కు సంబంధించి ఆర్థిక మంత్రి కామెంట్స్ చేసిన‌ట్లు బీజేపీ స్టేట్ చీఫ్ కే. అన్నామలై(Annamalai) చేసిన కామెంట్స్ పై ఆగ్ర‌హం వ్య‌క్తం చేశారు. మంత్రి ప‌ళ‌నివేల్ త్యాగరాజన్ చేసిన వ్యాఖ్య‌ల‌పై స్పందించారు. బీజేపీ చేసిన ఆరోప‌ణ‌ల‌ను తోసిపుచ్చారు. ఈ అంశంపై ఇంత‌కు మించి మాట్లాడాల‌ని అనుకోవ‌డం లేదంటూ సీఎం స్టాలిన్ పేర్కొన్నారు. అన్నామలై చేసిన కామెంట్స్ ను పూర్తిగా మంత్రులు త్యాగరాజన్ , ఉదయనిధి స్టాలిన్(Udayanidhi Stalin) ఖండించార‌ని చెప్పారు.
