ఒక్కటైనా బ్లాక్ బస్టర్ హిట్ కొట్టాలని అక్కినేని హీరో అఖిల్ ఎదురుచూస్తున్నాడు. అందుకే ఈ సారి సినిమా కచ్చితంగా హిట్ కొట్టాలని ఏజెంట్(agent)గా వస్తున్నాడు. ఈ సినిమా కోసం సిక్స్ ప్యాక్ కూడా చేశాడు. బరువు పెరిగాడు. భయంకరమైన డైట్ ఫాలో అయ్యాడు. అతని కష్టం ఇటీవల విడుదలైన సినిమా ట్రైలర్ లో స్పష్టంగా కనపడుతోంది.
ఈ సినిమా ఈ నెల 28న ప్రేక్షకుల ముందుకు రావడానికి రెడీ అయిపోయింది. ఇక సినిమాలో అఖిల్ సరసన సాక్షి వైద్య నటిస్తోంది. పాన్ ఇండియా లెవల్లో విడుదల చేసిన ఈ సినిమా స్పై థ్రిల్లర్ జోన్ లో తెరకెక్కించారు. ఈ మూవీలో మళయాళ సూపర్ స్టార్ మమ్ముట్టి కూడా నటించడం విశేషం. ఇప్పటికే.. ట్రైలర్ విడుదల కాగా అందులో అఖిల్ డైలాగ్ డెలివరీ, లుక్ అక్కినేని అభిమానులను విపరీతంగా ఆకట్టుకుంది.
కాగా, తాజాగా ఈ సినిమా నుంచి ఐటెం సాంగ్ వీడియో విడుదల చేశారు. ‘వైల్డ్ సాలా’ అంటూ సాగేపాట ఉర్రూతలూగిస్తోంది. ఈ పాటలో ఊర్వశీ(Urvashi Rautela) అందం మరింత ప్లస్ అయ్యింది. ఇప్పుడు సోషల్ మీడియాలో ఈ పాట వైరల్ గా మారింది. పూర్తి వీడియో సాంగ్ చూడాలంటే.. సినిమా విడుదల అయ్యే వరకు వేచి ఉండాల్సిందే.
ఇది కూడా చూడండి: Music School Trailer: రిలీజ్..విద్యార్థుల ఒత్తిడికి పరిష్కారం!
