అల్లు బ్రాండ్‌తో వచ్చినా కూడా.. హీరోగా సరైన సక్సెస్ అందుకోలేకపోతున్నాడు అల్లు శిరీష్(allu sirish). కెరీర్ స్టార్టింగ్‌లో కాస్త స్పీడ్‌గా సినిమాలు చేసినా శిరీష్.. మధ్యలో దాదాపు మూడేళ్ళు గ్యాప్‌ తీసుకున్నాడు. తాజాగా ఈ యంగ్ హీరో నుంచి ‘ఊర్వసివో రాక్షసివో’ అనే సినిమా రాబోతోంది. అను ఇమ్మాన్యూల్ హీరోయిన్‌గా నటించిన ఈ సినిమా.. గీత ఆర్ట్స్-2 బ్యానర్ పై లవ్ అండ్ రొమాంటిక్ ఎంటర్టైనర్‌గా తెరకెక్కింది. రాకేశ్‌ శశి దర్శకత్వం వహించాడు.
అయితే పలు వాయిదాల అనంతరం.. ఎట్టకేలకు నవంబర్‌ 4న ఈ సినిమాను రిలీజ్ చేసేందుకు సన్నాహాలు చేస్తున్నారు. ఈ క్రమంలో వరుస అప్డేట్‌లను ఇస్తూ.. గట్టిగానే ప్రమోషన్స్ చేస్తోంది చిత్ర యూనిట్. ఈ నేపథ్యంలో.. గ్రాండ్‌గా ప్రీ రిలీజ్ ఈవెంట్ జరిపేందుకు ప్లాన్ చేస్తున్నారు. ఈ నెల30న ‘ఊర్వశివో రాక్షసివో’ ప్రీ రిలీజ్ ఈవెంట్ నిర్వహించబోతున్నట్టు తెలుస్తోంది.
ఈ ఈవెంట్‌కు నందమూరి బాలకృష్ణ గెస్ట్‌గా రాబోతున్నట్టు సమాచారం. అందుకు అల్లు అరవింద్ రంగం సిద్దం చేస్తున్నాడట. ప్రస్తుతం ఆహా ఓటిటిలో స్ట్రీమింగ్ అవుతున్న అన్‌స్టాపబుల్-2 షోకి హోస్ట్‌గా వ్యవహరిస్తున్నారు బాలయ్య. ఆ సాన్నిహిత్యంతో బాలయ్య ఈ ఈవెంట్‌కు హాజరుకాబోతున్నట్లు తెలుస్తుంది. త్వరలోనే ఈ విషయంలో క్లారిటీ రానుందని టాక్. అయితే మరో వెర్షన్ ప్రకారం పవర్ స్టార్ కళ్యాణ్ కూడా గెస్ట్‌గా వచ్చే ఛాన్స్ ఉందని వినిపిస్తోంది. ఈ ఇద్దరిలో ఎవరొచ్చినా ‘ఊర్వశివో రాక్షసివో’ సినిమాకు మంచి హైప్ రావడం పక్కా అని చెప్పొచ్చు.
ఇది కూడా చూడండి: మూడు పెళ్లిళ్ల వివాదం… పవన్(pawan kalyan) కి మహిళా కమిషన్(AP Women Commission) నోటీసులు…!
