అక్కినేని బ్రదర్స్ అఖిల్, నాగ చైతన్య.. ఇద్దరు కూడా ప్రస్తుతం మాస్ సినిమాలే చేస్తున్నారు. అఖిల్ ‘ఏజెంట్’ మూవీ చేస్తుండగా.. చైతూ ‘కస్టడీ’ అనే సినిమా చేస్తున్నాడు. కోలీవుడ్ టాలెంటెడ్ డైరెక్టర్ వెంకట్ ప్రభు ‘కస్టడీ’ తెరకెక్కిస్తున్నాడు. ఈ సినిమా పై నాగ చైతన్య భారీ ఆశలు పెట్టుకున్నాడు. గతేడాది వచ్చిన బంగార్రాజు, థ్యాంక్యూ, లాల్ సింగ్ చడ్డా.. సినిమాలతో ఏ మాత్రం ఆకట్టుకోలేకపోయాడు చైతన్య. అందుకే కసితో కస్డడీ మూవీ చేస్తున్నాడు. దీంతో పాటు ‘దూత’ అనే వెబ్ సిరీస్ కూడా చేస్తున్నాడు. కానీ ఈ సిరీస్ ఏమైందో ఎవరికి తెలియదు. అయితే తెలుగు, తమిళ్ బై లింగ్వల్ ఫిల్మ్ ‘కస్టడీ’ మాత్రం జెట్ స్పీడ్‌లో షూటింగ్ జరుపుకుంటోంది. కృతి శెట్టి హీరోయిన్‌గా నటిస్తున్న ఈ సినిమాను.. మే 12న రిలీజ్ చేసేందుకు ప్లాన్ చేస్తున్నారు. ప్రస్తుతం ఈ సినిమాలోని ఓ సాంగ్ షూట్ చేస్తున్నారట. అన్నపూర్ణ స్టూడియోలో షూటింగ్ జరుగుతోందట. అయితే ఎన్నడూ లేని విధంగా.. ఈ సాంగ్ కోసం భారీ సెట్టింగులు వేసినట్టు తెలుస్తోంది. ఏకంగా ఏడు సెట్స్ వేశారట. ఈ మధ్య కాలంలో ఒక్క పాటకు అన్ని సెట్స్ వేయలేదని అంటున్నారు. కానీ వెంకట్ ప్రభు మాత్రం తగ్గేదేలే అంటున్నారట. ఈ సాంగ్‌ను నాగ చైతన్య, కృతి శెట్టిపై చిత్రీకరిస్తున్నారట. గతంలో ఈ ఇద్దరు కలిసి బంగార్రాజు సినిమాలో నటించారు. ఇద్దరి మధ్య కెమిస్ట్రీ బాగానే వర్కౌట్ అయింది. అందుకే కస్టడీలోను ఈ పెయిర్ ఆకట్టుకుంటుందని అంటున్నారు. ఈ సినిమాను శ్రీనివాసా సిల్వర్ స్క్రీన్ పతాకంపై శ్రీనివాసా చిట్టూరి నిర్మిస్తున్నారు. మరి కస్టడీతో చైతన్య ఎలాంటి విజయాన్ని అందుకుంటాడో చూడాలి.
