KDP: సిద్దవటం మండలంలోని మాధవరం-1లోని శ్రీ మంగళ గౌరీ దేవి ఆలయంలో దసరా శరన్నవరాత్రులను పురస్కరించుకొని గురువారం అమ్మవారికి ప్రత్యేక పూజలు జరిగాయి. ఆలయ అర్చకులు అమ్మవారి మూల విరాటుకు పలు అభిషేకాలు నిర్వహించి పూలతో అలంకరించారు. మొదటి రోజు బాలా త్రిపురా సుందరి దేవి అలంకారంతో అమ్మవారు భక్తులకు దర్శనమిచ్చారు. భక్తులు అమ్మవారిని దర్శించుకుని తీర్థ ప్రసాదాలను స్వీకరించారు.