Nokia: Nokia is launching three new feature phones
Nokia: నోకియా బ్రాండ్ మూడు కొత్త ఫీచర్ ఫోన్లను భారత మార్కెట్లోకి విడుదల చేసింది. 25 ఏళ్ల తర్వాత 3210 మోడల్‌ను మళ్లీ ప్రవేశపెట్టింది. వీటితో పాటు నోకియా 235 4జీ, నోకియా 220 4జీ పేరుతో మరో రెండు ఫోన్లను తీసుకొచ్చింది. ఈ ఫోన్లు యూట్యూబ్, యూపీఐ ఫీచర్లతో వస్తున్నాయి. నోకియా 3210 ఫోన్‌లో 1450mAh బ్యాటరీ ఇచ్చారు. ఇది దాదాపు 9:30 గంటల పాటు టాక్ టైం వస్తుందట.
ఇది కూడా చూడండి: Bombay High Court : కాలేజీలో హిజాబ్ నిషేధం సరైనదే.. విద్యార్థినిల పిటిషన్ కొట్టేసిన బాంబే హైకోర్టు
ఈ ఫీచర్ ఫోన్లు ఎప్పటికీ గుర్తుండే స్నేక్ గేమ్, 2 ఎంపీ కెమెరా, ఫ్లాష్ టార్చ్ కూడా ఉన్నాయి. వీటితో పాటు స్మార్ట్‌ఫోన్ తరహాలో యూపీఐ పేమేంట్లు చేయవచ్చు. క్యూఆర్ కోడ్‌ను స్కాన్ చేసి పే చేయవచ్చు. యూట్యూబ్, యూట్యూబ్ మ్యూజిక్‌తో పాటు వెధర్, న్యూస్, క్రికెట్ స్కోర్, 2048 గేమ్‌తో సహా 8 యాప్స్ ఇందులో ఇచ్చారు. కంపెనీ దీని ధరను రూ.3,999గా నిర్ణయించింది. స్కూబా బ్లూ, బ్లాక్‌, Y2k గోల్డ్‌ రంగుల్లో ఈ మొబైల్ లభిస్తుంది.
ఇది కూడా చూడండి: Bomb threat: సిబ్బంది మీద కోపంతో ఫ్లైట్‌కు బాంబు బెదిరింపు
నోకియా 235 4జీలో 2.8 అంగుళాల ఐపీఎస్‌ డిస్‌ప్లే, 2 ఎంపీ కెమెరా అమర్చారు. దీని ధర రూ.3,749గా కంపెనీ పేర్కొంది. బ్లూ, బ్లాక్‌, పర్పల్‌ రంగుల్లో లభిస్తుంది. నోకియా 235 4జీ ధర రూ.3,249గా నిర్ణయించింది. ఈ ఫోన్‌ టైప్‌-సి ఛార్జింగ్‌ పోర్ట్‌తో వస్తోంది. పీచ్‌, బ్లాక్‌ రంగుల్లో లభిస్తుంది. ఈ మూడు ఫోన్లూ యూట్యూబ్, యూట్యూబ్ మ్యూజిక్‌, యూపీఐ ఫీచర్లతో వస్తున్నాయి. హెచ్‌ఎండీ, అమెజాన్‌తో పాటు ఇతర రిటైల్‌ దుకాణాల్లో కొనుగోలు చేయొచ్చని కంపెనీ వెల్లడించింది.
