Bombay High Court : ముంబైలోని ఓ కాలేజీలో బురఖా, హిజాబ్ ధరించేందుకు అనుమతి ఇవ్వాలంటూ దాఖలైన పిటిషన్‌ను బాంబే హైకోర్టు తోసిపుచ్చింది. కాలేజీ క్యాంపస్‌లలో హిజాబ్‌ను నిషేధించే నిర్ణయంలో జోక్యం చేసుకోవడానికి హైకోర్టు నిరాకరించింది. అలాగే, ‘హిజాబ్’ను నిషేధిస్తూ కళాశాల నిర్ణయాన్ని కోర్టు సమర్థించింది. కోర్టు ఈ నిర్ణయం తర్వాత, నిబంధనల ప్రకారం రాష్ట్రంలోని పాఠశాలలు, కళాశాలల్లో డ్రెస్ కోడ్ వర్తిస్తుంది. అంటే ఇప్పుడు పాఠశాల విద్యార్థులు హిజాబ్ లేదా బురఖా ధరించి పాఠశాల-కళాశాల ప్రాంగణంలోకి ప్రవేశించలేరు.
చదవండి:Bomb threat: సిబ్బంది మీద కోపంతో ఫ్లైట్‌కు బాంబు బెదిరింపు
మహారాష్ట్రలోని చెంబూర్‌లోని ఆచార్య-మరాఠా కళాశాల డ్రెస్ కోడ్‌గా హిజాబ్ ధరించడంపై నిషేధాన్ని అమలు చేసింది. హిజాబ్ నిషేధాన్ని తొమ్మిది మంది కళాశాల విద్యార్థులు సవాలు చేశారు. బాంబే హైకోర్టులో దానిపై పిటిషన్ దాఖలు చేశారు. హిజాబ్‌పై నిషేధం మత స్వేచ్ఛకు భంగం కలిగించడమేనని పిటిషన్‌లో పేర్కొన్నారు. హైకోర్టులో కాలేజీ దాఖలు చేసిన పిటిషన్‌లో చేసిన ఆరోపణలను తీవ్రంగా ఖండించారు. ఎవరి మత మనోభావాలను దెబ్బతీసే ఉద్దేశం కాలేజీకి లేదని, అయితే కాలేజీలోని విద్యార్థులందరికీ ఒకే నిబంధన వర్తిస్తుందని యాజమాన్యం తెలిపింది.
చదవండి:Double Ismart: 50 రోజుల్లో ప్రతి మాస్ గల్లీలో రామ్ ర్యాంపేజ్!
కాలేజీలో హిజాబ్, బురఖా, క్యాప్, బ్యాడ్జ్, స్టోల్‌లను నిషేధించడం తమ ప్రాథమిక హక్కులు, గోప్యత ,ఎంపిక చేసుకునే హక్కుకు విరుద్ధమని పిటిషన్ దాఖలు చేసిన బాలిక విద్యార్థులు అంటున్నారు. కళాశాలల ఈ చర్య ఏకపక్షం, చట్ట విరుద్ధమని వారు అన్నారు. ఈ సందర్భంలో కళాశాల క్యాంపస్‌లో హిజాబ్‌ను నిషేధించాలనే నిర్ణయం ఎవరి మత మనోభావాలకు వ్యతిరేకం కాదని, అయితే కళాశాలలో యూనిఫాం డ్రెస్ కోడ్ కోసం క్రమశిక్షణా చర్య అని , ఇది అన్ని మతాలు,కులాల విద్యార్థులకు అని కళాశాల అడ్మినిస్ట్రేషన్ పేర్కొంది. పిటిషనర్ బాలిక విద్యార్థుల న్యాయవాది అల్తాఫ్ ఖాన్ ఖురాన్ నుండి పద్యాలను హైకోర్టు ముందు సమర్పించారు. హిజాబ్ ధరించడం ఇస్లాంలో ముఖ్యమైన భాగమని అన్నారు.
