Encounter : మహారాష్ట్రలోని గడ్చిరోలిలో పోలీసులకు, నక్సలైట్లకు మధ్య జరిగిన ఎన్‌కౌంటర్ జరిగింది. ఈ ఎన్‌కౌంటర్‌లో ముగ్గురు నక్సలైట్లు మరణించారు. వారి నుంచి ఆటోమేటిక్ ఆయుధాలను కూడా పోలీసులు స్వాధీనం చేసుకున్నారు. ప్రస్తుత టీసీఓసీ కాలంలో విధ్వంసకర కార్యకలాపాలు సాగించే లక్ష్యంతో పెరిమిల్లి దళం సభ్యులు కొందరు భమ్రాగఢ్ తాలూకా కాట్రంగట్ట గ్రామ సమీపంలోని అటవీ ప్రాంతంలో మకాం వేసినట్లు ఈ ఉదయం విశ్వసనీయ సమాచారం అందింది.
చదవండి:Afghanistan Flood: ఆఫ్ఘనిస్తాన్‌లో వరద విధ్వంసం.. 300 మందికి పైగా మృతి
అడిషనల్ ఎస్పీ ఆప్స్ యతీష్ దేశ్‌ముఖ్ నేతృత్వంలో సీ60కి చెందిన రెండు యూనిట్లను వెంటనే రంగంలోకి దింపారు. ఆ ప్రాంతంలో బృందాలు సెర్చింగ్ నిర్వహిస్తున్నప్పుడు, నక్సలైట్లు వారిపై విచక్షణారహితంగా కాల్పులు జరిపారు. దీనికి C60 బృందాలు తీవ్రంగా ప్రతిస్పందించాయి. కాల్పులు ఆగిపోయిన తర్వాత, ఆ ప్రాంతాన్ని శోధించారు. ఒక పురుషుడు, ఇద్దరు మహిళా నక్సలైట్ల మృతదేహాలను స్వాధీనం చేసుకున్నారు. కాల్పులు జరిపిన ప్రదేశం నుంచి మూడు ఆటోమేటిక్ ఆయుధాలు – 1 AK47, 1 కార్బైన్, 1 INSAS, నక్సలైట్ సాహిత్యం, వస్తువులు కూడా స్వాధీనం చేసుకున్నారు. మృతదేహాలు ప్రధానంగా డీవీసీఎం వాసు, పెరిమిల్లి దళం ఇన్‌ఛార్జ్, కమాండర్‌లవి. ఇతర సభ్యులను గుర్తిస్తున్నారు. ఆ ప్రాంతంలో తదుపరి సోదాలు, యాంటీ నక్సల్ ఆపరేషన్లు కొనసాగుతున్నాయి.
చదవండి:Rahul Gandhi: తన పెళ్లి గురించి ఇంట్రెస్టింగ్ న్యూస్ చెప్పిన రాహుల్ గాంధీ
