గన్నవరం విమానాశ్రయంలో వాల్తేరు వీరయ్య సినిమా డైరెక్టర్ సందడి చేశారు. హైదరాబాద్ నుండి గన్నవరం విమానాశ్రయానికి వచ్చిన డైరెక్టర్ బాబీకి అభిమానులు ఘన స్వాగతం పలికారు. ఈ సందర్భంగా బాబీ మాట్లాడారు. సినిమా విడుదలై నాలుగు వారాలు గడిచినా కలెక్షన్స్ భారీగా వస్తున్నాయన్నారు. సినిమాని తెలుగు రాష్ట్రాలతో పాటు విదేశాల్లో ఉన్న తెలుగు ప్రేక్షకులు బాగా ఆదరిస్తున్నారు.
ప్రేక్షకులు అందరికీ ధన్యవాదాలు తెలుపుతున్నానని అన్నారు. చిరంజీవితో సినిమా తీయడమే పెద్ద గిఫ్ట్ గా భావిస్తున్నట్లు చెప్పారు. సినిమా బృందం మొత్తం విజయోత్సవ ఆనందంలో ఉన్నామని, మెగా ఫ్యామిలితో మరో సినిమా త్వరలో చేయనున్నట్లు తెలిపారు. పవన్ కళ్యాణ్ కు తన మద్దతు ఎప్పుడూ ఉంటుందన్నారు. తాను ద్వారకా తిరుమలలో వెంకటేశ్వరస్వామిని దర్శించుకునేందుకు వెళుతున్నట్లు చెప్పారు.
