తెలంగాణ మాదిరి మాకు ప్రత్యేక రాష్ట్రం ఇవ్వాలని విదర్భ ప్రాంతవాసులు డిమాండ్ చేశారు. ఏకంగా మహారాష్ట్ర ముఖ్యమంత్రి ఏక్ నాథ్ షిండే సభలో నినాదాలు చేశారు. సీఎం మాట్లాడుతుండగానే మాకు ప్రత్యేక రాష్ట్రం ఇవ్వండి అంటూ నినాదాలు చేశారు. వారి నిరసనతో సభలో కలకలం ఏర్పడింది. వెంటనే అప్రమత్తమైన పోలీసులు ఆందోళనకారులను అదుపులోకి తీసుకున్నారు. దీనికి సంబంధించిన వివరాలు ఇలా ఉన్నాయి.
చదవండి: 100 రోజులు పూర్తి.. ప్రధాని పీఠం ఒక పీడ కలలాంటిది: రిషి
మహారాష్ట్రలోని విదర్భ ప్రాంతవాసులు తమకు ప్రత్యేక రాష్ట్రం కావాలని ఎప్పటి నుంచో డిమాండ్ చేస్తున్నారు. నాగ్ పూర్, అమరావతి, అకోలా, వార్ధా, చంద్రాపూర్, గడ్చిరోలి, గోండియా, భండారా, బుల్దాణా, యావత్మల్ జిల్లాలతో కూడిన విదర్భ ప్రాంతం ఉమ్మడి రాష్ట్రంలో తెలంగాణ నష్టపోయినట్టు మాదిరి నష్టపోతున్నది. సహజ వనరులు అధికంగా ఉన్న ఈ ప్రాంతం అభివృద్ధికి దూరంగా ఉంది. రాజీవ్ గాంధీ సమయంలో విదర్భ రాష్ట్ర ఏర్పాటుకు అడుగులు పడ్డాయి. ఆ తర్వాత మళ్లీ యథా స్థితికి చేరింది. విదర్భ ఆర్థిక అభివృద్ధి మండలి కూడా ప్రత్యేక రాష్ట్ర ఏర్పాటుకు సానుకూల నిర్ణయం ప్రకటించింది. దీంతో ప్రస్తుతం మహారాష్ట్రలో విదర్భ రాష్ట్రం కావాలనే డిమాండ్ పెరుగుతున్నది.
చదవండి: ఐదింటిలో ఒక్కటే! ఎమ్మెల్సీ ఎన్నికల్లో బీజేపీకి షాక్
ఈ క్రమంలోనే విదర్భ ప్రాంతంలోని వార్ధాకు సీఎం ఏక్ నాథ్ షిండే విచ్చేశారు. శుక్రవారం ఏర్పాటుచేసిన సాహితీ సదస్సులో సీఎం మాట్లాడుతుండగా.. విదర్భ ఉద్యమకారులు ఆందోళన చేపట్టారు. ముఖ్యమంత్రి ప్రసంగిస్తుండగా ‘విదర్భ రాష్ట్రం కావాలి’ అంటూ నినాదాలు చేశారు. ఇద్దరు వ్యక్తులు లేచి నిరసన తెలిపారు. సీఎం వీటిని పట్టించుకోకుండా ప్రసంగం కొనసాగించారు. వెంటనే పోలీసులు వారిని అదుపులోకి తీసుకున్నారు. రాష్ట్ర వచ్చే వరకు తమ ఉద్యమాన్ని తీవ్రం చేస్తామని ఆందోళనకారులు హెచ్చరించారు. కాగా.. వచ్చే అసెంబ్లీ ఎన్నికల్లో విదర్భ ప్రత్యేక రాష్ట్ర డిమాండ్ కీలకం కానుంది.
#WATCH | Maharashtra: Two people raised slogans in front of CM Eknath Shinde regarding the demand of Vidarbha state, during the Literary Conference program in Wardha.
Police detained both of them. pic.twitter.com/4yvto3yapi
— ANI (@ANI) February 3, 2023
