Keerthi Suresh: స్టార్ హీరోతో కీర్తి సురేష్ రొమాన్స్.. ఇది బంపర్ ఆఫరే?

Keerthi Suresh: Keerthi Suresh romance with star hero.. Is it a bumper offer?

Keerthi Suresh: నిన్న మొన్నటి వరకు హోమ్లీ ఇమేజ్‌తో ఉన్న కీర్తి.. ఇప్పుడు హాట్ ఇమేజ్ కోసం తాపత్రయపడుతోంది. బాలీవుడ్ కోసం హోమ్లీ ఇమేజ్‌ను పూర్తిగా పక్కకు పెట్టేసినట్టుగా కనిపిస్తోంది. ప్రస్తుతం వరుణ్ ధావన్‌తో కలిసి బేబీ జాన్ అనే హిందీ సినిమాలో నటిస్తోంది కీర్తి సురేష్. కాలీస్ డైరెక్ట్ చేస్తున్న ఈ సినిమా తమిళ్ ‘తేరీ’ రీమేక్‌గా తెరకెక్కుతోంది. మే 31న ఈ సినిమా రిలీజ్‌ కానుంది. ఈ మూవీలో కీర్తి గ్లామర్ ట్రీట్ కాస్త గట్టిగానే ఉంటుందని అంటున్నారు.

ఇది కూడా చూడండి: Bomb Threat : తీహార్ జైలులో బాంబు.. ఢిల్లీలో పోలీసుల సెర్చ్ ఆపరేషన్

ఇప్పటికే లీక్ అయిన ఫోటోలు సోషల్ మీడియాలో వైరల్ అయ్యాయి. ఇక్కడి నుంచి కీర్తి పూర్తిగా గ్లామర్ గేట్లు పూర్తిగా ఎత్తేసినట్టేనని అంటున్నారు. బేబీ జాన్ హిట్ అయితే.. కీర్తికి మరిన్ని బాలీవుడ్ ఆఫర్లు రావడం పక్కా అంటున్నారు. కానీ ఈ సినిమా రిలీజ్‌కు ముందే బాలీవుడ్ బడా హీరోతో ఛాన్స్ కొట్టేసినట్టుగా సమాచారం. బాలీవుడ్ పై గట్టిగా ఫోకస్ చేసిన కీర్తి.. అక్షయ్ కుమార్‌తో ఆఫర్ అందుకుందని టాక్. 14 ఏళ్ల కిందట వచ్చిన ‘ఖట్టా మీటా’ కాంబినేషన్‌ను రిపీట్ చేస్తూ.. ప్రియదర్శన్, అక్షయ్ కుమార్‌ మరో ప్రాజెక్టు చేయడానికి రెడీ అవుతున్నారు.

ఇది కూడా చూడండి: Pooja Hegde: షాకింగ్ డెసిషన్.. తల్లి కాబోతున్న పూజా హెగ్డే?

ఈ సినిమాలో ఫిమేల్ లీడ్ కోసం ముగ్గురు హీరోయిన్ల పేర్లను పరిశీలిస్తున్నారట. అందులో ఆలియా భట్, కియారా అద్వానీలతో పాటు కీర్తి సురేష్ పేరు కూడా ఉందని తెలుస్తోంది. వీళ్లలో ఒకరిని ఫైనలైజ్ చేయనున్నట్టుగా సమాచారం. ఈ సినిమాలో ఫిమేల్ లీడ్ పాత్రకు చాలా ప్రాధాన్యత ఉందట. దీంతో ఈ పాత్ర కీర్తికి వరించే ఛాన్స్ ఉందని తెలుస్తోంది. ఒకవేళ.. కీర్తి సురేష్ ఈ ఛాన్స్ కొట్టేస్తే మాత్రం బాలీవుడ్‌లో తిరుగులేనట్టేనని అంటున్నారు. త్వరలోనే ఈ విషయంలో క్లారిటీ రానుంది.