Hero Vijay
Vijay: తమిళ స్టార్ హీరో దళపతి విజయ్ పై చెన్నై పోలీస్ కమిషనర్ కార్యాలయంలో కేసు నమోదైంది. ఎన్నికల నిబంధనలను ఉల్లంఘించారంటూ సెల్వం అనే సామాజిక కార్యకర్త విజయ్‌పై ఫిర్యాదు చేశారు. విజయ్ తమను చాలా ఇబ్బందులకు గురిచేశాడని ఆయన ఫిర్యాదులో పేర్కొన్నాడు. ఈ ఘటనపై పోలీసులు ఎలాంటి చర్యలు తీసుకుంటారనేది ఇప్పుడు ఆసక్తికరంగా మారింది. ఎలక్షన్స్ కోసం రష్యాలో షూటింగ్‌కి విరామం ఇచ్చిన విజయ్ ఇటీవల చెన్నైకి వచ్చారు. ప్రస్తుతం దేశవ్యాప్తంగా ఎన్నికల హడావిడి నడుస్తోంది. ఏప్రిల్ 19న అనేక రాష్ట్రాల్లో మొదటి దశ పోలింగ్ జరిగింది. ఇందులో తమిళనాడు కూడా ఉంది. ఈ ఎన్నికల్లో ఓటు హక్కు వినియోగించుకునేందుకు విజయ్ రష్యాలో షూటింగ్‌కు విరామం ఇచ్చి చెన్నై వచ్చారు. శుక్రవారం మధ్యాహ్నం 12.30 గంటల ప్రాంతంలో ఇంటి నుంచి కారులో బయలుదేరిన విజయ్ నీలాంగరై పోలింగ్ బూత్‌కు చేరుకున్నాడు. విజయ్ పోలింగ్ కేంద్రానికి చేరుకోగానే అభిమానులు పెద్ద ఎత్తున గుమిగూడారు.
చదవండి:Rahul Gandhi: రాహుల్ గాంధీకి అస్వస్థత.. ఫుడ్ పాయిజన్ గా అనుమానం
విజయ్ తో పాటు ఆయన అనుచరులు, మద్దతుదారులు దాదాపు 200 మందికి పైగా ఒకేసారి పోలింగ్ బూత్ వద్దకు వచ్చారు. ఓ వైపు అనుచరులు, మరోవైపు అభిమానుల హడావుడితో అక్కడి సాధారణ ఓటర్లు తీవ్ర ఇబ్బందులు పడ్డారు. సెల్వం అనే వ్యక్తి పోలీస్ కమిషనర్ కార్యాలయంలో ఈ విషయంపై ఫిర్యాదు చేశారు. ఎన్నికల నియమావళిని ఉల్లంఘించి విజయ్ 200 మందితో పోలింగ్ కేంద్రానికి వెళ్లి క్యూలో నిలబడకుండా నేరుగా వెళ్లి ఓటు వేశారని పోలీసు కమిషనర్ కు ఫిర్యాదు చేశారు. హీరో విజయ్ కొద్ది నెలల క్రితమే రాజకీయాల్లోకి ఎంట్రీ ఇచ్చారు. ‘తమిళ వెట్రి కళగం’ పేరుతో రాజకీయ పార్టీని ప్రారంభించిన సంగతి తెలిసిందే.
చదవండి:Chhattisgarh : ఎన్నికల విధుల నుండి తిరిగి వస్తున్న సీఆర్పీఎఫ్ జవాన్ల బస్సు బోల్తా
