Gold and Silver Rates Today : పసిడిని కొనుక్కోవాలని, పెట్టుబడి మార్గంగా మలుచుకోవాలని ఆలోచనల్లో ఉన్న వారు రోజువారీ పసిడి రేట్లను తెలుసుకుంటూ ఉండటం అత్యావస్యకం. మరి ఇవాల్టి బంగారం, వెండి ధరలు ఎలా ఉన్నాయో తెలుసుకోవడానికి ఇది చదివేయండి. దేశీయ మార్కెట్లో 24 క్యారెట్ల పది గ్రాముల పసిడి ధరలు బుధవారం సైతం పెరిగాయి. మంగళవారం రూ.75,824గా ఉన్న పసిడి ధర, బుధవారం నాటికి స్వల్పంగా రూ.68 పెరిగి రూ.75,892కు చేరుకుంది.
చదవండి : రాజాసాబ్.. ఇది ఇప్పట్లో కష్టమే?
హైదరాబాద్‌, విజయవాడ, విశాఖపట్నం, ప్రొద్దుటూరు తదితర ప్రధాన పట్టణాల్లోనూ పది గ్రాముల పసిడి ధర(Gold Rate) రూ.75,892గా కొనసాగుతోంది. ఈ ధరలు మార్కెట్‌ ప్రారంభ సమయంలో ఉన్నవని గుర్తుంచుకోవాలి. కొనుగోలుదారులు నగల్ని కొనుగోలు చేస్తున్నప్పుడు జీఎస్టీ, మజూరీల్లాంటివి అదనంగా తోడవుతాయని గమనించుకోవాలి.
చదవండి : జగన్‌ గెలుపు ఖాయమంటున్న విశాల్!
దేశీయ మార్కెట్లలో కిలో వెండి ధర(Silver Rate) మంగళవారం రూ.86,531 ఉండగా, బుధవారం నాటికి రూ.651 తగ్గి రూ.85,880కు చేరుకుంది. హైదరాబాద్‌, విజయవాడ, విశాఖపట్నం, ప్రొద్దుటూరుల్లోనూ దాదాపు ఇదే ధరలు కొనసాగుతున్నాయి.
ఇక అంతర్జాతీయ మార్కెట్లో స్పాట్ గోల్డ్, సిల్వర్ ధరలు దాదాపు స్థిరంగా ఉన్నాయి. మంగళవారం ఔన్స్ స్పాట్ గోల్డ్ ధర 2,387 డాలర్లు ఉండగా, బుధవారం నాటికి 5 డాలర్లు తగ్గి 2,382కు చేరుకుంది. ప్రస్తుతం ఔన్స్ సిల్వర్ ధర 28.18 డాలర్లుగా ఉంది.
