Rashmika Mandanna: ప్రస్తుతం పాన్ ఇండియా హీరోయిన్లను తీసుకుంటే.. రష్మిక మందన్న టాలీవుడ్ టూ బాలీవుడ్ వరకు వరుస సినిమాల్లో నటిస్తోంది. చివరగా అనిమల్ సినిమాతో సూపర్ హిట్ అందుకున్న రష్మిక.. ప్రస్తుతం మోస్ట్ అవైటేడ్ ప్రాజెక్ట్ పుష్ప 2 సినిమాలో నటిస్తోంది. పుష్ప పార్ట్ 1లో శ్రీవల్లిగా డీ గ్లామర్ పాత్రలో నటించింది రష్మిక. కానీ పుష్ప2లో మాత్రం కాస్త గ్లామర్‌గా కనిపించనుంది శ్రీవల్లి. పైగా ఇందులో పుష్పగాడు చాలా రిచ్ కాబట్టి.. శ్రీవల్లి కూడా భారీ ఆభరణాలతో కనిపించనుంది.
ఇది కూడా చూడండి: Tamanna-Raashi khanna: తమన్నా, రాశి ఖన్నా గ్లామర్ ట్రీట్.. ఇద్దరు ఊపేశారు!
ప్రస్తుతం షూటింగ్ స్టేజీలో ఉన్న పుష్ప2లో.. ఐకాన్ స్టార్ అల్లు అర్జున్, రష్మిక మధ్య కీలక సన్నివేశాలను చిత్రీకరిస్తున్నారట మేకర్స్. ఇటీవల ఈ సినిమా నుంచి టీజర్ రిలీజ్ చేయగా సెన్సేషనల్ రెస్పాన్స్ సొంతం చేసుకుంది. అలాగే.. రష్మిక మందన్న ఫస్ట్ లుక్ రిలీజ్ చేయగా.. శ్రీవల్లి లుక్ అదిరిపోయింది. ఈ నేపథ్యంలో.. ఆమె పాత్రపై రష్మిక మందన్న చేసిన కామెంట్స్ వైరల్ అవుతున్నాయి. ఇటీవల ఓ ఇంటర్వ్యూలో పాల్గొన్న రష్మిక.. పుష్ప2 గురించి కొన్ని ఆసక్తికర విషయాలను చెప్పింది. ఈ సినిమాలో తన పాత్ర ఛాలెంజింగ్‌గా ఉంటుందని చెప్పుకొచ్చింది.
ఇది కూడా చూడండి: Urvashi Rautela: హాట్ బ్యూటీతో ఎన్టీఆర్ సెల్ఫీ.. కానీ క్షమించండి!
అసలు పుష్ప సినిమాలో ఛాన్స్ వచ్చినప్పుడు కాస్త ఆశ్చర్యపోయాను. ఆ సినిమా కథ ఏంటి? శ్రీవల్లి పాత్ర ఎలా ఉంటుంది? స్క్రీన్ మీద ఎలా చూపిస్తారు? అనే విషయాలను పెద్దగా పట్టించుకోలేదు. కానీ.. ఈ సినిమాలో నా క్యారెక్టర్ చాలా పవర్ ఫుల్‌గా ఉంటుంది. ఇంకా చెప్పాలంటే, పుష్ప 2లో శ్రీవల్లి 2.0ను చూస్తారని రష్మిక వెల్లడించింది. మరి ఆగస్టు 15న రానున్న పుష్ప2 ఎలాంటి సెన్సేషన్ క్రియేట్ చేస్తుందో చూడాలి.
