దేశ భక్తి చూపించాల్సిన సమయంలో చూపిస్తే నిజమైన దేశభక్తులం అవుతాం. దేశంపై ఉన్న భక్తిని సందర్భం వచ్చినప్పుడు చూపించాలి. అలాంటి సందర్భం వచ్చిన సమయంలో ప్రాణాలకు తెగిస్తే అప్పుడే నిజమైన హీరోలు అవుతారు. అలాంటి హీరో గురించే ఇప్పుడు మాట్లాడుతున్నాం. చుట్టు మంటలు అలుముకున్న పరిస్థితిలోనూ మన జాతీయ జెండాను కాపాడి ఓ ఉద్యోగి దేశభక్తిని చాటాడు. దీనికి సంబంధించిన వీడియో సోషల్ మీడియాలో వైరల్ గా మారింది. అసలేం జరిగిందో తెలుసుకోండి..
హరియాణా రాష్ట్రం పానిపట్ లోని ఓ స్పిన్నింగ్ మిల్లులో మంగళవారం అగ్నిప్రమాదం జరిగింది. అగ్నిమాపక సిబ్బంది వచ్చి మంటలు ఆర్పుతున్నది. ఈ సమయంలో భవనంపై ఉన్న త్రివర్ణ పతాకం మంటల్లో కాలిపోతుందని గ్రహించిన అగ్నిమాపక శాఖ ఉద్యోగి సునీల్ సాహసం చేశాడు. మంటలు వ్యాపిస్తున్నా ధైర్యంతో భవనంపైకి ఎక్కి కర్రకు ఉన్న జెండాను ఊడదీసి భద్రంగా తీసుకొచ్చాడు. దీనికి సంబంధించిన వీడియో నెట్టింట్లో వైరల్ గా మారింది. సునీల్ సాహసాన్ని అందరూ ప్రశంసిస్తున్నారు.
https://www.instagram.com/reel/Cnjs28wAE4m/?utm_source=ig_web_copy_link
