సెప్టెంబర్ 17 న కాంగ్రెస్ ఎన్నికల మేనిఫెస్టో(Manifesto)ను విడుదల చేద్దామని టీపీసీసీ (TPCC) అధ్యక్షుడు రేవంత్ రెడ్డి తెలిపారు. త్వరలోనే తెలంగాణ(Telangana)లో ఎన్నికలు రాబోతున్నాయని, అక్టోబర్ 2 నుంచి ఎన్నికల ప్రచారం ప్రారంభిస్తున్నామని ఆయన వెల్లడించారు. యూత్ కాంగ్రెస్ (Congress) జాతీయ కార్యవర్గ సమావేశంలో ఆయన మాట్లాడారు. కాంగ్రెస్ పార్టీలో పోరాడే వారికే భవిష్యత్ ఉంటుందని చెప్పారు. విద్యార్థులు, యువత ప్రాణత్యాగాలతో తెలంగాణ ఏర్పడిందని అన్నారు. బీజేపీ (BJP) చెబుతున్న డబుల్ ఇంజన్ ప్రభుత్వం అంటే అదానీ, ప్రధాని అని రేవంత్ రెడ్డి ఆరోపించారు. వన్ నేషన్ (One Nation) వన్ పార్టీ అనేది బీజేపీ రహస్య ఎజెండా అని చెప్పారు. రాష్ట్రంలో సీఎం కేసీఆర్ (CM KCR) పై చేసే పోరాటంలో గెలవాలంటే యువత ముందుండాలని తెలిపారు. ఎన్నికల్లో కాంగ్రెస్ గెలుపు కోసం శ్రమించాలని ఆయన అన్నారు. డిసెంబర్ 9 న సోనియా గాంధీ (Sonia Gandhi) జన్మదినోత్సవం సందర్భంగా తెలంగాణలో కాంగ్రెస్ ప్రభుత్వం ఏర్పాటు కావాలని అన్నారు. తెలంగాణలో మరి కొన్ని నెలల్లో ఎన్నికలు జరగాల్సి ఉన్న నేపథ్యంలో టీపీసీసీ (TPCC) అధ్యక్షుడు రేవంత్ రెడ్డి (Revanth Reddy) తమ పార్టీకి సంబంధించి కీలక విషయాలు తెలిపారు.
చదవండి : Shamshabad: పూజారితో వివాహేతర సంబంధం..చివరికి అతని చేతిలోనే
