KMR: తెలంగాణ వర్సిటీలో సౌత్ క్యాంపస్లో మంగళవారం అర్ధరాత్రి విద్యార్థుల మధ్య ఘర్షణ చోటుచేసుకుంది. సీనియర్లు జూనియర్లపై దాడికి దిగడంతో ఓ విద్యార్థికి గాయమైంది. దీంతో ఆగ్రహించిన జూనియర్లు రోడ్డుపై బైఠాయించి ఆందోళన చేపట్టారు. ఈ సమాచారం అందుకున్న పోలీసులు, వార్డెన్ అక్కడికి చేరుకుని విద్యార్థులకు నచ్చజెప్పి పరిస్థితిని అదుపులోకి తెచ్చారు.
PDPL: ఇంటర్మీడియట్ ఉత్తీర్ణులైన ప్రతి విద్యార్థి ఉన్నత విద్య కొనసాగించాలని కలెక్టర్ శ్రీ హర్ష తెలిపారు. బుధవారం ఆయన పెద్దకల్వల ప్రభుత్వ డిగ్రీ కళాశాలలో 2026 -27 సంవత్సరం ప్రవేశాల పోస్టర్ ఆవిష్కరించారు. ఈ సందర్భంగా మాట్లాడుతూ.. జిల్లా ప్రభుత్వ డిగ్రీ కళాశాలలో అనుభవజ్ఞులైన అధ్యాపకులు, స్కాలర్షిప్స్, ఫీజు రీయింబర్స్మెంట్, ఆధారిత కోర్సులను సద్వినియోగం చేసుకోవాలని కోరారు.
WGL: పట్టణంలో కార్పొరేషన్కు సంబంధించిన అన్ని బకాయిలను పూర్తిగా చెల్లించాల్సిందేనని నగర కమిషనర్ చావత్ బాజ్ పాయ్ స్పష్టం చేశారు. గురువారం సాయంత్రం కమిషనర్ కాన్ఫరెన్స్ హాల్లో అధికారులతో సమీక్ష సమావేశం నిర్వహించారు. అనంతరం ఆమె మాట్లాడుతూ.. కార్పొరేషన్కు పెండింగ్లో ఉన్న పన్నులు, ఇతర బకాయిల చెల్లించి పట్టణ అభివృద్ధికి సహకరించాలని పట్టణ ప్రజలను కోరారు.
SDPT: కాంగ్రెస్ అధికారంలోకి వచ్చి రెండేళ్లు దాటుతున్నా, ఎన్నికల హామీ మేరకు పింఛన్ల పెంపు అమలు కాకపోవడంపై లబ్ధిదారులు నిరీక్షిస్తున్నారు. వృద్ధులు, ఒంటరి మహిళలకు రూ. 4,000, దివ్యాంగులకు రూ. 6,000 ఇస్తామని ఇచ్చిన హామీ కార్యరూపం దాల్చలేదు. ఉమ్మడి జిల్లాలోని 4,69,575 మంది పింఛన్ దారులు ఈ పెంపు ఎప్పుడు అమలవుతుందని ఎదురుచూస్తున్నారు.
NRML: గల్ఫ్ దేశాల్లో నెలకొన్న ప్రస్తుత పరిస్థితుల దృష్ట్యా అక్కడికి వెళ్లే ఉమ్మడి ఆదిలాబాద్ జిల్లా ప్రజలు తమ ప్రయాణాలను తాత్కాలికంగా వాయిదా వేసుకోవాలని ప్రవాసి మిత్ర కార్మిక సంఘం రాష్ట్ర అధ్యక్షుడు స్వదేశ్ పరికిపండ్ల సూచించారు. పరిస్థితులు పూర్తిగా సాధారణ స్థితికి వచ్చే వరకు గల్ఫ్ దేశాలకు వెళ్లకూడదని గురువారం ప్రకటనలు వారు కోరారు.
HYD: నగరంలో మరో రెండు చెరువులు ప్రజలకు అందుబాటులోకి రానున్నాయి. పాతబస్తీలోని బమృకున్-ఉద్-దౌలా, కూకట్పల్లిలోని నల్ల చెరువు ప్రారంభానికి సిద్ధమయ్యాయి. ఈ నెల 6న బమృకున్-ఉద్-దౌలా చెరువును సీఎం రేవంత్రెడ్డి ప్రారంభించనున్నారు. హైడ్రా మొదట విడత చేపట్టిన 6 చెరువుల్లో ఇప్పటికే అంబర్పేటలోని బతుకమ్మ కుంట గతేడాది సెప్టెంబరు 28న ప్రారంభమైన విషయం తెలిసిందే.
ఉమ్మడి రంగారెడ్డి జిల్లాలోని నిరుద్యోగ మహిళలకు మార్కెటింగ్ కోర్సుల్లో ఉచిత శిక్షణ ఇవ్వనున్నట్లు దుర్గాబాయి మహిళా శిశు వికాస కేంద్రం జిల్లా మేనేజర్ శైలకుమారి తెలిపారు. చిలుకూరులోని దుర్గాబాయి మహిళా శిశు వికాస కేంద్రంలో 17 నుంచి 3 నెలల పాటు రిటైల్ సేల్స్ అసిస్టెంట్ కోర్సుల్లో శిక్షణ ఇస్తామని, ఈనెల 16త తేదీలోపు దరఖాస్తు చేసుకోవచ్చన్నారు.
VKB: ప్రభుత్వం ప్రతిష్టాత్మకంగా చేపట్టిన ’99 రోజుల ప్రణాళిక’ను అన్ని శాఖల అధికారులు సమర్థవంతంగా అమలు చేయాలని జిల్లా కలెక్టర్ దీపక్ తివారి ఆదేశించారు. బుధవారం కలెక్టరేట్లో నిర్వహించిన సమీక్షలో ఆయన మాట్లాడుతూ.. మార్చి 6 నుంచి జూన్ 12 వరకు శాఖల వారీగా కేటాయించిన లక్ష్యాలను పూర్తి చేయాలన్నారు.
MDK: ఇందిరమ్మ ఇళ్ల నిర్మాణాల బిల్లుల చెల్లింపుల్లో జాప్యం చేయొద్దని మెదక్ కలెక్టర్ ప్రతిమా సింగ్ ఆదేశించారు. ప్రభుత్వం ప్రతిష్ఠాత్మకంగా చేపట్టిన ఈ పథకం ద్వారా అర్హులైన పేదలకు శాశ్వత నివాసాలు కల్పించడం లక్ష్యమని తెలిపారు. లబ్ధిదారులతో మాట్లాడి సమస్యలు తెలుసుకుని, బిల్లులు, సామగ్రి సరఫరా, సాంకేతిక పర్యవేక్షణపై అధికారులకు సూచనలు చేశారు.
BHNG: గ్రామీణ ప్రాంతాల్లో పశు వైద్య సేవలు మెరుగుపరిచేందుకు వెటర్నరీ సబ్ సెంటర్లలో కనీస మౌలిక సదుపాయాలు కల్పించాలని తెలంగాణ నాన్ గెజిటెడ్ వెటర్నరీ జిల్లా అసోసియేషన్ కలెక్టర్ అనురాగ్ జయంతికి వినతి పత్రం సమర్పించింది. అసోసియేషన్ జిల్లా అధ్యక్షులు సిద్ధగోని వెంకటరమణ, నర్సింహ యాదవ్, శ్రీనివాస్ పాల్గొన్నారు.
KMM: పెళ్లైన మూడు నెలలకే ఆ ఇంట్లో హోలీ పండుగ తీరని శోకాన్ని నింపింది. ఏన్కూరుకు చెందిన మల్లు సాయి బుధవారం స్నేహితులతో కలిసి హోలీ ఆడుతూ సరదాగా ఈత కోసం కాలువలోకి దిగాడు. ప్రమాదవశాత్తు నీటిలో మునిగి ప్రాణాలు కోల్పోయాడు. సాయి మరణంతో భార్య, తల్లిదండ్రులు కన్నీరుమున్నీరుగా విలపిస్తున్నారు. ఈ ఘటనపై ఎస్సై సంధ్య కేసు నమోదు చేసి దర్యాప్తు చేస్తున్నారు.
సూర్యాపేట పట్టణంలోని మహాత్మ జ్యోతిబాపూలే బాలికల డిగ్రీ కళాశాలను జిల్లా కలెక్టర్ తేజస్ నందలాల్ పవర్ బుధవారం సాయంత్రం ఆకస్మికంగా తనిఖీ చేశారు.హాస్టల్ డైనింగ్ హాల్, కిచెన్, లైబ్రరీలను పరిశీలించి, భోజనం నాణ్యతపై విద్యార్థులను అడిగి తెలుసుకున్నారు. విద్యార్థుల సమస్యల కోసం వెంటనే ఫిర్యాదుల బాక్స్ ఏర్పాటు చేయాలని ప్రిన్సిపల్ను ఆదేశించారు.
KNR: కరీంనగర్ పట్టణం ఆరేపల్లి గ్రామ శివారులోని పత్తి చేనులో సుమారు 60 ఏళ్ల గుర్తు తెలియని వ్యక్తి మృతదేహం లభ్యమైందని రూరల్ సీఐ నిరంజన్ రెడ్డి తెలిపారు. మృతుడు తెల్లని గడ్డంతో, తెల్లని బనియన్, ప్యాంటు ధరించి ఉన్నట్లు చెప్పారు. ఆచూకీ తెలిసిన వారు 8712670764 నంబరును సంప్రదించాలని కోరారు.
ADB: జిల్లాలో ప్రజా పాలన-ప్రగతి ప్రణాళిక 99 రోజుల ప్రత్యేక కార్యాచరణ ప్రణాళికను పకడ్బందీగా అమలు చేయాలని జిల్లా కలెక్టర్ రాజర్షిషా తెలిపారు. నిన్న కలెక్టరేట్ సమావేశ మందిరంలో నిర్వహించిన సమావేశంలో ఆయన మాట్లాడారు. అన్ని గ్రామాలు, మున్సిపాలిటీలు, ప్రభుత్వ కార్యాలయాలలో పారిశుధ్య డ్రైవ్ పెండింగ్ ఫైళ్ల పరిష్కార కార్యక్రమం చేపట్టాలని రాజర్షి షా ఆదేశించారు.
హైదరాబాద్లో మరో రియల్ ఎస్టేట్ కుంభకోణం వెలుగులోకి వచ్చింది. అపార్ట్మెంట్ల పేరుతో వందలాది మంది బాధితుల నుంచి రూ.కోట్లు వసూలు చేసిన త్రిపుర కన్స్ట్రక్షన్స్ యాజమాన్యాన్ని పోలీసులు అరెస్ట్ చేశారు. సంస్థ ఎండీ పసుపులేటి సుధాకర్, ఆయన భార్యను పోలీసులు అదుపులోకి తీసుకున్నారు. నిందితుడి కుమార్తె, అల్లుడు ప్రస్తుతం పరారీలో ఉన్నారు.
