PDPL:పెద్దపల్లి జిల్లా ఆసుపత్రిలో క్లిష్టమైన సర్జరీలను వైద్య బృందం విజయవంతంగా నిర్వహించింది. పోతుల స్రవంతికి గాలి బ్లాడర్‌లో స్టోన్‌తో కడుపు నొప్పి, వాంతులు లాంటి సమస్యలతో బాధ పడుతుండగా, విజయవంతంగా లాప్రోస్కోపిక్ సర్జరీ నిర్వహించారు. గడ్డం కవిత గర్భసంచిలో గడ్డలతో తీవ్ర రక్తస్రావంతో బాధ పడుతుండగా, విజయవంతంగా ఆపరేషన్ చేశారు
MDK: మెదక్ జిల్లాలో ఇంటర్మీడియట్ ప్రథమ సంవత్సరంలో ప్రవేశాల గడువు ఈనెల 31 తేదీ వరకు పెంచినట్లు జిల్లా ఇంటర్ అధికారి మాధవి గురువారం ఓ ప్రకటనలో తెలిపారు. పదో తరగతి సప్లమెంటరీ పరీక్షలు విడుదలైనందున గడువు పెంచినట్లు చెప్పారు. విద్యార్థులు ప్రభుత్వ పాఠశాలలో చేరాలని కోరారు.
BDK: పినపాక తాహసీల్దార్‌గా విధులు నిర్వహిస్తున్న గోపాలకృష్ణ బదిలీ అయ్యారు. తాజాగా జిల్లా కలెక్టర్ ఉత్తర్వుల మేరకు ఆయనను గుండాల తాహసీల్దార్‌గా నియమించారు. ఆయన స్థానంలో పినపాక తాహసీల్దార్‌గా అనూష నియమితులయ్యారు. ఈ బదిలీ ఉత్తర్వులు అధికారికంగా గురువారం విడుదలయ్యాయి.
KMM: తిరుమలాయపాలెం మండలానికి మంజూరైన ఐటీఐ కళాశాలను సర్వే నం. 254లోని రహదారి పక్కన ఉన్న ప్రభుత్వ భూమిలో నిర్మించాలని అఖిలపక్ష నేతలు మంత్రి పొంగులేటి శ్రీనివాసరెడ్డిని కలిసి వినతిపత్రం అందించారు. రహదారి పక్కన నిర్మాణం వల్ల విద్యార్థులు, స్టాఫ్‌కు రవాణా సౌకర్యం ఉండటంతో పాటు స్థానికులకు ఉపాధి అవకాశాలు కలుగుతాయని చెప్పారు.
ADB: జిల్లా స్థాయి ఎస్సీ, ఎస్టీ విజిలెన్స్ మానిటరీ కమిటీ మెంబర్‌గా నియమితులైన సభ్యులు MLA పాయల్ శంకర్, కలెక్టర్ రాజర్షి షాను జిల్లా కేంద్రంలో గురువారం మర్యాదపూర్వకంగా కలిసి శాలువాతో ఘనంగా సత్కరించారు. ఎస్సీ, ఎస్టీ వర్గాలకు న్యాయం చేసే విధంగా కృషి చేస్తామని సభ్యులు పేర్కొన్నారు. ఈ కార్యక్రమంలో సభ్యులు జంగుబాపు, శశికాంత్, లక్ష్మీకాంత్ తదితరులున్నారు.
KMM: తెలుగు రాష్ట్రాల మధ్య నదీజలాల విషయంలో ఉద్రిక్తతలు సృష్టించడం ద్వారా ప్రజల్లో చిచ్చు పెట్టాలని కాంగ్రెస్, బీఆర్ఎస్ కుట్రపూరితంగా వ్యవహరిస్తున్నాయని సీపీఐ ఎంఎల్ మాస్ లైన్ రాష్ట్ర కార్యదర్శి పోటు రంగారావు అన్నారు. నేడు పార్టీ కార్యాలయంలో విలేకరుల సమావేశంలో మాట్లాడుతు..ప్రస్తుతం బనకచర్ల-పోలవరం ప్రాజెక్టు కారణం చూపిస్తూ ప్రజల దృష్టిని మళ్లిస్తున్నరన్నారు.
MBNR: రైలు ఢీకొని ఓ గుర్తు తెలియని వ్యక్తి మృతి చెందిన సంఘటన బాలానగర్ మండలంలో జరిగింది. రైల్వే పోలీసులు తెలిపిన వివరాల ప్రకారం.. మండలంలోని సోలిపూర్ గ్రామ సరిహద్దుల్లో గుర్తుతెలియని రైలు ఢీకొని ఓ వ్యక్తి మృతి చెందాడు. మృతదేహాన్ని ప్రభుత్వ మహబూబ్‌నగర్ ఆసుపత్రికి తరలించారు. కేసు నమోదు చేసినట్లు రైల్వే హెడ్ కానిస్టేబుల్ ఐజాక్ తెలిపారు.
ADB: బోథ్ మండలంలోని కౌట గ్రామంలో జిల్లా ఎస్పీ అఖిల్ మహాజన్ గురువారం పర్యటించారు. ఈ సందర్భంగా ఏర్పాటు చేసిన సమావేశంలో ఆయన మాట్లాడుతూ.. యువత చెడు వ్యసనాలకు అలవాటు పడకుండా సన్మార్గంలో పయనించాలన్నారు. గంజాయి పండించిన, అమ్మిన, సేవించిన కఠిన చర్యలు తీసుకోవడం జరుగుతుందని హెచ్చరించారు.
HNK: భీమారంలోనీ 55వ డివిజన్‌లో గురువారం ఎంపీ నిధుల నుంచి రూ.20 లక్షల అంచనా వ్యయంతో నిర్మించనున్న బీసీ కమ్యూనిటీ హల్ భవన నిర్మాణ పనుకులకు వరంగల్ ఎంపీ కడియం కావ్య శంకుస్థాపన చేశారు. ఈసందర్భంగా ఆమె మాట్లాడుతూ.. జర్నలిస్ట్ నాయకపు సుభాష్ జ్ఞాపకార్థంగా కమ్యూనిటీ హల్ నిర్మాణానికి శంకుస్థాపన చేసినట్లు తెలిపారు.
HNK: హన్మకొండ ఆదాలత్ జంక్షన్ వద్ద ఆగే వాహనదారులను ఇబ్బందులకు గురి చేస్తూ భిక్షాటన చేస్తున్న ట్రాన్స్ జెండర్‌లకు కాజీపేట ట్రాఫిక్ ఇన్స్‌పెక్టర్ వెంకన్న కౌన్సిలింగ్ నిర్వహించారు. జంక్షన్ల వద్ద ఆగి ఉన్న వాహనదారులను ఇబ్బంది పెడుతూ భిక్షాటన చేయవద్దని హెచ్చరించారు. ప్రధానంగా వాహనాలు కదిలే సమయంలో అక్కడ ఉండటం వల్ల ప్రమాదానికి గురవుతారని సూచించారు.
BDK: మణుగూరు మండలంలోని వంద పడకల హాస్పిటల్ నందు కింగ్ డోమ్స్ కల్చర్ మినిస్ట్రీస్ ఆద్వర్యంలో నిర్వహించిన రక్తదాన శిబిరాన్ని గురువారం ఎమ్మెల్యే పాయం వెంకటేశ్వర్లు ప్రారంభించారు. అనంతరం ఎమ్మెల్యే మాట్లాడుతూ.. ఫౌండేషన్ సభ్యులు అంజుమనార బేగం బీటీపీఎస్ నందు ఉద్యోగం చేసుకుంటూ సామాజిక సేవ చేయడం చాలా గొప్ప విషయం అన్నారు.
KMM: జులై 9 దేశవ్యాప్త సమ్మెలో భాగంగా ఖమ్మం జిల్లాలో ఆటో బంద్ చేయాలని INTUC పార్లమెంట్ అధ్యక్షులు పాల్వంచ కృష్ణ పేర్కొన్నారు. గురువారం కాంగ్రెస్ పార్టీ కార్యాలయంలో జరిగిన సమావేశంలో మాట్లాడారు. ఆటో డ్రైవర్లకు రూ.12 వేలు ఆర్థిక సాయం, సంక్షేమ బోర్డును ఏర్పాటు చేయాలని డిమాండ్ చేశారు. సమ్మెలో ఆటో, ట్రాన్స్‌పోర్ట్ కార్మికులు పెద్ద ఎత్తున పాల్గొనాలన్నారు.
SRPT: మోతే మండలం విబులాపురం మామిళ్ళగూడెంలని పాఠశాలను జిల్లా కలెక్టర్ తేజస్ నందలాల్ పవర్ ఇవాళ ఆకస్మికంగా తనిఖీ చేసారు. విద్యార్థులు ప్రాథమిక స్థాయి నుండే తెలుగు, ఇంగ్లిష్ భాషలలో పట్టు సాధించాలని తెలిపారు. విద్యార్థులను తెలుగు చదివించారు, విద్యార్థులు తెలుగు మంచిగా చదువుతున్నారని కలెక్టర్ మెచ్చుకున్నారు.
PDPL: సుల్తానాబాద్ మున్సిపాలిటీ కమిషనర్‌గా నూతనంగా బాధ్యతలు స్వీకరించిన టీ.రమేష్‌ను గురువారం మధ్యాహ్నం సుల్తానాబాద్ మున్సిపల్ బీజేపీ నాయకులు శాలువాతో సన్మానించి శుభాకాంక్షలు తెలిపారు. ఈ సందర్భంగా సుల్తానాబాద్ మున్సిపాలిటీలోని పలు వార్డులలోని సమస్యలను కమిషనర్ దృష్టికి తీసుకువెళ్లారు.
ADB: జైనద్ మండలం కూర గ్రామంలోని కొత్త కాలనీ తాగునీటి కోసం కాలనీ వాసులు ఇబ్బందులు పడుతున్నారు. గత కొన్ని సంవత్సరాలుగా త్రాగునీటి ట్యాంకు శుభ్రం చేయక నాచు నీరు వస్తుందని కాలనీవాసులు వాపోతున్నారు. సంబంధిత అధికారులు వెంటనే స్పందించి త్రాగునీటి ట్యాంకును శుభ్రం చేయించాలని కాలనీవాసులు కోరుతున్నారు. .
