MBNR: ఉమ్మడి జిల్లాలోని మోడల్ స్కూళ్లల్లో 6 నుంచి 10వ తరగతుల్లో ప్రవేశానికి దరఖాస్తులు ఆహ్వానిస్తున్నట్లు జిల్లా విద్యాశాఖ అధికారులు తెలిపారు. జనవరి 6 నుంచి ఫిబ్రవరి 28 వరకు దరఖాస్తులు చేసుకోవాలన్నారు. ఉమ్మడి జిల్లాలోని SC, ST, BC, దివ్యాంగులు, EWS విద్యార్థులు రూ. 125, ఓసీలు రూ.200 చెల్లించి దరఖాస్తు చేసుకోవాలన్నారు.
NRML: నిద్రమత్తులో టోల్ ప్లాజా డివైడర్‌ను లారీ ఢీకొన్న ఘటన శుక్రవారం అర్ధరాత్రి సోన్ మండలం గంజాల్ టోల్ ప్లాజా వద్ద జరిగింది. స్థానికుల వివరాల మేరకు అమరావతి నుండి ఓ లోడుతో వస్తున్న(TN 28 BX 6935)టోల్ ప్లాజా వద్దకు రాగానే డివైడర్‌ను ఢీ కొట్టిందని, డ్రైవర్‌కు స్వల్ప గాయాలయ్యాయని తెలిపారు. అక్కడకు చేరుకున్న పోలీసులు కేసు నమోదు చేసి దర్యాప్తు చేస్తున్నారు.
నిజామాబాద్: పార్టీ బలోపేతానికి కృషి చేయాలని జిల్లా యువజన యూత్ కాంగ్రెస్ అధ్యక్షుడు విపుల్ గౌడ్ సూచించారు. జక్రాన్‌పల్లి మండలం తొర్లికొండ యువజన కాంగ్రెస్ నాయకులు శుక్రవారం ఆయనను సన్మానించారు. ఈ కార్యక్రమంలో ఆర్మూర్ మార్కెట్ కమిటీ డైరెక్టర్ కనక రవి కుమార్ జక్రాన్ పల్లి ఉపాధ్యక్షుడు శ్రీనివాస్ గౌడ్ గ్రామ జనరల్ సెక్రెటరీ కూడల వినోద్ తదితరులు పాల్గొన్నారు.
నల్గొండ: డిండి మండలం దేవత్ పల్లి తండాలో భర్తను చంపిన భార్యను శుక్రవారం పోలీసులు అరెస్టు చేశారు. అక్రమ సంబంధానికి అడ్డువస్తున్నాడని భర్త కుమార్‌ను భార్య లక్ష్మి ఈ నెల 23న ప్రియుడు మధు, ప్రియుడి స్నేహితుడు సాయికిరణ్‌తో కలిసి తమ వ్యవసాయ పొలం వద్ద గొంతు నులిమి చంపి ఉరి వేసిందని, నిందితులను అరెస్టు చేసి శుక్రవారం రిమాండ్‌కు పంపినట్లు పోలీసులు తెలిపారు.
NLG: ABVP రాష్ట్ర కార్యవర్గ సభ్యుడిగా దేవరకొండ మండలం బొడ్డుపల్లి గ్రామానికి చెందిన ఆంకురి శ్రీకాంత్ ఎన్నికయ్యారు. ఇటీవల సిద్దిపేటలో జరిగిన 43వ రాష్ట్ర మహాసభల్లో అంకూరి ఎంపికయ్యారు. ఈ సందర్భంగా శుక్రవారం DVKలో శ్రీకాంత్ మాట్లాడుతూ.. విద్యారంగం ఎదుర్కొంటున్న సమస్యలపై అనునిత్యం పోరాడుతూ, ABVPని మరింత బలోపేతం చేస్తానని అన్నారు.
WGL: ఎనుమాముల వ్యవసాయ మార్కెట్‌కు వరుసగా 3 రోజుల సెలవులు. నేడు శనివారం వారాంతపు యార్డు బంద్, ఆదివారం సాధారణ సెలవు, సోమవారం అమావాస్య సందర్భంగా మార్కెట్‌ను మూసి వేస్తున్నట్లు మార్కెట్ ఉన్నతశ్రేణి కార్యదర్శి నిర్మల తెలిపారు. ఈ విషయాన్ని రైతులు గమనించి మూడు రోజులు సరకులు తీసుకురావద్దని విజ్ఞప్తి చేశారు.
KNR: కలెక్టర్ సత్పతిని యునిసెఫ్ ప్రశంసించింది. కార్మికుల భద్రత, గౌరవం పట్ల ఆమె ప్రత్యేక శ్రద్ధ తీసుకున్నారని, జిల్లాలో ప్రత్యేక కార్యక్రమాలను ప్రారంభించినందుకు, కార్మికులకు కావాల్సిన సౌకర్యాలపై ప్రత్యేక శ్రద్ధ వహించినందుకు ఈ ప్రశంస పత్రం లభించింది. ఈ మేరకు యునిసెఫ్ రాష్ట్ర వాష్ స్పెషలిస్ట్ వెంకటేష్ శుక్రవారం కలెక్టర్‌కు ప్రశంసా పత్రాన్ని అందజేశారు.
నిజామాబాద్: దోమకొండ మండలానికి చెందిన యూత్ కాంగ్రెస్ మండల వైస్ ప్రెసిడెంట్ సీతారాం ప్రసాద్ హైదరాబాద్ లోని నిమ్స్ ఆస్పత్రిలో చికిత్స పొందుతూ శుక్రవారం సాయంత్రం మృతి చెందారు. ఈ సందర్భంగా వారి కుటుంబ సభ్యులకు ప్రగాఢ సానుభూతి తెలియజేశారు. సీతారాం ప్రసాద్‌కు శాంతి చేకూరాలని దోమకొండ మండల అద్యక్షుడు అనంతరెడ్డి మరియు కార్యకర్తలు కోరుకున్నారు.
NGKL: పెద్దకొత్తపల్లి మండలం ప్రాథమిక ఆరోగ్య కేంద్రంలో పాముల సంచారంతో స్థానికులు ఆందోళన చెందుతున్నారు. శుక్రవారం రాత్రి ఆస్పత్రిలో పామును గుర్తించిన సిబ్బంది కర్రలతో కొట్టి చంపారు. ప్రాణాలను రక్షించే మాకు రక్షణ లేకుండా పోయిందని ఫార్మసిస్ట్ సంపత్ ఆవేదన వ్యక్తం చేశారు. ఇలాంటి ఘటనలు తరచూ జరుగుతున్నాయని ఇకనైనా అధికారులు చర్యలు తీసుకోవాలన్నారు.
KNR: జమ్మికుంట నుంచి ఉ.5 గంటలకు, ఉ.8 గంటలకు, సా.5 గంటలకు హైదరాబాద్‌కు సూపర్ లగ్జరీ బస్సులు ఉండేవి. ప్రస్తుతం వాటిని రద్దు చేశారు. హుజురాబాద్ నుంచి హైదరాబాద్‌కు ఒకటి రెండు బస్సులు మాత్రమే నడుపుతున్నారు. దీంతో జమ్మికుంట నుంచి బస్సులను పునరుద్ధరించాలని ప్రయాణికులు కోరుతున్నారు. రవాణా శాఖ మంత్రి ప్రభాకర్ వచ్చినప్పుడు హైదరాబాద్ బస్సులు నడపాలని కోరగా స్పందించారు.
HYD: రైళ్లలో బేసిన్, టాయిలెట్లు అపరిశుభ్రంగా ఉండటాన్ని చూస్తూనే ఉంటాం. పలు రైళ్లలో దుర్గంధభరితమైన వాతవరణం నెలకొనటమూ తెలిసిందే. ఈ సమస్య పై సికింద్రాబాద్ ఎస్‌సీఆర్ అధికారులు చర్యలు చేపట్టారు. ఇందుకోసం సూపర్ శానిటేషన్ టీంను ఏర్పాటు చేశారు. ఈ ప్రత్యేక బృందం సికింద్రాబాద్ రైల్వే స్టేషన్‌కు వచ్చిన అన్ని రైళ్లను శుభ్రం చేస్తుంది.
నల్గొండ: మాజీ ప్రధాని మన్మోహన్ సింగ్ మృతికి సంతాప సూచకంగా ప్రభుత్వం వారం రోజులపాటు సంతాప దినాలుగా ప్రకటించినందున ఈనెల 30, 31వ తేదీల్లో నల్గొండలో నిర్వహించాల్సిన జిల్లాస్థాయి వైజ్ఞానిక ప్రదర్శన (సైన్స్ ఫెయిర్)ను తాత్కాలికంగా వాయిదా వేసినట్లు జిల్లా విద్యాశాఖ అధికారి భిక్షపతి ఒక ప్రకటనలో తెలిపారు. తదుపరి తేదీలను త్వరలో ప్రకటిస్తామని ఆయన తెలిపారు.
HYD: కొందరు మీసేవ కేంద్రాల ఏర్పాటుకు దరఖాస్తుల ఆహ్వానం అనే పేరుతో నకిలీ ప్రకటనను సృష్టించారని హైదరాబాద్ కలెక్టర్ అనుదీప్ దూరిశెట్టి వెల్లడించారు. హైదరాబాద్ కలెక్టరేట్ నుంచి కొత్తగా మీసేవ కేంద్రాల గురించి ఎలాంటి అధికారిక ప్రకటన విడుదల చేయలేదని పేర్కొన్నారు. అక్రమార్కులు కొత్త మీసేవ కేంద్రాల కేటాయింపు కోసం డిపాజిట్లు కూడా సేకరిస్తున్నట్లు తెలియజేశారు.
MBNR: బొంరాసస్ పేట మండల వ్యాప్తంగా అన్ని గ్రామాల్లో ఉష్ణోగ్రతలు గణనీయంగా పడిపోవడంతో చలి తీవ్రంగా ఎక్కువైంది. దీంతో ప్రజలు రాత్రివేళ, ఉదయం పూట చలిమంటలు కాస్తూ ఉపశమనం పొందుతున్నారు. మరోవైపు ఉదయం 7 దాటినా మంచు కురవడంతో రైతులు పొలాలకు వెళ్లేందుకు జంకుతున్న పరిస్థితులు ఉన్నాయి. వాతావరణంలో మార్పుల కారణంగా మేఘాలు కమ్ముకొని పలుచోట్ల వర్షాలు కురుస్తున్నాయి.
NRML: నిర్మల్ మండలం అనంతపెట్ కేజీబీవీ పాఠశాలలో పదిమంది విద్యార్థులు ఉడికి ఉడకని అన్నం తిని విద్యార్థులు ఇబ్బందులకు గురయ్యారు. కడుపు నొప్పితో బాధపడడంతో వీరిని శుక్రవారం రాత్రి ఎంఈఓ వెంకటేశ్వర్లు ఆస్పత్రికి తరలించి ప్రాథమిక చికిత్స చేయించి పాఠశాలకు పంపించడంతో ఊపిరి పీల్చుకున్నారు. కొత్తగా విధుల్లో చేరిన వంట సిబ్బందితో భోజనం వండటంతో ఇబ్బంది ఏర్పడింది.
