MBNR: జిల్లాలో 108 అంబులెన్స్ మెడికల్ టెక్నీషియన్ పోస్టుల కోసం దరఖాస్తులు ఆహ్వానించబడ్డాయి. BSc-BZC, BSc-NURS, ANM, GNM, B-Pam, D-Pam, DMLT, MLT అర్హులు ఏప్రిల్ 3న ఉదయం 10 నుంచి మధ్యాహ్నం 3 వరకు జిల్లా ఆసుపత్రి 108 కార్యాలయంలో ఇంటర్వ్యూలకు హాజరుకావాలని కోరారు. ఒరిజినల్, జిరాక్స్ ధ్రువపత్రాలు తీసుకురావాలని సూచించారు.
MHBD: అనారోగ్యంతో బాధపడుతూ ఆసుపత్రి చికిత్స పొంది ఆర్థికంగా ఇబ్బందిపడుతున్న పేదలకు సీఎం సహాయనిధి ఒక వరంలా మారిందని డోర్నకల్ మండలం కన్నెగుండ్ల గ్రామ సర్పంచ్ రమ్య- సంపత్ తెలిపారు. సర్పంచ్ ఆధ్వర్యంలో సోమవారం ఉదయం CMRF చెక్కులను పంపిణీచేశారు. గ్రామానికి చెందిన పలువురు లబ్ధిదారులకు మంజూరైన రూ.1,09,500 విలువ గల చెక్కులను అందచేశారు.
BHPL: జాతీయ లోక్-అదాలత్ కార్యక్రమంలో భాగంగా జిల్లాలోని వివిధ పోలీస్ స్టేషన్ల పరిధిలో పలు కేసులను పరిష్కరించడం జరిగిందని SP సిరిశెట్టి సంకీర్త్ తెలిపారు. IPS BNS కేసులు-232, సైబర్ క్రైమ్ కేసులు-24, డీడీ & MV యాక్ట్ కేసులు 96, ఈ-పెట్టి కేసులు 1.. మొత్తం 353 కేసులు పరిష్కారం అయ్యాయన్నారు. అలాగే 24 సైబర్ క్రైమ్ కేసుల్లో రూ.1,61,441 మొత్తం జమయ్యాయన్నారు
NRPT: ఊట్కూరు మహిళా సమాఖ్య కార్యాలయంలో “అమ్మ అక్షరమాల” కార్యక్రమంలో మహిళలకు అక్షరాస్యత పరీక్షలు నిర్వహించబడ్డాయి. తెలంగాణలోని స్వయం సహాయక సంఘాల మహిళలు, పిల్లల సహకారంతో తెలుగు చదవడం, రాయడం నేర్చుకున్నారు. ఉల్లాస్ పథకం పరిధిలో వృద్ధులు కూడా ఉత్సాహంగా పాల్గొన్నారు. పలువురు ఉత్తీర్ణులై అక్షరాస్యతను నిరూపించారు.
GDWL: గద్వాల జిల్లా కేంద్రంలో సోమవారం పోరు దీక్ష కార్యక్రమాన్ని బీఆర్ఎస్ నాయకులు ప్రారంభించారు. నిరుద్యోగులు, విద్యార్థుల సమస్యలు పరిష్కారమే మా లక్ష్యం అన్నారు. ఈ కార్యక్రమంలో బీఆర్ఎస్ రాష్ట్ర నాయకుడు నాగర్ దొడ్డి వెంకట్రాములు, బీఆర్ఎస్ వి జిల్లా కోఆర్డినేటర్ కురువపల్లయ్య, బీఆర్ఎస్ నాయకులు, తదితరులు కళారు.
KNR: విద్యుత్ సంస్థల్లో ‘ఒకే సంస్థ ఒకే రూల్ విధానాన్ని’ అమలు చేయాలని తెలంగాణ విద్యుత్ ఆర్టిజన్ ఎంప్లాయిస్ జాయింట్ యాక్షన్ కమిటీ ఆధ్వర్యంలో కరీంనగర్ ఎస్ఈ కార్యాలయం ఎదుట ఆర్టిజన్ కార్మికులు ధర్నా నిర్వహించారు. ఆర్టిజన్ కార్మికులకు ఏపీఎస్ఈబీ సర్వీసు రూల్స్ అమలు చేయాలని వారు కోరారు. అన్ మ్యాన్డ్ కార్మికులను ఆర్టిజన్లుగా గుర్తించాలని డిమాండ్ చేశారు
MLG: ములుగు మండలం బండారుపల్లిలోని పీఎంశ్రీ టీజీఎంఎస్ & జూనియర్ కాలేజీలో వృత్తి విద్యా సమ్మర్ ఇంటర్న్షిప్ 2026 ప్రారంభమైంది. విద్యార్థులు ఈ ఇంటర్న్షిప్ ద్వారా నైపుణ్యాలను అభివృద్ధి చేసుకోవాలని ప్రిన్సిపాల్ దేవకి సూచించారు. ఈ ఇంటర్న్షిప్ ద్వారా ఆత్మవిశ్వాసం పెంపొంది భవిష్యత్తు అవసరాలకు ఉపయోగపడుతుందని వృత్తి విద్యా శిక్షకుడు సురేష్ తెలిపారు.
JNG: పాలకుర్తి మండలం మేకలతండ BRS గ్రామ పార్టీ నాయకులు లకావత్ రమేష్ నాయక్ తండ్రి దుద్యా నాయక్ అనారోగ్యంతో ఈరోజు తెల్లవారుజామున మరణించారు. విషయం తెలుసుకున్న జిల్లా యువజన నాయకులు, గుడికుంట తండా సర్పంచ్ బానోత్ నాయక్ వారి కుటుంబాన్ని పరామర్శించి, వారి పార్థివదేహంపై పూలమాల వేసి నివాళులు అర్పించారు. వారి కుటుంబానికి తన ప్రగాఢ సానుభూతి తెలిపారు.
MHBD: మరిపెడ మున్సిపాలిటీ 3వ వార్డులో అర్హులైన లబ్ధిదారులకు మున్సిపల్ ఛైర్పర్సన్ ప్రగతి శ్రీపాల్ రెడ్డి, కౌన్సిలర్లు రాములు, రాము సీఎం రిలీఫ్ ఫండ్ చెక్కులను పంపిణీ చేశారు. అనంతరం వార్డులో చేపడుతున్న పారిశుద్ధ పనులను వారు పరిశీలించి సిబ్బందికి పలు సూచనలను చేశారు. మరిపెడను ఆదర్శవంతంగా తీర్చిదిద్దేందుకు ప్రత్యేక చర్యలు తీసుకుంటున్నామని వారు చెప్పారు.
BDK: సింగరేణి కార్మికుల సమస్యలు పరిష్కరించాలని సోమవారం కొత్తగూడెం హెడ్ ఆఫీస్ ముందు సీపీఐ పార్టీ ఆధ్వర్యంలో కార్మికులు భారీ ఎత్తున ధర్నా చేపట్టారు. వెంటనే సింగరేణి కార్మికుల సమస్యలు పరిష్కరించకపోతే భవిష్యత్తులో ఉద్యమాలు ఉధృతం చేస్తామని హెచ్చరించారు. ఈ కార్యక్రమంలో ఇల్లందు మండల సీపీఐ పార్టీ నాయకులు, కార్యకర్తలు పాల్గొన్నారు.
KMM: కల్లూరు మండలం లింగాల గ్రామ సర్పంచ్ వేము కృష్ణ తండ్రి అజరయ్య ఆదివారం రాత్రి మృతి చెందారు. ఈ విషాద వార్త తెలుసుకున్న బీఆర్ఎస్ మాజీ లోక్సభపక్ష నేత, ఖమ్మం మాజీ ఎంపీ నామ నాగేశ్వరరావు వెంటనే స్పందించి సర్పంచ్ కృష్ణకు ఫోన్ చేసి వివరాలు అడిగి తెలుసుకుని పరామర్శించారు. ఈ సందర్భంగా అజరయ్య మృతి పట్ల సంతాపాన్ని వ్యక్తం చేసి కుటుంబ సభ్యులను ఓదార్చారు.
నిర్మల్ జిల్లా జడ్జి శ్రీ వాణిని ఖానాపూర్ బార్ నూతన అధ్యక్షుడు మట్టేరీ రాజశేఖర్, న్యాయవాదుల బృందం సభ్యులు మర్యాదపూర్వకంగా కలిశారు. ఈ సందర్భంగా జిల్లా జడ్జి మాట్లాడుతూ.. నూతన అధ్యక్షుడు మరియు కమిటీ సభ్యులకు శుభాకాంక్షలు తెలియజేస్తూ, భవిష్యత్తులో బార్ అసోసియేషన్ అభివృద్ధికి కృషి చేయాలని సూచించారు. ఈ కార్యక్రమంలో బార్ అసోసియేషన్ సభ్యులు పాల్గొన్నారు.
ASF: కౌటల మండలంలో విద్యార్థి భవిష్యత్తుకు చేయూతగా నిలిచి మాజీ MLA కోనేరు కోనప్ప మరోసారి గొప్ప మనసు చాటుకున్నారు. నిరుపేద కుటుంబానికి చెందిన సాయితేజ తన MBA చదువును కొనసాగించడంలో కష్టాలను ఎదుర్కొంటున్నాడు. విషయం తెలిసిన మాజీ MLA అతని విద్య మధ్యలో ఆగకుండా కొనసాగించేందుకు సాయితేజకు రూ.10,000 ఆర్థిక సహాయం అందజేశారు.
మంచిర్యాలలో జరిగిన జిల్లా స్థాయి క్రీడా పోటీలలో దండేపల్లి మండలంలోని గుడిరేవు పాఠశాలకు చెందిన విద్యార్థులు మంచి ప్రతిభను కనబరిచి ప్రథమ స్థానంలో నిలిచారు. సోమవారం మంచిర్యాలలోని బాలుర జడ్పీ పాఠశాల మైదానంలో జిల్లా స్థాయి పోటీలు జరిగాయి. ఇందులో రన్నింగ్ పోటీలో బొంగరాల మన్విక, స్టాండర్డ్ జంప్లో బొమ్మన అద్విక మంచి ప్రతిభను కనబరిచి మొదటి స్థానంలో నిలిచారు.
KMR: ఉమ్మడి మాచారెడ్డి మండల మాజీ జడ్పీటీసీ, కామారెడ్డి వ్యవసాయ మార్కెట్ కమిటీ మాజీ చైర్పర్సన్ గ్యార లక్ష్మి సోమవారం ఉదయం మృతి చెందారు. వారం రోజుల క్రితం గ్యార లక్ష్మికి బ్రెయిన్ స్ట్రోక్ రావడంతో హైదరాబాద్లోని కిమ్స్ ఆస్పత్రిలో చేర్పించారు. అయితే చికిత్స పొందుతూ ఈ రోజు ఉదయం 10 గంటల ప్రాంతంలో ఆమె తుది శ్వాస విడిచారు.
