నిజామాబాద్: బిక్కనూరు మండలం బస్వాపూర్లో అయ్యప్ప మహా పడిపూజ అంగరంగ వైభవంగా నిర్వహించారు. గ్రామానికి చెందిన గురుస్వామి సుధాకర్ రెడ్డి నివాసంలో పడిపూజ ఏర్పాటు చేశారు. అయ్యప్ప మాల ధరించిన భక్తులు పెద్ద ఎత్తున పడిపూజకు హాజరయ్యారు. పూజ అనంతరం అయ్యప్ప స్వాములు భక్తి గీతాలు ఆలపించారు. అయ్యప్ప స్వామి ఆశీస్సులు ప్రతి ఒక్కరికి ఉండాలని ఈ సందర్భంగా వారు ఆకాంక్షించారు.
నిజామాబాద్: రాజంపేట మండలం శివాయిపల్లి గ్రామ బీజేపీ కార్యకర్తల సమావేశం నిర్వహించినట్లు అసెంబ్లీ కన్వీనర్ కుంటా లక్ష్మారెడ్డి తెలిపారు. ఈ సందర్భంగా సంస్థాగత మార్పులో భాగంగా 155వ బూత్ అధ్యక్షుడిగా లింగంను ఏకగ్రీవంగా ఎన్నుకున్నారు. పార్టీ బలోపేతం కోసం పనిచేయాలని ఆయన సూచించారు. ఈ కార్యక్రమంలో జిల్లా ప్రధాన కార్యదర్శి బండారి నరేందర్ రెడ్డి పాల్గొన్నారు.
NLG: చండూరు మున్సిపల్ పరిధిలోని అంగడిపేటకు చెందిన మారగోని సునీత(45) ఆనారోగ్యంతో మృతి చెందారు. ఈ సందర్భంగా శుక్రవారం మున్సిపల్ కాంగ్రెస్ అధ్యక్షులు అనంత చంద్రశేఖర్ గౌడ్ సునీత మృత దేహానికి పూలమాలలు వేసి నివాళులర్పించారు. అనంతరం రూ. 10,000 ఆర్థిక సాయం చేశారు. కోడి శ్రీనివాసులు, నల్లగంటి మల్లేష్, గుండూరి జనార్ధన్, కల్లెట్ల మారయ్య పాల్గొన్నారు.
మెదక్: ఎల్లారెడ్డి మండల కేంద్రంలో గల ఎర్రమాన్‌ను కుచ్చా బుడగ జంగం సంఘ సభ్యులకు నూతన బేడా బుడగ జంగం యువజన సంఘం ఏర్పాటు ఆదివారం జరుగుతుందని పాస్తాం పరుశరామ్, పోచయ్య అనరసి, గర్ని వెంకట్ శుక్రవారం తెలిపారు. ఈ సందర్భంగా టేకు రమేష్ మాట్లాడుతూ.. గవర్నమెంట్ నుండి వస్తున్న పథకాలు ప్రతి ఒక్కరికి అందేలాగా కృషి చేస్తామని, బుడగ జంగాల ఐకమత్యంతో కలిసి పనిచేయాలని చెప్పారు.
SRPT: ఆంధ్రప్రదేశ్ గ్రామీణ వికాస్ బ్యాంకును జనవరి 1 నుంచి తెలంగాణ గ్రామీణ బ్యాంకులో విలీనం చేస్తున్నందున నేటి (శనివారం) నుంచి ఈనెల 31 వరకు బ్యాంకింగ్ సేవలు నిలిపివేయనున్నట్లు జిల్లా కేంద్రంలోని సూర్యాపేట శాఖ ఏపీజీవీబీ బ్యాంక్ మేనేజర్ అజయ్ ఆనంద్ తెలిపారు. బ్రాంచ్‌ల విలీనం జరిగినా ఖాతా నంబర్లు మారవని స్పష్టం చేశారు.
కామారెడ్డి: ఎల్లారెడ్డి మండల కేంద్రంలో నేడు 15 విడత ఉపాధిహామీ ప్రజావేదిక నిర్వహిస్తున్నట్లు MPDO ప్రకాష్ తెలిపారు. ఈ మేరకు ఆయన మాట్లాడుతూ.. 2023-24 ఆర్థిక సంవత్సరంలో జరిగిన ఉపాధిహామీ పనులకు సంబంధించిన సోషల్ ఆడిట్ బృందంచే సామాజిక తనిఖీ వారం రోజులపాటు నిర్వహించగా తుది నివేదిక సందర్భంగా నేడు ప్రజా వేదిక నిర్వహిస్తున్నట్లు తెలిపారు.
ADB: తాంసి మత్తడి వాగు ప్రాజెక్టు వివరాలను అధికారులు శనివారం ఉదయం వెల్లడించారు. గడిచిన 24 గంటల్లో 25 క్యూసెక్కుల వరదనీరు ప్రాజెక్టులోకి వచ్చి చేరినట్లు JE హరీశ్ తెలిపారు. ప్రాజెక్టు పూర్తిస్థాయి నీటిమట్టం 277.50 అడుగులు కాగా, ప్రస్తుతం 272.10 అడుగుల వద్ద కొనసాగుతోంది. ఇన్ ఫ్లో 25 క్యూసెక్కులుగా ఉందన్నారు.
సంగారెడ్డి: జిల్లాలోని నిరుద్యోగుల కోసం ఈ నెల 30న ఉదయం 10 నుంచి మధ్యాహ్నం 2 గంటల వరకు సదాశివపేటలోని సిద్దాపూర్ రోడ్డులో గల ప్రభుత్వ డిగ్రీ కళాశాలలో జాబ్‌మేళా నిర్వహిస్తున్నట్లు కళాశాల ప్రిన్సిపాల్ డాక్టర్ బంగ్లా భారతి తెలిపారు. 10 కంపెనీలు ఉద్యోగ మేళాలో పాల్గొననున్నట్లు పేర్కొన్నారు. ఎస్ఎస్సీ నుండి బీటెక్ చదివిన వారు అర్హులన్నారు. ఉండాలన్నారు.
MNCL: భీమారం ఎస్సై శ్వేత భీమారం మండల కేంద్రంలో కమ్యూనిటీ కాంటాక్ట్ కార్య క్రమం నిర్వహించారు. ఈ సందర్భంగా ఎస్సై మాట్లాడుతూ.. సీసీ కెమెరాల ప్రాముఖ్యత, నేరాల నియంత్రణలో వాటి పాత్రను ప్రజలకు వివరించారు. ప్రతి గ్రామంలో తప్పనిసరిగా సీసీ కెమెరాలు పెట్టుకోవాలని, తద్వారా నేరాల నియంత్రణలో ప్రజలు భాగస్వాములు కావాలని సూచించారు.
నిజామాబాద్: ఆంధ్రప్రదేశ్ గ్రామీణ వికాస బ్యాంక్ ఖాతాదారుల సేవలకు అంతరాయం ఏర్పడుతుందని బిక్కనూర్ గ్రామీణ బ్యాంకు మేనేజర్ వెంకటేశ్వర్లు తెలిపారు. బ్యాంకును జనవరి 1 నుంచి తెలంగాణ గ్రామీణ బ్యాంకులో విలీనం చేయనున్నట్లు తెలిపారు. ఇందులో భాగంగా ATM, యూపీఐతో పాటు ఇతర సేవలకు ఈనెల 31 వరకు అంతరాయం ఉంటుందన్నారు. ఈ విషయంలో ఖాతాదారులు ఎలాంటి ఆందోళన చెందవలసిన అవసరం లేదని అన్నారు.
HYD: ప్రముఖ ఆన్‌లైన్ డెలివరీ సంస్థ స్విగ్గీ 2024 ఏడాదికి సంబంధించి స్విగ్గీ క్విక్ కామర్స్ విభాగం ఇన్స్టామార్ట్ నివేదికను విడుదల చేసింది. ఇందులో, హైదరాబాద్ వాసులు ఎక్కువగా కూరగాయలతో పాటు చిప్స్, ఐస్ క్రీమ్, పాలు వంటి ఉత్పత్తులను ఆర్డర్ చేశారు. ఈ ఏడాదిలో ఎక్కువగా 25 లక్షల మ్యాగీలను ఆర్డర్ చేశారని స్విగ్గీ తెలిపింది.
HYD: బాలాపూర్ సబ్ స్టేషన్ పరిధిలో శనివారం విద్యుత్ సరఫరా నిలిపివేస్తున్నట్లు ఏఈ రాజు తెలిపారు. ఉదయం 9:30 గంటల నుంచి మధ్యాహ్నం 1:30 గంటల వరకు బాబానగర్, షాహిన్ నగర్, ఎర్రకుంట, తూర్కాలనీ, జామామ్ కాలనీ, లతీనగర్ పరిసర ప్రాంతాలు, మధ్యాహ్నం 2 గంటల నుంచి సాయంత్రం 5:30 గంటల వరకు మల్లాపూర్ ఫీడర్ పరిధిలో బాలాజీనగర్, మల్లాపూర్, ఉస్మాన్ నగర్ ప్రాంతాలలో ఉండదన్నారు.
వరంగల్: బైక్‌ అదుపు తప్పి వ్యక్తికి తీవ్ర గాయాలయ్యాయి. వర్ధన్నపేట మండలం నుంచి నల్లబెల్లి శనివారం తెల్లవారుజామున బైక్‌పై వెళ్తున్న ఓ వ్యక్తి ఇల్లంద మీదుగా నల్లబెల్లి వెళ్తున్నాడు. రాంధన్ తండాకు వెళ్లే రోడ్డు మూలమలుపులో అదుపుతప్పి కిందపడిపోయాడు. ఈ సంఘటనలో అనిల్ తలకు తీవ్రగాయాలు కావడంతో గమనించిన స్థానికులు108 ఆసుపత్రికి తరలించారు.
HYD: అల్వాల్ నగరాన్ని కాలుష్య రహిత పచ్చదనం ప్రాంతంగా తీర్చిదిద్దాలన్న లక్ష్యంతో విశ్వ స్వచ్చంద, విశ్వ వ్యర్థరహిత సంస్థ ఆధ్వర్యంలో లోతుకుంటలోని ఇందిరానగర్ కాలనీ సామాజిక భవనంలో శనివారం ఉదయం అవగాహన సదస్సు జరగనుంది. నేల, గాలి, నీరు కాలుష్యానికి కారణమవుతున్న ప్లాస్టిక్ వస్తువులపై ప్రదర్శన చేయనున్నట్లు పేర్కొన్నారు.
MLG: జిల్లాలో చోరీలు, ఆర్థిక నేరాలపై వచ్చిన ఫిర్యాదులకు న్యాయం జరిగేలా దర్యాప్తు చేయాలని ఎస్పీ శబరీష్ తెలిపారు. జిల్లా పోలీస్ కార్యాలయంలో నేర సమీక్షా సమావేశాన్ని శుక్రవారం నిర్వహించారు. ఈ సందర్భంగా ఎస్పీ మాట్లాడుతూ.. పోలీస్ స్టేషన్ పరిధిలోని గ్రామాలను సందర్శించి గ్రామ సభలు నిర్వహించాలన్నారు. కమ్యూనిటీ పోలీసింగ్, మెడికల్ క్యాంపు నిర్వహించాలని సూచించారు.
