Hyderabad: హైదరాబాద్ లోని జూబ్లీహిల్స్ పలు పబ్బులపై పోలీసులు దాడులు చేసారు. అర్థరాత్రి ఇతరులకు ఇబ్బంది కలిగించే విధంగా ఉన్నాయని ఆరు పబ్బులపై పోలీసులు కేసులు నమోదు చేశారు. పబ్‌లలో భారీ శబ్దాలతో మ్యూజిక్ పెడుతున్నారని స్థానికులు ఇచ్చిన ఫిర్యాదు మేరకు పోలీసులు కేసులు నమోదు చేశారు. జూబ్లీహిల్స్‌లోని పబ్‌లలో తనిఖీలు చేసిన పోలీసులు.. ఎలాంటి లైసెన్స్ లేకుండా భారీ శబ్దాలతో పబ్బులలో మ్యూజిక్ నిర్వహిస్తున్నారని గుర్తించారు. జూబ్లీహిల్స్ రోడ్ నెంబర్ 35 క్లబ్ రోగ్ పబ్, రోడ్ నెంబర్ 45లో పోర్టు పబ్, హలో కాక్ టేయిల్, ఫ్యాట్ ఫిజీయన్ పబ్, రోడ్ నెంబర్ 10లోని జీరో 40 పబ్‌లపై జూబ్లీహిల్స్ పోలీసులు కేసులు నమోదు చేశారు. కనీస నిబంధనలు కూడా పాటించట్లేదని పోలీసులు తెలిపారు. ప్రస్తుతం కేసులు నమోదైన పబ్బులపై మరోసారి ఫిర్యాదులు వస్తే పరిస్తితులు తీవ్రంగా ఉంటాయని పోలీసులు హెచ్చరించారు.
Telangana: నర్సాపురం గర్భిణి ప్రాణాలు కాపాడిన తెలంగాణ యువకుడు
