తెలంగాణ (Telanagna) రాష్ట్రం పారిశ్రామిక వేత్తలకు భూతల స్వర్గంగా మారింది. హైదరాబాద్ (Hyderabad) కు పెట్టుబడుల ప్ర‌వాహం కొన‌సాగుతూనే ఉంది. ఇప్పటికే ప్రపంచ స్దాయి కంపెనీలు తమ సంస్దలను రాష్ట్రంలో స్థాపించి కార్యక్రమాలను కొనసాగిస్తున్నాయి. తాజాగా మరో మెగా పెట్టుబడి రాష్ట్రనికి వచ్చింది. తెలంగాణ‌లో పెట్టుబడులు పెడుతున్న‌ట్లు ఫాక్స్ కాన్( Foxconn ) సంస్థ గురువారం ప్ర‌క‌టించింది. ఈ పెట్టుబడుల ద్వారా రాష్ట్రంలో ల‌క్ష మందికి ఉపాధి క‌ల్పిస్తామ‌ని ఫాక్స్ కాన్ ప్ర‌క‌టించింది. తెలంగాణ‌లో ఫాక్స్ కాన్ పెట్టుబ‌డుల‌పై హ‌ర్షం వ్య‌క్తం చేస్తూ రాష్ట్ర ఐటీ, ప‌రిశ్ర‌మ‌ల శాఖ మంత్రి కేటీఆర్( Minister KTR ) ట్వీట్ చేశారు. ల‌క్ష మందికి ఉపాధి క‌ల్పించ‌డం గొప్ప విష‌య‌మ‌న్నారు. గత నెలలో కేవలం ఒక వారం రోజుల్లోనే ఏకంగా రూ.2,950 కోట్ల పెట్టుబడులను సాధించగలిగింది. లైఫ్‌ సైన్సెస్‌తోపాటు ఆభరణాలు, వంట నూనెల తయారీ తదితర రంగాలలో ఈ పెట్టుబడులు వచ్చాయి. ఈ పెట్టుబడుల వల్ల దాదాపు ఆరువేల పై చిలుకు మందికి ఉపాధి అవకాశాలు లభించనున్నాయి. ప్ర‌గ‌తి భ‌వ‌న్‌లో సీఎం కేసీఆర్‌ను (CM KCR) క‌లిసిన అనంత‌రం ఫాక్స్ కాన్ చైర్మ‌న్ యంగ్ లియూ ప్ర‌క‌టించార‌ని కేటీఆర్ తెలిపారు. ఈ కార్య‌క్ర‌మంలో మంత్రులు కేటీఆర్, హ‌రీశ్‌రావు, స‌బితా ఇంద్రారెడ్డి, ఎమ్మెల్యే మంచిరెడ్డి కిష‌న్ రెడ్డి, ప్ర‌భుత్వ ప్ర‌ధాన కార్య‌ద‌ర్శి శాంతి కుమారి, ఐటీ శాఖ ముఖ్య కార్య‌ద‌ర్శి జ‌యేశ్ రంజ‌న్‌తో పాటు ప‌లువురు అధికారులు పాల్గొన్నారు.
చదవండి : ఢిల్లీలో ఒక నిరాహార దీక్షకు పిలుపునిచ్చిన ఎమ్మెల్సీ కవిత
Super stoked to announce a mega investment by @HonHai_Foxconn in Telangana that will create employment for a whopping One Lakh youngsters in Telangana 😊
The announcement is made after Chairman of FoxConn Mr Young Liu met Hon’ble CM Sri KCR Garu at Pragathi Bhavan today pic.twitter.com/zzFAnBxcvz
— KTR (@KTRBRS) March 2, 2023
