India who won the toss and chose to field will with pakistan 12th match
ఐసీసీ పురుషుల ప్రపంచ కప్ టోర్నమెంట్‌లో రోహిత్ శర్మ నేతృత్వంలోని భారత క్రికెట్ జట్టు తమ చిరకాల ప్రత్యర్థి పాకిస్థాన్‌తో కాసేపట్లో తలపడనుంది. అహ్మదాబాద్‌లోని నరేంద్ర మోడీ స్టేడియంలో ఈ మ్యాచ్ జరగనుంది. అయితే ఇప్పటికే టాస్ గెల్చిన భారత టీం బౌలింగ్ ఎంచుకుంది. ఇక పాకిస్తాన్ టీం ఆటకు దిగనుంది. ఈ ఐసిసి పురుషుల ప్రపంచ కప్ టోర్నమెంట్‌లో భారత్, పాకిస్తాన్ రెండూ చెరో రెండు మ్యాచ్‌లు ఆడాయి. 50 ఓవర్ల ప్రపంచకప్‌లో భారత్-పాకిస్థాన్‌ల మధ్య ఇది ఎనిమిదో మ్యాచ్ కాగా, ప్రపంచకప్‌లలో పాకిస్థాన్ ఇంకా భారత్‌ను ఓడించలేదు. గత నాలుగు దశాబ్దాలలో 1980ల నుంచి ఇరు జట్లు మొత్తం 204 సార్లు ఆడాయి. ఆ క్రమంలో భారతదేశం 73 మ్యాచుల్లో విజయం సాధించగా..పాకిస్తాన్ 88 మ్యాచ్‌లు గెలిచింది. 134 వన్డేల్లో పాకిస్థాన్ 73 మ్యాచ్‌లు ఆడగా, భారత్ 56 మ్యాచ్‌లు గెలిచింది.
ప్రపంచకప్‌లో భారత్ మొత్తం 7 వన్డేల్లోనూ విజయం సాధించింది. టీ20ల్లో భారత్ 5 గెలిచింది. పాకిస్థాన్ ఒకసారి గెలిచింది, ఒకటి టై అయింది. అయితే ఛాంపియన్స్ ట్రోఫీలో కేవలం రెండు మ్యాచ్‌లు మాత్రమే గెలిచిన భారత్‌తో పోలిస్తే పాకిస్థాన్ 3 మ్యాచ్‌ల్లో అజేయంగా నిలిచింది. వెదర్ రిపోర్ట్ ప్రకారం మ్యాచ్ రోజున అహ్మదాబాద్‌లో వర్షం పడే అవకాశం లేదని తెలుస్తోంది. అయితే నరేంద్ర మోడీ స్టేడియం మంచి బ్యాటింగ్ ఉపరితలాన్ని ప్రదర్శిస్తూ బ్యాటర్లకు అనుకూలంగా ఉంటుందని అంటున్నారు. ఈ క్రమంలో టాస్ గెలిచిన కెప్టెన్ ముందుగా బ్యాటింగ్ చేయాలని అంటున్నారు.
భారత జట్టులో: శుభ్ మన్ గిల్, రోహిత్ శర్మ (సి), విరాట్ కోహ్లీ, శ్రేయాస్ అయ్యర్, కెఎల్ రాహుల్, హార్దిక్ పాండ్యా, రవీంద్ర జడేజా, రవిచంద్రన్ అశ్విన్, కుల్దీప్ యాదవ్, జస్ప్రీత్ బుమ్రా, మహ్మద్ సిరాజ్
పాకిస్థాన్ జట్టులో: అబ్దుల్లా షఫీక్, ఇమామ్-ఉల్-హక్, బాబర్ ఆజం (c), మహ్మద్ రిజ్వాన్ (wk), సౌద్ షకీల్, ఇఫ్తీకర్ అహ్మద్, షాదాబ్ ఖాన్, మహ్మద్ నవాజ్, హసన్ అలీ, షాహీన్ అఫ్రిది, హరీస్ రవూఫ్
ఇది కూడా చూడండి: Champion: తొమ్మిదేళ్లకే ప్రపంచ టోర్నీలో.. తన్వీ ఘనత
