టీమిండియా, ఇంగ్లాండ్ టెస్ట్ లో కోహ్లీలేని లోటు స్పష్టంగా కనిపిస్తుందంటూ క్రికెట్ అభిమానులు నిరాశ చెందుతున్నారు. ఇంగ్లాండ్ తో తొలి రెండు టెస్టులకు వ్యక్తిగత కారాణాల వల్ల దూరమైన కోహ్లీ..సిరీస్‌ మొత్తానికి దూరంగా ఉంటాడన్న వార్త చక్కర్లు కొడుతుంది. అయితే తాజాగా ఇదే విషయంపై బీసీసీఐ సీనియర్‌ అధికారి ఒకరు స్పందించారు. సోషల్‌ మీడియాలో వినిపిస్తున్న వార్తలన్నీ రూమర్సే అని కొట్టిపారేశాడు. రాజ్‌కోట్‌ వేదికగా ఇంగ్లండ్‌తో జరిగే మూడో టెస్టుకు విరాట్ అందుబాటులో ఉండే ఛాన్స్‌ ఉందని తెలిపారు.
ఇది కూడా చూడండి: Rahul Gandhi: షర్మిల, సునీతలకు రాహుల్ మద్దతు
విరాట్ కోహ్లి తను మూడో టెస్టుకు అందుబాటులో ఉండనని బీసీసీఐకు ఇప్పటివరకు అయితే చెప్పలేదని అన్నారు. విరాట్ కేవలం మొదటి రెండు టెస్టుల గురించి మాత్రమే బోర్డుకు సమాచారమిచ్చాడని చెప్పారు. ఒకవేళ అతడి నుంచి ఎటువంటి సమాచారం రాకపోతే జట్టు సెలక్షన్‌కు అందుబాటులో ఉన్నట్లేనని చెప్పుకొచ్చారు. దీనిపై ఒకటి రెండు రోజుల్లో మరింత క్లారిటీ వచ్చే అవకాశం ఉందని బీసీసీఐ సీనియర్‌ అధికారి తెలిపారు.
ఇది కూడా చూడండి: I.N.D.I.A.: ఇండియా కూటమి పై జైరాం రమేష్ సంచలన వ్యాఖ్యలు
మరోవైపు విరాట్ సతీమణి అనుష్క ప్రెగ్నెంట్ గా ఉన్నందునే ఇంగ్లండ్‌ సిరీస్‌కు అందుబాటులో లేనట్లు తెలుస్తోంది. అయితే ఈ విషయాన్ని సౌతాఫ్రికా స్టార్ ప్లేయర్ ఏబీ డివిలియర్స్‌ కూడా స్పష్టం చేశారు. ఇక ఇంగ్లండ్‌తో మిగిలిన మూడు టెస్టులకు భారత జట్టును బీసీసీఐ ఈ వారంలోనే ప్రకటించే అవకాశం ఉంది.
