KNR: కష్టకాలంలో ఉన్నప్పుడు పార్టీ కోసం కష్టపడ్డ వారికి అవకాశాలు కల్పిస్తానని కాంగ్రెస్ పార్టీ జిల్లా అధ్యక్షుడు, మానకొండూ శాసనసభ్యుడు డాక్టర్ కవ్వంపల్లి సత్యనారాయణ స్పష్టం చేశారు. తిమ్మాపూర్ మండలం కొత్తపల్లిలోని సాయిరాం గార్డెన్‌లో మండల పార్టీ అధ్యక్షుడు మోరపల్లి రమణారెడ్డి అధ్యక్షతన జరిగిన మండల కాంగ్రెస్ నాయకులు, కార్యకర్తల సమావేశంలో హాజరయ్యారు.
KNR: రామచంద్రపురం కాలనీలో జరుగుతున్న డ్రైనేజీ సీసీ రోడ్డు పనులను శుక్రవారం నగర మేయర్ సునీల్ రావు, కమిషనర్ చాహత్ బాజ్ పాయ్ పరిశీలించారు. అభివృద్ధి పనుల్లో నాణ్యత ప్రమాణాలు పాటించాలని కాంట్రాక్టర్లకు సూచించారు. కాలనీలో ఏమైనా సమస్యలు ఉన్నా తమ దృష్టికి తీసుకురావాలని కాలనీవాసులకు తెలిపారు. వారి వెంట కార్పొరేటర్ జయశ్రీ వేణు, అధికారులు పాల్గొన్నారు.
MDK: నడుచుకుంటూ వెళ్తున్నా వృద్ధురాలిని గుర్తు తెలియని వాహనం ఢీకొనడంతో అక్కడికక్కడే మృతి చెందింది. ఈ ఘటన మూసాయిపేట మండలంలో జరిగింది. స్థానికుల వివరాలు.. మృతురాలు మండలంలోని హక్కింపేట్ గ్రామానికి చెందిన పత్తి కృష్ణమ్మ (80) గా గుర్తించారు. మేడ్చల్లో ఉంటున్న తన కూతురు వద్దకు వెళుతున్న క్రమంలో సర్వీస్ రోడ్డులో గుర్తు తెలియని వాహనం ఢీకొట్టడంతో మృతి చెందింది.
SRCL: ముస్తాబాద్ మండల అధ్యక్షులు ఏళ్ళ బాల్ రెడ్డి చేతుల మీదుగా శుక్రవారం సీఎంఆర్ఎఫ్ చెక్కుల పంపిణీ చేశారు. నిరుపేద కుటుంబాలకు కార్పొరేట్ స్థాయి వైద్యాన్ని అందించి వారికి అండగా ఉండడమే రాష్ట్ర ప్రభుత్వ లక్ష్య మని పేర్కొన్నారు. పేద ప్రజలకు ప్రజా ప్రభుత్వం ఎల్లప్పుడూ అండగా ఉండి ఆదుకుంటుదన్నారు. ఈ కార్యక్రమంలో తదితర కాంగ్రెస్ నాయకులు పాల్గొన్నారు.
AKP: నర్సీపట్నం శ్రీవేంకటేశ్వరస్వామి దేవాలయం వద్ద ఏపీ టూరిజం డెవలప్‌మెంట్ కార్పొరేషన్ యూనిట్ మేనేజర్ సూరెడ్డి అప్పలనాయుడు ఆధ్వర్యంలో టౌన్ సీఐ గోవిందరావు పేదలకు దుప్పట్లు పంపిణీ చేశారు. ఈ సందర్భంగా టౌన్ సీఐ గోవిందరావు మాట్లాడుతూ.. శీతాకాలంలో అన్నార్తులకు దుప్పట్లు పంపిణీ చేయడం అభినందనీయమన్నారు. మరిన్ని సేవా కార్యక్రమాలలో పాలుపంచుకోవాలని సూచించారు.
KDP: ఎన్నికలకు ముందు కూటమి ప్రభుత్వం ఇచ్చిన మాట నిలబెట్టుకోవాలని సీపీఐ జిల్లా కార్యవర్గ సభ్యులు వడ్డమాను వీర శేఖర్ రాష్ట్ర ప్రభుత్వాన్ని డిమాండ్ చేశారు. భారత కమ్యూనిస్టు పార్టీ సీపీఐ రాష్ట్రవ్యాప్త పిలుపులో భాగంగా, శుక్రవారం సీపీఐ బద్వేల్ మండల సమితి ఆధ్వర్యంలో తహసీల్దార్ కార్యాలయం ముందు ధర్నా చేపట్టారు.
KNR: కరీంనగర్-వరంగల్ జాతీయ రహదారిపై ఈదులగట్టపల్లి సమీపంలో గురువారం జరిగిన ప్రమాదంలో ఓ యువకుడు మృతి చెందాడు. మానకొండూర్ మండలం పెద్దూరుపల్లికి చెందిన శ్యామల, సంపత్ల పెద్ద కుమారుడు అజయ్ డిగ్రీ వరకు చదివి ఓ వాహన షోరూంలో పనిచేస్తున్నాడు. గురువారం కరీంనగర్‌కు ద్విచక్ర వాహనంపై వెళుతుండగా లారీ ఢీకొట్టింది. దీంతో అజయ్ అక్కడికక్కడే మృతిచెందాడు.
VZM: గజపతినగరం బీజేపీ మండల నూతన అధ్యక్షునిగా మేటి కోటి భాస్కరరావుని మండపాక భారతి మరియు తౌడు ప్రపోజల్ చేయడం జరిగింది. ఈ యొక్క కార్యక్రమానికి భారతీయ జనతా పార్టీ రాష్ట్ర కార్యదర్శి రెడ్డి పావని మరియు గజపతినగరం పార్టీ కన్వీనర్ సరిది దుర్గాప్రసాద్ మాజీ మండల అధ్యక్షులు ఏడుకొండల సమక్షంలో ఈ ఎన్నిక నిర్వహించారు.
JGL: ధర్మపురి గోదావరి పరివాహక ప్రాంతాల్లోని రైతుల సాగునీటి కష్టాల గురించి సంబంధిత మంత్రి ఉత్తం కుమార్ రెడ్డికి మాజీ మంత్రి కొప్పుల ఈశ్వర్ ఫోన్‌లో వివరించారు. సాగునీటి కోసం ధర్మపురి ప్రాంత రైతులు తీవ్ర కష్టాలను ఎదుర్కొంటున్నారని వివరించగా, మంత్రి సానుకూలంగా స్పందించి కలెక్టర్, సంబంధిత అధికారులు రివ్యూ నిర్వహిస్తామని హామీ ఇచ్చినట్లు ఆయన పేర్కొన్నారు.
ఖమ్మం: ఎల్లారెడ్డిపేట మండలం దుమాల గ్రామ శివారులోని ఉన్న ఏకలవ్య గురుకుల పాఠశాలలో సీహెచ్సీ వైద్య బృందం శుక్రవారం మెడికల్ క్యాంప్ నిర్వహించారు. సీహెచ్సీ వైద్యాధికారిణి సారియా అంజుమ్ 133 మంది విద్యార్థులకు వైద్య పరీక్షలు నిర్వహించారు. అనంతరం ఉచితంగా మందులు పంపిణీ చేశారు. 18 మంది విద్యార్థులకు రక్త పరీక్షల కోసం ఎల్లారెడ్డిపేట సీహెచ్సీ సెంటర్‌కు పంపించారు.
ATP: రాప్తాడు మండలంలోని గొందిరెడ్డిపల్లి వద్దనున్న ఎంఎస్ఎంఈ పార్కు స్థలాన్ని శుక్రవారం జిల్లా కలెక్టర్ డాక్టర్ వినోద్ కుమార్ పరిశీలించారు. కలెక్టర్ మాట్లాడుతూ అదనంగా 100 ఎకరాలలో ఎంఎస్ఈ పార్క్ ఏర్పాటు కోసం అవసరమైన స్థలాన్ని సేకరించాలని అధికారులకు ఆదేశించారు. ఇక్కడ గ్రౌండ్ వాటర్ పరిస్థితి ఎలా ఉంది, ఎంత స్థలం అందుబాటులో ఉంది అనే వివరాలు ఆరా తీశారు.
ATP: వైకుంఠ ఏకాదశి సందర్భంగా జిల్లాలోని ప్రసిద్ధి పుణ్యక్షేత్రం పెన్నహోబిలం శ్రీ లక్ష్మి నరసింహస్వామిని జిల్లా స్పెషల్ కోర్ట్ జడ్జ్ కే.శివశంకర్ కుటుంబ సభ్యులతో కలిసి దర్శించుకున్నారు. అంతకుముందు ఆయనకు ఆలయ ప్రధాన అర్చకులు పూర్ణకుంభంతో ఘన స్వాగతం పలికారు. అనంతరం ఆలయ చుట్టూ ప్రదక్షిణలు చేసి శ్రీవారిని దర్శించుకున్నారు.
సత్యసాయి: పెనుకొండ నగర పంచాయతీ కార్యాలయం ముందు సీఐటీయూ ఆధ్వర్యంలో శుక్రవారం రిలే నిరాహార దీక్షలు చేపట్టారు. మున్సిపల్ యూనియన్ జిల్లా ప్రధాన కార్యదర్శి లక్ష్మీనారాయణ మాట్లాడుతూ.. రాష్ట్ర ప్రభుత్వం మున్సిపల్ కార్మికుల సమస్యలు పరిష్కరించాలని డిమాండ్ చేశారు. సమస్యలపై 7 నెలల నుండి రాష్ట్ర ప్రభుత్వానికి వినతి పత్రాలు ఇచ్చినా ప్రభుత్వం స్పందించడం లేదన్నారు.
సత్యసాయి: సోమందేపల్లిలోని శ్రీవెంకటేశ్వర స్వామిని మాజీ మంత్రి ఉషశ్రీ చరణ్ శుక్రవారం దర్శనం చేసుకున్నారు. మాజీ మంత్రి స్థానిక వైసీపీ శ్రేణులతో కలిసి ఉత్తర వైకుంఠ ద్వారం ద్వార స్వామి వారికి దర్శించుకుని ప్రత్యేక పూజ చేయించారు. ఈ సందర్భంగా ఆలయ అర్చకులు మాజీ మంత్రికి శటగోపం పెట్టి ఆశీర్వదించారు. ఆలయ కమిటీ సభ్యులు శాలువాతో ఆమెను సన్మానించి ప్రసాదాలు అందజేశారు.
ATP: టీటీడీ నిర్లక్ష్యంతో ఆరుగురు భక్తుల నిండు ప్రాణాలు కోల్పోయారని ఇందుకు పూర్తి బాధ్యత రాష్ట్ర ప్రభుత్వమే తీసుకోవాలని గుంతకల్లు కాంగ్రెస్ పార్టీ పట్టణ అధ్యక్షులు మహేంద్ర డిమాండ్ చేశారు. శుక్రవారం పట్టణంలోని కాంగ్రెస్ పార్టీ కార్యాలయంలో మీడియా సమావేశం ఏర్పాటు చేశారు. ముందుగా తొక్కిసిలాటలో మృతులకు రెండు నిమిషాలు మౌనం పాటిస్తూ సంతాపం వ్యక్తం చేశారు.
