కృష్ణా: మోపిదేవి మండలం కే.కొత్తపాలెంలో శుక్రవారం నూతన సీసీ రోడ్డు నిర్మాణం చేపట్టారు. గౌడపాలెంలో రూ.10.65 లక్షలు అంచనాతో 165 మీటర్లు పొడవైన్ అంతర్గత రహదారి నిర్మాణ పనులను సర్పంచ్ కొక్కిలిగడ్డ మాధవి శుక్రవారం ప్రారంభించారు. నాయకులు రావి రత్నగిరి, చందన రంగారావు, నాగాయతిప్ప సొసైటీ ఛైర్మన్ బల్లా సీతారామ ప్రసాద్, బాల కోటేశ్వరరావు, వెంకటేశ్వరరావు పాల్గొన్నారు.
MLG: బండారుపల్లి 12వ వార్డులో ఇందిరమ్మ ఇంటికి నిర్మాణానికి ములుగు గ్రంథాలయ సంస్థ ఛైర్మన్ బానోతు రవిచందర్ భూమి పూజ చేశారు. ఆయన మాట్లాడుతూ… ప్రజా ప్రభుత్వంలో పేద ప్రజల సొంత ఇంటి కళ నెరవేరుతుందని, ఇందిరమ్మ ఇంటి నిర్మాణ పనుల్లో ప్రభుత్వం నియమ నిబంధనలను పాటిస్తూ పనులను సకాలంలో పూర్తి చేసుకోవాలన్నారు.
NGKL: కుమ్మెర జాతరలో రజక కుటుంబంపై దాడి చేసిన వారిని కఠినంగా శిక్షించాలని కోరుతూ వ్యవసాయ కార్మిక సంఘం నాయకులు శుక్రవారం కలెక్టరేట్లో వినతిపత్రం ఇచ్చారు. ఘటన జరిగి ఐదు రోజులు గడుస్తున్నా బాధితులకు పూర్తిస్థాయిలో న్యాయం జరగలేదని నాయకులు నరసింహ, స్వరూప మండిపడ్డారు. బాధితులకు వెంటనే న్యాయం చేయాలని వారు డిమాండ్ చేశారు.
VKB: తమ పట్టా భూములను ప్రభుత్వం అక్రమంగా స్వాధీనం చేసుకుందంటూ పరిగి మండలం కాడ్లాపూర్ గ్రామానికి చెందిన రైతులు కలెక్టరేట్ ఎదుట ధర్నా చేపట్టారు. భూమి కోల్పోవడంతో తాము రోడ్డున పడ్డామని, న్యాయం జరిగే వరకు వెనక్కి తగ్గేది లేదని రైతులు ఆవేదన వ్యక్తం చేశారు. కలెక్టర్ కార్యాలయం ముందు బైఠాయించి ప్రభుత్వానికి వ్యతిరేకంగా నినాదాలు చేశారు.
ఛత్తీస్గఢ్లోని బస్తర్లో ఉసెండి గిరిజనులు 22 ఏళ్ల తర్వాత గాయత పఖ్నా పండుగను ఘనంగా నిర్వహించారు. పూర్వీకుల మోక్షం కోసం నాలుగు రోజుల పాటు నిర్వహించే ఈ వేడుకలో రాళ్లను పాతిపెట్టడం, పాటలు పాడడం వంటి సంప్రదాయాలు పాటిస్తారు. వలస వెళ్లిన వారు తిరిగి రాగా, సామాజిక విందు ప్రత్యేక మార్కెట్తో వేడుకలు ముగిశాయి.
AP: వైఎస్సార్ కడప జిల్లా పులివెందులకు సీబీఐ అధికారులు వెళ్లారు. వైఎస్ వివేకా హత్య కేసులో పలువురికి నోటీసులు అందజేశారు. మహేంద్రయాదవ్, భరత్, కిరణ్కు నోటీసులు ఇచ్చినట్లు సమాచారం. కాసేపట్లో ముగ్గురిని సీబీఐ అధికారులు విచారించనున్నారు.
AP: రాష్ట్రానికి మరో కీలక కంపెనీ రానుంది. తిరుపతి జిల్లా శ్రీసిటీలో ఎలక్ట్రికల్ స్టీల్ కర్మాగారం ఏర్పాటు చేయనున్నట్లు అమెరికా, జపాన్ సంయుక్త సంస్థ ప్రొటీరియల్ ప్రకటించింది. ‘మెట్గ్లాస్ ఇండియా’ పేరుతో కంపెనీ ఏర్పాటు చేస్తున్నట్లు వెల్లడించింది. ‘అమోర్పస్ అల్లాయ్ రిబ్బన్’ను సంస్థ ఉత్పత్తి చేయనుంది. తొలిదశలో సుమారు రూ.700 కోట్లతో పెట్టుబడి పెట్టనుంది.
RR: ఢిల్లీ లిక్కర్ కేసులో తెలంగాణ జాగృతి అధ్యక్షురాలు కవితకు రౌస్ అవెన్యూ కోర్టులో భారీ ఊరట లభించడం సత్యం గెలిచిందనడానికి నిదర్శనమని తెలంగాణ జాగృతి జిల్లా అధ్యక్షుడు పాండురంగారెడ్డి అన్నారు. SDNRలో వారు మాట్లాడుతూ.. తప్పుడు అభియోగాలన్నింటినీ న్యాయస్థానం కొట్టివేసి క్లీన్ చీట్ ఇచ్చిందన్నారు. కవితపై జరిగిన కుట్రలు నేడు పటాపంచలయ్యాయని పేర్కొన్నారు.
BHNG: ఎం తుర్కపల్లి మండలంలోని మల్కాపూర్ గ్రామంలో శుక్రవారం సర్పంచ్ సొన్నాయిల రఘు అంగన్వాడీ కేంద్రంలో అకస్మాత్తుగా తనిఖీ చేశారు. మెనూ ప్రకారం పాలు, గుడ్లు, మురుకులు, పెడుతున్నారని అధికారులను అడిగి తెలుసుకున్నారు. పోషక పదార్థాలను పిల్లలకు టైం ప్రకారం పెట్టాలని హెచ్చరించారు. ఈ కార్యక్రమంలో ఉప సర్పంచ్ బాలయ్య , వార్డు వార్డు మెంబర్లు, పాల్గొన్నారు.
VKB: నవాబ్పేట్ మండలం ఏక్మామిడి గ్రామ సమీపంలో రోడ్డు నిర్మాణం మధ్యలోనే నిలిపివేశారు. కంకర తేలిపోయి వాహనదారులకు ప్రయాణం నరకంగా మారింది. ‘అర్ధాంతరంగా వదిలేసిన రోడ్డు పనులు వెంటనే పూర్తి చేయాలి. ప్రయాణ సౌకర్యం కల్పించాలని అధికారులు ప్రజా ప్రతినిధులు స్పందించాలని కోరుతున్నాం’ అని వాహనదారులు వ్యాఖ్యానించారు.
NZB: రాష్ట్రంలోని హకీంపేట, కరీంనగర్, ఆదిలాబాద్, హన్మకొండ క్రీడా పాఠశాలల్లో ప్రవేశాల ప్రక్రియ గురువారం నుంచి మొదలైంది అన్ని DYSO పవన్ కుమార్ తెలిపారు. 3వ తరగతి పూర్తి చేస్తున్న విద్యార్థులు అర్హులన్నారు. మార్చి 13 నుంచి 17 వరకు మండల, మార్చి 28 నుంచి ఏప్రిల్ 1 వరకు జిల్లా, ఏప్రిల్ 27 నుంచి మే 1 వరకు రాష్ట్ర స్థాయి ఎంపికలు ఉంటాయి అన్ని అన్నారు.
నల్లగొండ ప్రకాశం బజార్లో చిరువ్యాపారుల తొలగింపును మాజీ ఎమ్మెల్యే కంచర్ల భూపాల్ రెడ్డి తీవ్రంగా ఖండించారు. ముందస్తు నోటీసులు లేకుండా షాపులు కూల్చడం దుర్మార్గమని, అధికారుల తోపులాటలో గాయపడ్డ పండ్ల వ్యాపారి అమీర్ను ఆయన శుక్రవారం పరామర్శించారు. ప్రభుత్వం చిరువ్యాపారులకు నష్టపరిహారం చెల్లించి, శాశ్వత ఉపాధి కల్పించాలని డిమాండ్ చేశారు.
KRNL: ఏప్రిల్ 1 నుంచి ‘వికసిత్ భారత్ జి రామ్ జీ’ (VBG Ram Ji) నూతన చట్టం అమల్లోకి వస్తుందని పెద్దకడబూరు APO చంద్రశేఖర్ తెలిపారు. ఇవాళ MPDO కార్యాలయంలో ఆయన మీడియా సమావేశం నిర్వహించారు. పనిదినాలను 100 నుంచి 125 రోజులకు పెంచినట్లు పేర్కొన్నారు. వేతనాల చెల్లింపు ఆలస్యమైతే వడ్డీతో కలిపి ఇస్తామని వివరించారు. ఈ కార్యక్రమంలో అధికారులు లక్ష్మన్న ఉన్నారు.
AP: శాసనమండలి ఛైర్మన్ సభా గౌరవం కాపాడాలని ఎమ్మెల్సీ సోము వీర్రాజు అన్నారు. లడ్డూపై చర్చించేందుకు ప్రభుత్వం సిద్ధంగా ఉందని, మంత్రి సమాధానం చెబుతుండగా ఛైర్మన్ అడ్డుకున్నారని తెలిపారు. మండలి ఛైర్మన్ పార్టీ మనిషిగా కాకుండా ప్రజల మనిషిగా వ్యవహరించాలని సూచించారు.
GNTR: వైద్య రంగంలో మాఫియా ఆగడాలకు వ్యతిరేకంగా రేపు డీఎంహెచ్ఓ కార్యాలయం వద్ద నిరసన చేపట్టనున్నట్లు సీపీఐ నేతలు అరుణ్, అంజిబాబు తెలిపారు. శుక్రవారం కొత్తపేటలో మాట్లాడుతూ..పేదలపై వైద్య భారం పెరిగిపోయిందని, ప్రభుత్వ నిర్లక్ష్యంతో మాఫియా ఆగడాలు మితిమీరాయని విమర్శించారు. కావున మెడికల్ మాఫియాకు వ్యతిరేకంగా రేపు ప్రజా సంఘాలు తమ గళాన్ని వినిపించాలని కోరారు.
