ADB: జిల్లా కేంద్రంలోని బీఆర్ఎస్ పార్టీ కార్యాలయంలో నాయకులు గురువారం సమావేశం ఏర్పాటు చేశారు. మైనార్టీ సీనియర్ నాయకులు సాజితోద్దీన్ మాట్లాడుతూ.. రాష్ట్ర ప్రభుత్వం ప్రతిపక్షాలపై విమర్శలు మాని అభివృద్ధిపై దృష్టి సారించాలన్నారు. అభివృద్ధి పేరిట ఫ్లెక్సీల ఏర్పాటులో ఉన్న శ్రద్ధ ప్రజల సంక్షేమంపై లేదని ఎద్దేవా చేశారు.
TG: పార్టీ మారిన ఎమ్మెల్యేలపై అనర్హత వేటు వేయాలని సుప్రీంకోర్టులో బీఆర్ఎస్ పిటిషన్ దాఖలు చేసింది. 10 మంది ఎమ్మెల్యేల పేర్లను పిటిషన్‌లో నమోదు చేసింది. ఫిరాయింపు ఎమ్మెల్యేలపై స్పీకర్ నిర్ణయం తీసుకోకపోవడంతో బీఆర్ఎస్ సుప్రీంకోర్టును ఆశ్రయించినట్లు సమాచారం.
తమిళ హీరో అజిత్ ప్రధాన పాత్రలో మాగిజ్ తిరుమేని తెరకెక్కించిన మూవీ ‘విడాముయార్చి’. తాజాగా ఈ సినిమాను తెలుగులో ‘పట్టుదల’ అనే టైటిల్‌తో రిలీజ్ చేస్తున్నట్లు మేకర్స్ తెలిపారు. ఇవాళ సాయంత్రం 6:40 గంటలకు తమిళంతో పాటు తెలుగులో ట్రైలర్‌ను రిలీజ్ చేస్తున్నట్లు వెల్లడించారు. ఈ మేరకు పోస్టర్ షేర్ చేశారు.
TG: రాష్ట్ర కాంగ్రెస్ మహిళా అధ్యక్షురాలు సునీతారావు కీలక వ్యాఖ్యలు చేశారు. ‘నామినేటెడ్ పదవికి నేను అన్ని విధాలా అర్హురాలిని. బీసీ మహిళగా నాకు ఆ అర్హత ఉంది. నాకు పదవి ఇవ్వకుంటే PCC చీఫ్‌ని అడ్డుకుంటాను. గాంధీభవన్ మెట్ల మీద ధర్నా చేస్తా. నన్ను ఎమ్మెల్సీని చేస్తానని సీఎం రేవంత్ హామీ ఇచ్చారు. నామినేటెడ్ పదవుల్లో మహిళలకు అన్యాయం జరుగుతోంది’ అని ఆవేదన వ్యక్తం చేశారు.
ATP: బుక్కపట్నం మండల పరిధిలోని కృష్ణాపురం పరిసర ప్రాంతాలలో చిరుతపులి సంచారంపై పోలీసులు, అటవీ శాఖ అధికారులు గ్రామస్థులతో విచారణ చేపట్టారు. బుక్కపట్నం ఎస్సై కృష్ణమూర్తి గురువారం అటవీశాఖ అధికారులు ఐజాక్, లలితమ్మలతో కలిసి గ్రామ పరిసర ప్రాంతాలను పరిశీలించారు. చిరుత పులి కనిపిస్తే తమకు సమాచారం ఇవ్వాలని అటవీ శాఖ అధికారులు గ్రామస్థులకు సూచించారు.
సత్యసాయి: అమరాపురం మండలం గౌడనకుంట గ్రామం మాజీ డీలర్ రామచంద్రప్ప కుమార్తె వివాహం అమరాపురం మండల చర్చిలో నిర్వహించారు. వధూవరుల పిలుపు మేరకు మడకశిర మాజీ ఎమ్మెల్యే తిప్పేస్వామి పాల్గొని వధూవరులను అక్షింతలేసి ఆశీర్వదించారు. కార్యక్రమంలో వైసీపీ మండల కన్వినర్ త్రిలోక్, నాయకులు నరసింహామూర్తి శివకుమార్, సోమన్న ఉడుగుర్, తిప్పయ్య పాల్గొన్నారు.
ప్రకాశం: కనిగిరి ప్రభుత్వ వైద్యశాలను గురువారం ఎమ్మెల్యే డాక్టర్ ముక్కు ఉగ్ర నరసింహారెడ్డి సందర్శించారు. డయాలసిస్ కేంద్రాన్ని పరిశీలించి రోగులకు అందుతున్న సేవలను అడిగి తెలుసుకున్నారు. కనిగిరి ప్రభుత్వ వైద్యశాలలో కార్పొరేట్ తరహాలో పేదలకు వైద్య సేవలు అందించాలని సిబ్బందికి ఆయన సూచించారు. ఈ కార్యక్రమంలో టీడీపీ నాయకులు, వైద్యశాల అభివృద్ధి కమిటీ సభ్యులు పాల్గొన్నారు.
NRML: ఖానాపూర్ మండలంలోని పలు గ్రామాలలో ఫీల్డ్ సర్వేను ఆ మండల అధికారులు పరిశీలించి సిబ్బందికి సూచనలు చేశారు. గురువారం ఖానాపూర్ మండలంలోని సత్తెనపల్లి, తర్లపాడ్, సేవ నాయక్ తండ గ్రామాలలో పర్యటించి సిబ్బంది నుండి వివరాలు అడిగి తెలుసుకున్నారు. సర్వేను పకడ్బందీగా నిర్వహించాలన్నారు. ఈ కార్యక్రమంలో తహసీల్దార్ శివరాజ్, ఎంపీడీవో సునీత, ఎంపీఓ రత్నాకర్ ఉన్నారు.
మన్యం: కొమరాడ మండలంలో సంచరిస్తున్న ఏనుగులను తరలించాలని గురువారం సీపీఎం మన్యం జిల్లా నాయకులు సాంబమూర్తి డిమాండ్ చేశారు. మండలంలో కొత్తవలస సమీపంలో మేకల మంద వద్దకు ఏనుగులు గుంపు చేరుకోవడంతో వాటితో పాటు కాపలాదారులు పరుగులు తీయడంతో ప్రాణపాయం తప్పిందన్నారు. డిప్యూటీ సీఎం ఇచ్చిన మాట ప్రకారం ఏనుగులను తరలించాలని, నష్టపోయిన రైతులకు నష్ట పరిహారం చెల్లించాలని ఆయన కోరారు.
ప్రకాశం: అద్దంకి టౌన్ సీఐగా సుబ్బరాజు గురువారం సర్కిల్ కార్యాలయంలో బాధ్యతలను చేపట్టారు. ఈ సందర్భంగా సీఐ మాట్లాడుతూ.. పట్టణంలో శాంతి భద్రతల పరిరక్షిస్తామని, సిబ్బందితో కలసి ట్రాఫిక్ సమస్య పరిష్కారానికి కృషి చేస్తానని, లా & ఆర్డర్ అమలు చేస్తామన్నారు. ఏవరైనా గోడవలు, దౌర్జన్యాలకు పాల్పడితే కఠిన చర్యలు తీసుకుంటామని హెచ్చరించారు.
NLG: చింతపల్లి మండలం వెంకటంపేట గ్రామ బీఆర్ఎస్ పార్టీ అధ్యక్షులు గోవర్ధన్ చారి ఇటీవల అనారోగ్యంతో హైదరాబాద్, ఆసుపత్రిలో చికిత్స పొందుతున్నారు. గురువారం బీఆర్ఎస్ పార్టీ నల్గొండ జిల్లా అధ్యక్షులు, దేవరకొండ మాజీ ఎమ్మెల్యే రమావత్ రవీంద్ర కుమార్ గోవర్ధన్ చారిని పరామర్శించారు. ఈ సందర్భంగా మాట్లాడుతూ.. మెరుగైన వైద్యం అందించాలని వైద్యులకు సూచించారు.
SRPT: హైదరాబాద్‌లో కేంద్ర మాజీ మంత్రి సూదిని జైపాల్ రెడ్డి 83వ జయంతి వేడుకల్లో గురువారం ఎమ్మెల్యే మందుల సామేలు పాల్గొన్నారు. ఈ సందర్భంగా వారు మాట్లాడుతూ.. ఈనాటి రాజకీయ నాయకులు జైపాల్ రెడ్డిని ఆదర్శంగా తీసుకొని ముందుకు పోవాలని, ఉత్తమ పార్లమెంటేరియన్ గా ఎన్నోసార్లు అవార్డు అందుకున్న ఘనత ఆయనకే దక్కిందన్నారు.
VZM: సీతానగరం మండలం బూర్జలో చికిత్స పొందుతూ మహిళ మృతి చెందింది. పోలీసుల కథనం మేరకు.. ఈనెల 10వ తేదీన వంట కలపతో నీరు కాయడానికి మంట పెట్టింది. ఆ సమయంలో మరో పని చేస్తుండగా ఆమె చీరకు మంట తగలడంతో తీవ్ర గాయాలయ్యాయి. దీంతో విజయలక్ష్మిని పార్వతీపురం జిల్లా కేంద్రాసుపత్రికి తరలించగా చికిత్స పొందుతూ బుధవారం మృతి చెందింది.
SRPT: భూధాన్ పోచంపల్లి కాంగ్రెస్ పట్టణ కమిటీని ఎన్నుకున్నారు. వారు బ్లాక్ కాంగ్రెస్ అధ్యక్షుడు తడక వెంకటేశ్వర్లుని కలిశారు. ఈ కార్యక్రమంలో ఒకటో వార్డు కౌన్సిలర్ దారెడ్డి మంజుల వేణుగోపాల్ రెడ్డి, పట్టణ శాఖ అధ్యక్షుడు భారత లవకుమార్, ఉపాధ్యక్షుడు చంద్రమౌళి గౌడ్, కార్యదర్శి కొండమడుగు భీమయ్య, కార్యవర్గ సభ్యుడు మోడెపు అశోక్, ఈటమోని పాండు పాల్గొన్నారు.
మన్యం: వైసీపీ జిల్లా ఆర్గనైజేషనల్ కార్యదర్శిగా అల్లు ఈశ్వరరావు నియమించడంతో గురువారం చినమేరంగిలో మాజీ డిప్యూటీ సీఎం పుష్ప శ్రీవాణిని మర్యాదపూర్వకంగా కలిసి పుష్ప గుచ్ఛం అందజేశారు. తనకు పదవి రావడానికి జిల్లా అధ్యక్షుడు పరీక్షిత్ రాజుమాజీ డిప్యూటీ సీఎం శ్రీవాణి చోరవేనని వారి సూచనలు పాటిస్తూ పార్టీ పటిష్టతకు కృషి చేస్తానన్నారు.
