ఫుట్ బాల్ లెజెండరీ ప్లేయర్ మెస్సీకి విపరీతమైన ఫ్యాన్ ఫాలోయింగ్ ఉంది. ఇటీవల ఫిఫా వరల్డ్ కప్ గెలుచుకున్న తర్వాత ఆయన క్రేజ్ మరింత పెరిగిపోయింది. ప్రపంచ వ్యాప్తంగా మెస్సీకి ఇప్పుడు అభిమానులు ఉన్నారు. టీమిండియా మాజీ కెప్టెన్ మహేంద్ర సింగ్ ధోనీ కూడా మెస్సీని విపరీతంగా అభిమానిస్తాడు. ధోనీ కుమార్తె జీవా ధోనీ కూడా మెస్సీ అభిమానిగా మారింది. చిన్న వయసులోనే తండ్రిలాడే ఫుట్‌బాల్ క్రీడను బాగా ఎంజాయ్ చేస్తోంది.
ధోనీ, ధోనీ కుమార్తె తనకు అభిమానులని మెస్సీకి తెలుసు. ఈ విషయాన్ని గుర్తు పెట్టుకున్న మెస్సీ ధోనీ కుమార్తెకు ఓ గిఫ్ట పంపాడు. తన చేత్తో సంతకం చేసిన ఓ జెర్సీని జీవాకు బహుమతిగా పంపాడు. మెస్సీ పంపిన ఆ జెర్సీని జీవా ధరించింది. సంతోషంతో ఉప్పొంగిపోతోంది.
జీవా కోసమే ఈ జెర్సీ (పారా జీవా) అని జెర్సీపై అని రాసి ఉంది. ఆ కిందనే మెస్సీ సంతకం ఉంది. మెస్సీ పంపన జెర్సీని ధరించిన జీవా ఎంతో సంతోషంగా ఉంది. ఈ ఫోటో ప్రస్తుతం సోషల్ మీడియాలో చక్కర్లు కొడుతోంది.
