రిలయన్స్ జియో తన తొలి ల్యాప్ టాప్ ను విడుదల చేసింది. జియో బుక్(jiobook laptop) పేరిట అందుబాటులోకి తీసుకొచ్చింది. ఈ ల్యాప్ టాప్ రూ.15వేలకే అందుబాటులోకి వస్తుండటం గమనార్హం. అతి తక్కువ ధరకే ఈ ల్యాప్ టాప్ ని అందుబాటులోకి తీసుకు రావడం గమనార్హం.
రిలయన్స్ జియో ఇటీవల ఇండియన్‌ మొబైల్‌ కాంగ్రెస్‌ (ఈఎంసీ) ఈవెంట్‌ వేదికగా ఈ ల్యాప్‌టాప్‌ను లాంఛ్‌ చేయగా తొలుత ప్రభుత్వ అధికారులకు అందుబాటులో ఉండగా తాజాగా వినియోగదారులందరికీ లభిస్తోంది. జియోబుక్‌ ల్యాప్‌టాప్‌ ఖరీదు రూ 15,799 ప్రారంభ ధర కాగా, కొనుగోలుదారులు రిలయన్స్ డిజిటల్‌ స్టోర్‌ ద్వారా వీటిని సొంతం చేసుకోవచ్చు. పలు బ్యాంకు కార్డులపై రూ 5000 వరకూ ఇన్‌స్టంట్‌ డిస్కౌంట్‌ లభిస్తుండగా, క్రెడిట్‌ కార్డు ఈఎంఐ లావాదేవీలపై రూ 5000 తగ్గింపు లభిస్తోంది. జియోబుక్‌ 11.6 ఇంచ్‌ హెచ్‌డీ డిస్ప్లేతో పాటు ముందుభాగంలో వీడియో కాల్స్‌ కోసం 2 ఎంపీ కెమెరా కలిగిఉంది. తక్కువ బడ్జెట్‌లో బ్రౌజింగ్‌తో పాటు ఎడ్యుకేషన్‌ అవసరాల కోసం ఈ ల్యాప్‌టాప్‌ మెరుగ్గా ఉపయోగపడుతుంది.
ఈ ల్యాప్‌టాప్‌ క్వాల్‌కాం స్నాప్‌డ్రాగన్‌ 665 ఎస్‌ఓసీ చిప్‌సెట్‌ను కలిగిఉంది. జియోల్యాప్‌ టాప్ 11.6-అంగుళాల HD డిస్ప్లేతో వస్తుంది. వీడియో కాల్‌ల కోసం.. బ్రాడ్ బెజెల్స్, ముందు భాగంలో 2-MP కెమెరాను కలిగి ఉంది. Qualcomm Snapdragon 665 SoC ద్వారా ప్రాసెసర్ ఉంది. దీనికి Adreno 610 GPU సపోర్టు అందిస్తుంది. కేవలం 2GB RAMతో వస్తుంది. అయితే మల్టీ టాస్కింగ్ దీనిపై సాఫీగా ఉండదు. 128GB వరకు అప్‌ గ్రేడ్ చేసుకునే 32GB eMMC స్టోరేజీతో అందుబాటులో ఉంటుంది.
ఇది కూడా చూడండి: వీడియో గేమ్ క్రియేటర్‌తో రాజమౌళి(rajamouli)..!
