మణిపూర్లోని మోయిరాంగ్ (Moirang) శిబిరాల్లో అల్లర్ల కారణంగా నిరాశ్రయులైన ప్రజలతో కాంగ్రెస్ అగ్రనేత రాహుల్ గాంధీ కలిశారు. మేము మీతో ఉన్నాము దైర్యంగా ఉండండి అని భరోసా కల్పించారు. హింసాకాండ (violence) బాధితులకు బాసటగా నిలిచేందుకు వచ్చిన తనను రాష్ట్ర ప్రభుత్వం నిలువరించిందని రాహుల్ గాంధీ (Rahul Gandhi) ఆరోపించారు. రాహుల్ ఇంఫాల్కు చేరుకోగా, భద్రతా పరమైన కారణాలు చూపుతూ చుర్చందనాపూర్కు బయలుదేరిన ఆయన కాన్వాయ్ను అడ్డగించింది. ఆపై హెలికాఫ్టర్ (Helicopter)లో రాహుల్ అల్లర్లు చెలరేగిన జిల్లాను చేరుకుని సహాయ శిబిరాల్లో తలదాచుకున్న ప్రజలను పరామర్శించారు.
చదవండి : YCP Mla Anil Kumar అనుచరుల బీభత్సం.. సెక్యూరిటీ గార్డ్స్పై దాడి
మణిపూర్ ప్రజల బాధను నేను పంచుకుంటున్నాను. ఇది ఒక భయంకరమైన విషాదం. ఇది మణిపూర్ (Manipur) ప్రజలందరికీ, దేశ ప్రజలకు కూడా చాలా బాధాకరమైనదని ఆవేదన వ్యక్తంచేశారు. శిబిరాల వద్ద కనీస సౌకర్యాలు మెరుగుపర్చాల్సిన అవసరం ఉందన్నారు. శిబిరాల్లో ఉన్న ప్రజలకు ఆహారం(food), మందులు తగినంత సరఫరా చేయాలని, క్యాంపుల నుంచి ఇలాంటి ఫిర్యాదులు వస్తున్నాయన్నారు. మనకు శాంతి అవసరమని మణిపూర్లోని ప్రతి ఒక్కరికీ విజ్ఞప్తి చేశారు. హింస వల్ల ఎవరికీ ఏమీ ఉపయోగం ఉండదన్నారు. అల్లర్లు (Riots) ఒక భయంకరమైన విషాదమని, మనం ఇక్కడ శాంతిని నెలకొల్పాలని సూచించారు.
చదవండి : Manipur CM రాజీనామా..? లేఖ చించేసిన మహిళలు
