Tamilnadu Minister Udhayanidhi Stalin Calls BJP Is A Snake
Udhayanidhi Stalin: అన్నాడీఎంకేతోపాటు బీజేపీపై తీవ్ర విమర్శలు చేశారు తమిళనాడు మంత్రి, డీఎంకే నేత ఉదయనిధి స్టాలిన్ (Udhayanidhi Stalin). అన్నాడీఎంకే చెత్త కుప్ప అని.. దానిని తొలగించాలని సూచించారు. బీజేపీ విష సర్పం అని హాట్ కామెంట్స్ చేశారు. నైవేలీలో డీఎంకే ఎమ్మెల్యే సభా రాజేంద్రన్ పెళ్లికి ఉదయనిధి స్టాలిన్ హాజరయ్యారు. అక్కడ మీడియాతో ఈ విధంగా మాట్లాడారు.
చదవండి: Church Father: అయ్యప్ప మాల వేసుకున్న చర్చి ఫాదర్‌..మత విరుద్ధమని లైసెన్స్ రద్దు!
సర్పం ఇంట్లోకి వస్తే తీసి బయట పడేస్తే సరిపోదు.. అదీ ఇంటి సమీపంలోని చెత్తకుప్పలో దాగి ఉండొచ్చు. ఆ చెత్తను శుభ్రం చేయనంత వరకు ఆ పాము మీ ఇంట్లోకి వస్తూనే ఉంటుందని తెలిపారు. ఆ అంశాన్ని తమిళనాడుకు అన్వయించారు. తమిళనాడు మన ఇల్లు అని.. ఇక్కడ విష సర్పం బీజేపీ అని తెలిపారు. ఇంటి సమీపంలో ఉన్న చెత్త కుప్ప అన్నాడీఎంకే అని విమర్శలు చేశారు.
చెత్తను తీసివేయనంత వరకు.. విష సర్పాన్ని దూరంగా పంపించలేరని ఉదయనిధి (Udhayanidhi) పేర్కొన్నారు. బీజేపీని వదిలించుకోవాలంటే.. అన్నాడీఎంకేను తుడిచి పెట్టేయాల్సిందేనని స్పష్టం చేశారు. అన్నాడీఎంకేతోపాటు బీజేపీపై కూడా తీవ్ర వ్యాఖ్యలు చేశారు. సనాతన ధర్మం గురించి ఉదయనిధి (Udhayanidhi) చేసిన కామెంట్స్ దుమారం రేపిన సంగతి తెలిసిందే. ఆ వెంటనే బీజేపీని సర్పం అని పోల్చారు. అంతకుముందు ఏ రాజా కూడా ప్రధాని మోడీని సర్పం అని కామెంట్స్ చేశారు.
